![]() |
انشر الموضوع |
|
أدوات الموضوع | انواع عرض الموضوع |
![]() |
#1 | ||
|
![]() بسم الله الرحمن الرحيم الأخوة الكرام هذه قصة فتح الرياض يرويها لنا الشيخ والراوي محماس بن علي آل ربيع المخاريم رحمه الله، وقداستفدنا منه كثيرا ً فهو أرشيف كامل لتاريخ وروايات الدواسر عموما وغيرها من القبائل ولاغرابة في إلمامه بالكثيرمن الأحداث والروايات فهو من أسرة سليلة المجد والأمارة وهو أحد أحفاد الشيخ ربيّع بن زيد،الأمير الغني عن التعريف كما اضيف انه من المشاركين في توحيد البلاد في عهد الملك عبدالعزيز رحمهم الله جميعاً. يقول من خلال حديثه الطويل عن قصة فتح الرياض الله الله ... ومن السوالف اللي حصلتها عند ابوي للملك عبدالعزيز انه في طريق عودته من الكويت مرو على رجال من سبيع أو من الدواسر الأسفلين وقال: ياعبدالعزيز كونكم تبون زيادة زهاب ، قال: إن كان فيه شيء زيادة على قوت عيالك فلامانع وترانا نبي زاد مايشب له ضو قال: كل شي حاضر قال: الكيس هذا اخذوه والقلتين هاذي اخذوها والظرف ذه اخذوه (هذي ماتشب لها ضو ) ويوم دبرو قال عبدالعزيز : يافلان تراك اليوم قد غزيت معنا ( ومن عاون غازي فقد غزى ) إن الله ملّكنا فتراك منا ومعنا لين نموت قال: ان شاء الله بينصركم الله والملك عبدالعزيز له ام مرضعته مملوكة لعبدالرحمن ويوم ملك ابن رشيد الرياض خذاها عجلان ، وقالت: إن نويتو تجون من الكويت فعلموني اعطيكم الأسرار ، وجاها مندوب وقالت الليل الفلاني عندمعزبته (غيري) واللي عقبه (عندي) ولاجاء اليوم اللي مهوب عندي فمروني وازيدكم بالعلوم ، ويوم راح لمعزبته الثانية (مّروها ) وجوها وقالت: شوفو ترى العلامة لاقدهو جنب بيتي تراني بقول يا(عرينة) خدامة لها باقول لها : عطيني كذا وكذا ،ويوم جاء جنب البيت قالت ياعرينة عطيني اللي عندك فقاموا الرجاجيل عليه فشافهم ويوم قده بيدخل مع (الخناقة) لحقه حزام العجالين وابن جلوي واضربه ابن جلوي وذبحوه ومعه بعض اخوياه وسلط الله عليهم ، وعقبن قالو ياهل القصر تبون الأمان والسلامة فسلموا انفسكم ، واللي يبي الموت والله إن يحصله ، قالو: عطنا وجهك : وعاطهم عبدالعزيز وجهه ، وسلموا ا نفسهم وخذو سلاحهم وقال عبدالعزيز انتم احرار وكلا يروح لديرته اللي يبي. وقد قال الملك عبدالعزيز قصيدة أثناء قدومه للقصر : طــويـــق بــانـــت يـالـنـشـامـا قــــــوره يــاهـــل الــركــايــب رفـــعـــو تـالـيــهــا دارنـــــــا مـــــــن عـقــبــنــا مــهــجـــوره يـذكـر لـنــا إن الـعـبـد يـامــر فـيـهـا حــــرّم عــلــي الــنــوم لــيــن نــــزوره لــيـــن الـعــمــار الـغـالــيــة نـهـديــهــا لاكـــــان يــضـــرب تـــوّنـــا طـــابـــوره بإذن الــولــي مــاعــاد يـقـعــد فـيــهــا مــن غـاربـه سيـفـي غــدا بـاكــوره سـيـوفـنــا يــــــوم الــلــقــاء نــرويــهــا أصبـح تعـلاّ الـحـر عـالـي وكــوره اصبح منادي الحكم يدعي فيها منقول
|
||
|
![]() |
![]() |
#2 | |||
|
![]()
|
|||
|
![]() |
![]() |
#3 | ||||
|
![]() يعطيك العافية اخوي حفيد الامراء
|
||||
|
![]() |
![]() |
#4 | ||
|
![]() الأخوان الكرام
الحميدي الغريري ابوفهد الرجبان أهلاً هلا ماهل وبل المخاليل=واهلاً هلا مالاح براق بخيال دائماً تكتبون وتبدعون وازدان موضوعي بهذه الإطلاله الرائعه والأروع كتابتكم الجميله ولاهان أخوي الحميدي على التنويه باللقاء وماعليكم زود ياصبيان الغرره والرجبان ولاعدمناكم تقبلوا مني اجمل التحايا العطره
|
||
|
![]() |
![]() |
#5 | ||
|
![]() ارحب ياحفيد الامراء وبيض الله وجهك على النقل المشرف والمفيد تقبل مروري
|
||
|
![]() |
![]() |
#6 | ||
|
![]() الأخ الكريم والشاعر القدير شافي النتيفات أهلاً هلا ماهل وبل المخاليل=واهلاً هلا مالاح براق بخيال دائماً تكتب وتبدع وازدان موضوعي بهذه الإطلاله الرائعه والأروع كتابتك الجميله وماعليك زود ياصبي النتيفات ولاعدمناك تقبل مني اجمل التحايا العطره
|
||
|
![]() |
![]() |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
إعلانات نصية |
منتديات صحيفة وادي الدواسر الالكترونية | |||
![]() |
![]() |
||