لحظةٍ من ساعةٍ في نهار ٍ من زمان

[معلومات العضو محمد بن محسن بن حشفل]

اعظاء هذا المنتدى الكرام اسعد الله اوقاتكم بكل خير يسعدني التواصل معكم مجدداً بهذه الابيات وهي من القصائد القديمه امل ان تنال اعجابكم وتقديركم

لحظةٍ من ساعةٍ في نهار ٍ من زمان=بينت لي خافي ٍ ماهقيت انه يصير
من رفيق ٍ كنت اعده من حساب الخوان=واتضح لي منه ما كان يخفيه الضمير
عقب هاذي رفقة الناس ما ظمنها ظمان=واكتفيت بما يجي بالقليل من الكثير
وين يلقى المنصح برفقته في ذى الزمان=ما يجيبه لك رفيق ٍ سوى الحظ الكبير
الرفيق اللي سنادٍ معك في كل شان=مثل ما قالوا بلا شر يلقى فيه خير
اكثر العالم بذالوقت يالله المستعان=رفقته بالمصلحه وقتها وقت قصير

 

 

 

 

[معلومات العضو ابو زيد الغييثي]

اكثر العالـم بذالوقـت يالله المستعـان&رفقته بالمصلحه وقتها وقـت قصيـر


بو محسن صح اللسانك واعتلا شانك

ومبطين منك ومن قصيدك لا تقاطعنا يالقرم

أخوك / ابو زيد

 

 

 

 

[معلومات العضو فهد بن مبارك الودعاني]

أرحب أرحب يأبو محسن

بيض الله و جهك ياطويل العمر

جزله

من

رأس

جزل

فالك التوفيق ياذيبان


ولأتحرمنا من جديدك.

تقبل مني أرق التحايا و أعذبها من أخوك...

 

 

 

 

[معلومات العضو بوحمد الحمد]

صح السانكـ ياغالي

كلمات في قاية الروعه والجمال

وان شاء الله ماتحرمنا من اي جديد

دمت بكل خير

لكـ سلامي وتقديري

دمت بود

 

 

 

 

[معلومات العضو شافي القويسي المخاريم]

ارحب يالخضيري


و الله كل ما تقدمه جزل

وأنا من المعجبين في قصايدك


تحياتي لك

 

 

 

 

[معلومات العضو سالم بن صمهود]

اكثر العالـم بذالوقـت يالله المستعـان=رفقته بالمصلحه وقتهـا وقـت قصيـر

الشاعر العلم محمد بن حشفل صح الله لسانك وبيض الله وجهك على الابيات الجزلة والغير مستغربه

 

 

 

 

[معلومات العضو هادي الغريري]

صح السانكـ ياغالي

كلمات في غاية الروعه والجمال

وان شاء الله ماتحرمنا من اي جديد

دمت بكل خير

 

 

 

 

[معلومات العضو مشعل راشد الشايقي]

ارحب ياجزل القصيد


الله عليك الله الله


على هذه الراقيه الوافيه


صح لسانك وعلا شانك



تحيتي وتقديري

 

 

 

 

[معلومات العضو ابن ادريس]

صح لسانك ابو محسن وقصيدة جميلة دائما انت رائع وننتظر الجديد اخوك محمد بن ادريس