تـــاج الـشــعـر.. عــطــر الـبـنـفــســج..

[معلومات العضو نفحات نور]

السلااااااااااااااااام عليكم....

..... اتمنى لها.. شي من القبول.....

*********تــــاج الـــــشعر... عطر البنفسج *********

*
&
*
&

كل مـالاح نـورك مـن جبينـك

سولف النسريـن عنَـك للبنفسـج

تدهشين الشعـر يومـك تكتبينـك

تنسجين اللي مهو بالسهل ينسـج

بالمشاعـر لابغيتـي تشعريـنـك

إيتبرمج لك بحر ماهـو امبرمـج

تكتبينه والبحـر يصبـح سفينـك

الف مدخل لك معاه والف مخـرج

ذاب كف الشمس يوم تصافحينـك

كن نورك في مسار الشمس مدمج

كل طهـر فـي بـراءة شفتينـك

يرتحل صمت الحـروف ولاتهـرج

بس تنفس عطرك المبهر سنينـك

صار تاج الشعر بحظورك متَـوج

عـاد اقـول الله يرحـم والدينـك

كل درب ٍ تسلكينـه صـار منهـج

كل وجهاتـك تجيـك وتحترينـك

كن مابينك وبينـك شـي محـرج

في خيالك في مـدآك إتسافرينـك

في دروبك ياعساها فيـوم تفـرج

يآه.. كل منتـي فبالـك تذكرينـك

نبض عينك في دموع القلب مضرج

روعتك تسكن بهـآك وتسكنينـك

فيك صار الفجر عذب وصار ابلـج

تضحكيـن وفلسفـة غمازتيـنـك

تشرح المعجز من المعنى وينضـج

في غيابك كل شـي قـال وينـك

من حظورك لن مابه شـي ابهـج

إن مسكتي الليل مره فـي يدينـك

صار لك طيف الخيال الذرب مسرج

تنثرينـه للمـدى مـن راحتينـك

ليش كان الشوق منك حيل يحتـج

دامنـي والشعـر حيـل مدلعينـك

لين بات الحلم أجمل شـي منسـج

أفهمينـي كـان ودك تفهميـنـك

منه اللي لاحظرتي صـار مبهـج

تبهرين النـور يومـك تشعلينـك

صار لك بحر الشعور العذب منهج

وإن بغيتي بالمشاعـر تشعرينـك

سافر النسرين في عطر البنفسـج

*
&
*
&
*
وسلاااااااااامتكم.. جميعاااا..,,..