أشغلتني ياهم وأسهرت عيني

[معلومات العضو راشد محمد المقابله]

أشغلتني ياهم

للمبدع عبدالرحمن بن بديع

اشغلتنـي ياهـم واسهـرت عينـي =من زرتني والنوم مايدخـل المـوق
لازارنـي همـي وبـيـح كنيـنـي =خذيت لي لا هـود الليـل طـاروق
امـا اِلعبـه مسحـوب ولا هجينـي =من ضيقتي ماهو من الوله والشـوق
ياحسرتي ياما مضـى مـن سنينـي =والله يستر لايجـي الطـاق مطبـوق
اللـي مـن الله كاتبـه فـي جبينـي =سبحانه اللي دبر الرزق مـن فـوق
امـن العـدم لـو اتوسـد يميـنـي =في ذمتي ماهييـن نفسـي لمخلـوق
وكرامـةٍ منـهـا تـعـدا يديـنـي =والله ماحظـاهـا ولا اذوقـهـا ذوق
ووالله ماجـي واحــد ٍ مايبيـنـي =لو كان يلحقني من الوقـت لاحـوق
ولاني وراء غرات ربعـي ادوينـي =وادخل على الله ماعرف الغدر والبوق
واللـي ليامنـي زهمتـه يجيـنـي =باسوق نفسي لابـدا لازمـه سـوق
لـو الحجـاز ونجـد بينـه وبينـي =الاٍ عنـه يمنعنـي المـوت والعـوق
ويامعتلـي يـااكـرم الاكرميـنـي =ياللي مليـت اجسادنـا دم وعـروق
لوضعي ولسراري وشينـي وزينـي =عهد ً علي لاخلي الصـدر صنـدوق
للناس لـو اسـرار صـدري تبينـي =والله ماتنفعني وانـا منـك مزنـوق
ماينـفـع الا فزعـتـك يامعيـنـي =ماهو بشرط كـل مطـرود ملحـوق

 

 

 

 

[معلومات العضو محمد.الودعاني]

اخي عاشق لاهنت على النقل والله يعطيك العااااافيه وبيض الله وجهك تقبل مروري محمد الخمااسين

 

 

 

 

[معلومات العضو راشد محمد المقابله]

الله يعطيك العافيه يامحمد على المرور ولاهنت