زينة حياه , ونصف دين ,وغذا روح !

[معلومات العضو برقن سرى]

انثـر علـى خـدي مــن الـدمـع وانــوح
لـيـن المـدامـع جــفّ مـاهـن وبـاحــن



ومشاعري من شـان لاصيـر مفضـوح
اكذب على نفسـي واقـول استراحـن



اهــدي اعصـابـي وانــا افــور وافـــوح
لـو فـوقـي الـدلــه والابـريــق فــاحــن



لنـي فقـدت الــروح مــع تــوأم الــروح
اغلـى ثـلاث(ن) فـي حياتـي وراحــن



راحـن وبــاب القـلـب للـحـزن مفـتـوح
والـنـوم عــن عيـنـي دروبــه تـنـاحـن



ورثـت مـن مرواحهـن عـشـرة جــروح
اسكت وهن سكوت ون صحت صاحن



والـى لـزمـت الصـمـت مــاودي ابــوح
تـجـردن مـــن صمـتـهـن واستـبـاحـن



يال النصيب اللي كتب لي على اللوح
علقـتـهـن بـيــن المـحـاجـر وطـاحــن



طاحن ويـوم الظـل ميـل علـى الـدوح
كـن الحمـايـم فــي ضلـوعـي تـلاحـن



ياكـسـرة الخـاطـر وياقـصـرة الـشــوح
ضحيتـيـن الـحــرب والـحــرب طـاحــن



قفن عن عيوني بروق(ن)لهـن ضـوح
واتلا العهد فـي شوفهـن عقـب لاحـن



زينـة حيـاة, ونصـف ديــن, وغــذا روح
اغلـى ثـلاث(ن) فـي حياتـي وراحــن



كلمااات

مدغم آبو شيبه

منقول ,, اتمنى اعجااابكم ,, تقبلوووا وافر تحياااتي

 

 

 

 

[معلومات العضو شافي بن راشد النتيفات]

صح الله لسانك ولسان شاعرها

ولاهنت على النقل

 

 

 

 

[معلومات العضو عبدالرحمن بن فلاح آل بريك]

صح لسانك ولسانه لا هنت على النقل المميز .

 

 

 

 

[معلومات العضو مبارك بن شافي النتيفات]

اهب يابوشيبه والله البحر

من اروع ماقرات

حاولت اقتبس بيتين وكل بيت يقول لا تعداني

صح لسانه على هذه الدرة الرائعة

وسلمت يمينك وسلم انتقائك العذب

مبدع كما عهدناك

تقبل مروري المتواضع في هذا المتصفح الكريم

 

 

 

 

[معلومات العضو محمد مطلق آل بريك]

والله أني من قرأتها من البدايه وأنا أتوقع أنها لبو شيبه

عزالله عرفت تنقي يابرق وأهنيك على الذائقه الشعريه الراقيه

تحياتي وتقديري