ما يوجع الرجال ويحس باله

[معلومات العضو محمد بن محسن بن حشفل]

ااخواني اعضاء المنتدى الكرام يسعدني التواصل معكم مجدداً بهذه القصيده امل ان تحوز على اعجابكم جميعاً

ما يوجع الرجال ويحس باله=ويبحث خفا نفسه ويندم بما صار
يكون لامنه فعل له جماله=في عاقب يمين ٍ من الناس بوار
جا يشتكي لي من غرابيل حاله=متشتتٍ فكره بدعواه محتار
ووقفت له ميقاف طيب وشكاله=عن لازمه ما قمت ادور للاعذار
وردته الماء لين طالت حباله=وتيسرت دنياه من عقب الاعسار
ويوم اغتنى رداه ساقه بداله=نسى الجميل وقابل الطيب بنكار
فان قيل منهو قلت مالي وماله=خله عساها تنقطع منه الاذكار
غلطه وطافت واعتبرها جهاله=من يصنع المعروف في طافي النار
لكن انا حبيت اوجه رساله=لكل رجل طيبٍ عندي انذار
من كان يشقى بالجميل ومجاله=لا يبذره يكون فالناس الاخيار

وسلامة الجميع

 

 

 

 

[معلومات العضو شافي القويسي المخاريم]

من كان يشقى بالجميـل ومجالـه=لا يبذره يكـون فالنـاس الاخيـار

هالله هالله


عز الله قصيدة جزله


و هذا ما نراه في هذي الايام


نسوي المعروف والجميل في شخص ولامن واجهناه كنه ما يعرفنا حتى السلام ما هوب يسلم



هذي حال الدنيا



صح لسانك يابن محسن



آخر بيت يسوا له قصيده



و لاهيب مستغربه منك القصايد الجزله



تحياااااااااااااااتي

 

 

 

 

[معلومات العضو راشد المسعري]

صح لسانك يابو محسن ولاهوب غريب عليك الجزالة ولا العلم الغانم قصيدة جزلة وتعالج موضوع مهم تقبل ودي وتقديري ،،

 

 

 

 

[معلومات العضو ولد ودعان]

محمد بن محسن ابدعت في هذاه الابيات الجميله

ولا تقطعنا يالذيب

تحياتي

ولد ودعان

 

 

 

 

[معلومات العضو ابو زيد الغييثي]

صح اللسانك واعتلا شانك ورفع الله مقدارك

ابيات جزله من راس جزل

اخوكـ / ابو زيــــد

 

 

 

 

[معلومات العضو سالم بن صمهود]

من كان يشقى بالجميـل ومجالـه=لا يبذره يكون فالنـاس الاخيـار



صح الله لسانك ياذيبان ولكن لاتحسف وانا اخوك مايتحسف الا من فعل العلم الردي تكرم انت ومن يسمع ويقرا كلامي

 

 

 

 

[معلومات العضو نواف الرجباني]

صح اللســـــــــا نك


وبيض الله وجهك على هذه القصيده الرائعه


ت ح ي ا ت ي

 

 

 

 

[معلومات العضو ابو فهد الغييثي]

صح اللســـــــــا نك


وبيض الله وجهك على هذه القصيده الرائعه

 

 

 

 

[معلومات العضو فهد الغريري]

ما يوجع الرجال ويحس باله=ويبحث خفا نفسه ويندم بما صار يكون لامنه فعل له جماله=في عاقب يمين ٍ من الناس بوار جا يشتكي لي من غرابيل حاله=متشتتٍ فكره بدعواه محتار ووقفت له ميقاف طيب وشكاله=عن لازمه ما قمت ادور للاعذار وردته الماء لين طالت حباله=وتيسرت دنياه من عقب الاعسار ويوم اغتنى رداه ساقه بداله=نسى الجميل وقابل الطيب بنكار فان قيل منهو قلت مالي وماله=خله عساها تنقطع منه الاذكار غلطه وطافت واعتبرها جهاله=من يصنع المعروف في طافي النار لكن انا حبيت اوجه رساله=لكل رجل طيبٍ عندي انذار من كان يشقى بالجميل ومجاله=لا يبذره يكون فالناس الاخيار الشاعر العزيز والاخ الكريم ابو محسن " محمد بن محسن بن حشفل" الله يصح السانك ويعلي شانك ويزودك من زوايد فضله وافي جعلك تحيى في قصيدك التي تمتلي من العبر والحكم لله درك على مارسمت لنا في هذه اللوحة نيره وعسى الله يزين احول المسلمين وتقبل مني فائق التقدير والاحترام اخوك /فهد الغريري,,,

 

 

 

 

[معلومات العضو إبن شامان]

	بسم الله الرحمن الرحيم جا يشتكي لي من غرابيـل حالـه=متشتـتٍ فكـره بدعـواه محتـار ووقفت له ميقاف طيـب وشكالـه=عن لازمه ما قمت ادور للاعـذار قولٍ وفعل يابو محسن عسى عودٍ جابك فالجنة الشاهد الله إن هذي طبايع الطيبين يقول الشاعر سعد بن جدلان:- والا ليامنـه رمعـنـي روامـيـع=وضاقت علي كل الفجوج الوساعي جيته ويسر لي عسير المواضيـع=وخلا خفايا خاطري لـه وساعـي معرفته ماهـي معرفـة طماميـع=ماتنتج إلا الغطرسـه والضياعـي لكن المصيبة عندما يضيع مابذل من الجهد أو الوقت أو المال بل المصيبة الكبرى عندما يأتيك الضرر من ذلك الشخص الذي حويته بجهدك أو مالك أو وقتك. هناك رواية لأعلم عن مدى صحتها و هي أن قوماً خرجوا إلى الصيد ، و بينما هم في عرض الصحراء إذ خرجت عليهم ضبع ، فطاردوها فهربت منهم حتى دخلت إلى خباء أعرابي فخرج إليهم الأعرابي وقال: ما شأنكم؟ فقالوا: صيدنا وطريدتنا ، فقال: كلا والذي نفسي بيده لا تصلون اليها ما ثبت سيفي بيدي ، ومن أخلاق العرب أنهم إذا استجار بهم أحد لا يخذلونه ، فرجع الصيادون وتركوه فقام الأعرابي الى شاة عنده فحلبها و قربه إلى الضبع و قرب إليها إناء ماء فأقبلت تشرب مرة من هذا ومرة من ذاك حتى ارتوت واستراحت وعادت لها الحياة و نامت فبينما الأعرابي نائم في جوف الليل إذ وثبت عليه فبقرت بطنه وشربت دمه واكلت لحمه ثم تركته فجاء ابن عم له يزوره في الصباح و إذ به مجندل وقد بُقر بطنه و أُكِل قلبه فالتفت إلى موضع الضبع فلم يرها فقال: هي والله التي أجارها بالأمس ، فأخذ قوسه وكنانته وتبعها فلم يزل يبحث عنها حتى أدركها فقتلها ثم بكى على ابن عمه عند جثتها وانشأ يقول: ومن يصنع المعروف في غير أهله = يلاقي ما لاقى مجير أم عامر (أم عامر كنية للضبع) وردته الماء ليـن طالـت حبالـه=وتيسرت دنياه من عقب الاعسـار ويوم اغتنـى رداه ساقـه بدالـه=نسى الجميل وقابل الطيب بنكـار صح السانك يابو محـــــسن عاداتك ما تنتج الإ سمين ذكرتني هذه الأبيات بأبيات للشاعر الكبير / سعد بن جدلان:- من نفعة اللي ما طلبنـي منافيـع=جميلة(ن)في غير اهلهـا ضياعـي في اسواقها ماعاد لشري ولا ابيـع=لخطيت من رفقة طويـل الذراعـي أو كما قال زهير بن أبي سلمى:- ومن يصنع المعروف في غير أهله= يكن حمده ذما عليه ويندم أو ماقاله أبو الطيب - : إذا أنت أكرمت الكريم ملكته=وإن أنت أكرمت اللئيم تمردا أو ماقاله الشريف الرضي : إن الأفاعي وإن لانت ملامسها=عند التقلب في أنيابها العطب بل إن أصدق الكلام كلام الله عز وجــــل "هل جزاء الإحسان إلا الإحسان" من كان يشقى بالجميل ومجاله= لا يبذره يكون فالناس الأخيار شكراً أبا محسن على هالجزاله المعلم مايكفي بتعليم الدروس= كود دورات الليالي وبعض دروسها و أختم ردي بإن الناس ليسوا بسواء اللي على الرفقه يسوقـه دوافيـع=هـذاك تشـرى رفقتـه ماتباعـي امايشجعني على الطيـب تشجيـع=والا يعلمنـي حميـد المسـاعـي

	تقبل تحياتي وتقديري وإحترامي لشخصك أخـــــــــوك / إبن شـــــــامـــــــــان

 

 

 

 

[معلومات العضو الزين]

فان قيل منهو قلت مالـي ومالـه=خله عساها تنقطـع منـه الاذكـار
غلطه وطافت واعتبرهـا جهالـه=من يصنع المعروف في طافي النار

صح لسانك وبيض الله وجهك علي القصيده الطيبه

 

 

 

 

[معلومات العضو فارس الكلمه]

صح اللسانك وبيض الله وجهك

 

 

 

 

[معلومات العضو ابن ادريس]

محمد بن محسن بيض الله وجهك على فعل الطيب والقصيدة جزله يابو محسن وكلامك درر وحكم

 

 

 

 

[معلومات العضو ماجد المهنا]

من كان يشقى بالجميل ومجاله
لا يبذره يكون فالناس الاخيار

الله واكبر


ابو محسن

استاذ من اساتذة الشعر

صح لسانك

سجل اعجابي

أخوك

 

 

 

 

[معلومات العضو محمد بن محسن بن حشفل]

الاخوان الذين قاموا بالتعقيب اشكركم على ما قدمتوا من مشاعر فياضه تجاه هذه القصيده الله يبيض وجيهكم جميعاً