ربعي (بلي )ملجمة كل عفريت/

[معلومات العضو تآج روس السلاطين]

لا هزّت الشعار جذع(ن) لها ميـــت
هزّيـت بالقيفان ركــن القيـــــاده

والله لولا الخوف من خالق البيــــت
لأركب لهم مشهور واكرب شداده

وأنسف لسيسان الفلس بالدناميت
وأنثر مع السافي بقايــا رمــــــاده

وأسحن لهم ترياق من قرن حلتيت
يا كود راعي الغي يلقى رشـــاده

ثّوّر عجاج القاف وآنـــــا تعزويــــــت
دام الحميّــا للمطاليـــق عـــــاده

ربعي بلي إملجمه كــــل عفريـــت
عوق الخصيم اليا طغى في فساده

لا من مشينا مـا نعرف التلافيــــــت
المجــد مطلب للبلوي وعـــــاده

تاريخهم معـــروف ما هي تباهيـــــت
أنصار دين الله وأهـــــل الرشــــاده

كم قايد(ن) سجل له الفخر منشيت
علم(ن) يدرس في فنـون القيــاده

حنى لسيفه من رقــاب الطواغيـــت
وأركى عليهم عدتـه مــع عتــــاده

تشهد لهم افريقيــــا كــــان مرّيــت
وأقبورهم تسطع بنور الشهــــاده

من قيسنااللي ثبت الدين تثبيت
من تونس الخضرا لحـــد الجراده

وإشيوخنا اللي من خلف طيب الصيت
نسل الامارة من عيـــــال الرفـاده

امسلسه بالطيب فعل وتثابيــــــــت
وافعالهم تروي معاني السيـــاده

وامنّبته في منــــقع العــز تنبيـــــــت
وهرجن بلا برهان ما بــه فــــواده

إبراهيم أبورويس البلوي/