الشاعر الكبير دغش بن بطي الغييثات رحمه الله

[معلومات العضو أبوعبدالرحمن بن سلمه]

السلام عليكم و رحمة الله و بركاته

تحية طيبة و بعد:


أخواني في منتدى الدواسر الرسمي أتمنا أن يكون هذا الموضوع مرجع

لقصائد الشاعر الكبير دغش بن بطي الغييثات رحمه الله

فأتمنى من كل من يعرف من قصائدة شئ أن يذكرة

و منها ملحمة الغييثات



مع خالص الشكر




أبوعبدالرحمن بن سلمه

 

 

 

 

[معلومات العضو ابو زيد الغييثي]

لا هنت يا بو عبدالرحمن على هذا الموضوع


ورحمه الله شاعر الغييثات / دغش بن بطي آل حنيش الشياحين

واقدم لك اقرب قصائد ( ابو محمد ) إلى قلبه :

ألآ يـاناشدٍ عـني تـفضلْ وإسـتمع بآأجيب = إجـاباتي عـلى قـد الـسؤال الـلي تهذريبه
أنـا رجلٍ وأحب الطيب واللي يفعلون الطيب = ورجـلٍ يحشم أهل الطيب والمعروف ياطيبه
وأنـا رجـلٍ عـزيز النفس وأدورْ لها تجنيب = عـن إدروبٍ بـها الغرَات والشكَات والريبه
وأنـا رجلٍ كثير الخوف من اللي عالمٍ بالغيب = وأسـآله يـغفر ذنـوبي ونـسلم مـن تعاذيبه
وأنـا رجلٍ غيورٍ وأكره أهل الكفرِ والتخريب = ورجـلٍ مـامشى فـي مـنهج التوحيدِ ماليبه
وأنـا مـن لابـةٍ بـين القبايل تشتهر بالطيب = لـهم تـاريخ ومـؤرخ وكـل الـناس تدريبه
وأنـا مـن لابـةٍ خلَتْ عيون المعتدين إتشيب = مـزبنة الـجلاوي لاقـنب ذيـب ودعه ذيبه
أنـا مـن لآد زايـد لابتي سقمٍ على الحريب = رجـالٍ يـفعلون الـجود والـناموس تحريبه
رجـالٍ يـكسبون الـطايله غـصبٍ بليا طيب = رجـالٍ يـنطحون الـحرب لادارت دوالـيبه
إليا من صاح صيَاح الضحى يزهم عليه إنجيب = نـوردها حـياض الـموت مانخشى عواقيبه
نـضد الـضد بـالسيف الحدب ونعذبه تعذيب= وشـلفٍ فـي نـهار الهوش ماتبرى مضاريبه
ومـن جـانا يـبينا مـالقى ياكون شق الجيب= وإلـيا مـنه تـوهق مـن توهق عاد بمصيبه
وحـمينا الـدار وأعـفينا جوانبها من الغريب = يـكون الـلي نحط الوسم في المشعاب يمشيبه
بـدون إقصور في باقي القبايل مالحقهم ريب = كـريمين الـرجال الـلي فعول الطيب تمشيبه
عطيتك علمي الأول عسى علمي معاك يصيب = وإذا كـفَـاك وإلأ بـاقـي الأخـبار بـآجيبه

أما عن طلبك الملحمه الغييثيه فهي حقيقة من اروع القصائد

ومن اجملها ولكن رحمه الله لا يريد نشرها

ولقد كنت متواجد عنده قبل وفاته بــ 4 ايام ولقد سألته عن

الملحمه الغييثيه بعد ان سمعتها منه وطلبت منه ان ينزلها

في المنتدى ولكنه رفض ذلك لكي لا تثير النعرات بين القبائل الاخرة

فهذا كان آخر طلبه بو محمد ان لاتنشر .


ولي عودة للمشاركه بابيات لبو محمد

 

 

 

 

[معلومات العضو الحميدي الغريري]

الأخ : إبن سلمه بيض الله وجهك على هذا الموضوع الرائع وأتمنى التفاعل من الجميع في طرح قصائد أخانا المرحوم بإذن الله تعالى الشاعر الكبير دغش البطي غفر الله له ووسع مدخله وغسله بالماء والبرد ونقاه من الخطايا كما ينقى الثوب الأبيض من الدنس وتقبل فائق التقدير والإحترام أخوك : أبومحمــد،،

 

 

 

 

[معلومات العضو ابو زيد الغييثي]

أنـا لاذكـرت الـلي مضى قلتنا سقا =سـقا الله زمـانٍ خاطري فيه ماضاقي
زمـانٍ مـضا عشته على العز والنقا= خـليٍ فـؤادي من العنى وأتبع نياقي
زمـانٍ قـضيته بين الأحباب وأصدقا = تـدور الـحياة بـعزة الـقادر الواقي
وأنـا الـيوم من سور المدينة علي تقا = ربـطني دوامي والزمن ضيَق أخلاقي
فـألآيادهر مـاقلت لي وش بعد بقا ؟؟ = ترى مابقا إلأ تحرق بغدرك أوراقي
سـهير الـعيون وحـالتي كـلها شقا = عـسى الله يعين الهايم الساهر الشاقي
طـراة الـحياة إن تـم فـيها بعد لقا = الأعـمار تـفنا والله الـدايم الـباقي

 

 

 

 

[معلومات العضو كرباج]

اشكرك اخوي / ابن سلمه على طرحك للموضوع الجميل عن مرحومنا الشاعر الكبير دغش البطي الغييثي (الله يرحمه ويسكنه فسيح جناته) , انا من اول المعجبين بقصائده المميزه والجميله .. ماكتب قصيدة ألا واعجبتني .. ما أقول ألا الله يرحمه .

وابو زيد ماهوب مقصر معك في عرض قصايده ..
يعطيكم العافيه .. بيض الله وجيهكم ,,

 

 

 

 

[معلومات العضو أبوعبدالرحمن بن سلمه]

ما قصرت يا أبوزيد و بيض الله وجهك
و شرفتا بمرورك الحميدي الغريري
و الأخ كرباج



تحياتي

أبوعبدالرحمن

 

 

 

 

[معلومات العضو ابو زيد الغييثي]

لاهنت يا بو عبدالرحمن ظننت ان الموضوع حذف مع المواضيع

التي حذفت خلال انتقال المنتدى من مستضيف لآخر

والان هذه ابيات اسمها شاعرنا رحمه الله بهواية خاصه

وهي هوايه تعبر عن نفسها ولقد جارها الشعر ابو حاجوونه


وهي :

من ضاق صدره ركب وأفتر في بنده=اللي حداه الطفش واللي له أشغالي
والناس باأفكارها كل على قده=ولولا أختلاف النظر ماجابها أشكالي
والناس كل يبي يمشي على ودَه=كلٍ يدور لشفه قدر ماأحتالي
وأنا هوايه وشف البال باآعدَه=ممـشاً بوسط النبات ودمث الاسهالـي
خص أليا زاف عشبه وأرتفع فنده=متخالط زاهره من كل الاشكالي
بأركب على موتر مادور الكدَه=مايوم وقف على الركاب يشتالي
شد الخواجه جديدٍ مانقل عدَه=فيكسار فتحه ومكره وارد التالي
راعيه لاجاء لزوم البر ماردَه=يبغيه يطوي بعيد الخط لو طالي
فيازين ممشى البريمي لالحق حدَه=مع سهلةٍ خاليه ماطبها أزوالي
يبغي ديار كساه النبت من مُده=فيها فراقين نجع البدو نزالي
نجعٍ مقيم ونجعٍ في طرف شده=ونجعٍ على السير ينزل طيب الفالي
واللي سرح في الدبش من القفر مارده=متشوبشٍ في هوى السرفات الاجهالي
لاجيتهم يمضي الاسبوع ماأعده=أعيش معهم وقلبي داله سالي
أسج معهم وعند الله ماعنده=مادمتنا حي بمشي في هوى بالي
والعمر محدود حده لاأنتهى حده=لابد من حفرةٍ بالرمل تنهالي
هذا هوايه وشف البال مع وده=البر وأهله ربيع القلب والحالي
والناس بأفكارها كل على قده=ولولا أختلاف النظر ماجابها أشكالي

هذه قصيدة ومجاراة الشاعر أبو حاجوووونه :

وآقلبِ ياللي شكى شكواه مـن جـدَهْ=مما يكنه شكى همـه علـى الغالـي
هاضت إشجوني مع اللي واصلٍ حدَهْ=وأنا إمن أوَل إبخيـر ودالـهٍ سالـي
حضَر إهجوسي وأنا ماأقدر على ردَهْ=من ماضي الوقت جددْ جرحي التالي
ياجايـب العلـم هـذا خطـنـا ودَه=لبو بطـي ود علمـي يابعـد حالـي
وصلْ له أخبـار قلـبٍ بايـحٍ سـدَهْ=إنكانِ جاله من الصدمـات ماجالـي
يالدوسري مابقى من العمـر بآعـدَهْ=لوكان ماضيه منهـم قطَـع إحبالـي
هذا زمـانٍ قضبنـا وأحكـم الشـدَهْ=عزيلِ قلبك مِـن الماضـي وعزَالـي
ذكرى الطرب مانسينـا بـأول المـدَهْ=أمسٍ صفالي وعيَـا اليـوم يصفالـي
ذكرني اللي يدق الوشـم فـي خـدَهْ=يازين دقتـه حـدرى حبـة الخالـي
إليا كستها إرمـوش العيـن مسـودَهْ=سودٍ يلا أغضا بها ضيعت الأقوالـي
والموت لاقال وينك ويـش ذالصـدَهْ=طوَلت عنَـا ومنـك العلـم ماجالـي
مايدري إنـا نحسـب اليـوم ونعـدَهْ=عقبه مع الناس كني عايـشِ لحالـي
حبل الرجاء نوب أشد ونوبـن أهـدَهْ=يابوبطـي مالفانـي منـه مرسالـي
وأبواب وصلي عليـه اليـوم منلْـدَهْ=حظ الردى بيـن مطـلاعٍ ومنزالـي
ودي بشوفـه وهـو ياصاحبـي ودَهْ=مازال يملك خفايـا القلـب مازالـي
لو لا تضايقت إتوسع خاطـري بنْـدهْ=ماكان عنها طلعنـا بالخـلا الخالـي

وهذا رد على الشاعر أبو سعد ( أبو حاجوووووونه ) من بو محمد ( دغش البطي)

قال اللذي لابغى بـدع المثِـلْ عـدَهْ=مِنْ فضلِ ربٍ على كل البشرْ عالـي
لامن حظرْ هاجسِه ينقى علـى قـدَهْ=ويصوَرِ اللي طراله وسْط الأمثالـي
يامرحبا بالشجاع اللي كِشـفْ سـدَهْ=يامرحبـا ياهـلا بالطيـب الغالـي
الليٍ بنى في طويـلات النبـا مجـدِهْ=أبو سعد يا عريـب الجـد والخالـي
الشاعر اللي جزيل القاف مِـنْ عنـدِهْ=يعدَهـا لانطقهـا جنـيـه وريـالـي
يشكي زمانٍ مضالـه والدهـر حـدَهْ=ويشكي الهوى والمحبة طيب الفالـي
يشكـي علينـا وحالـي كنـه القِـدَهْ=من جور وقتٍ سبب همي وغربالـي
والوقت لاجار ماأحـد ٍ يقـدرْ يـردَهْ=الناس ماأحدٍ ذكر لي دالـه سالـي
وجدي ووجدكْ على اللي فاتِ مِنْ مدَهْ=أيـام مـرتْ علينـا يابـري حالـي
يوم الهوى يرفع العشَاق فـي زنـدِهْ=مبني على الصدقِ والإخلاصِ للغالي
واليـوم حِـبَ الخلايـقْ هاتـه وٌودَهْ=سواةِ فيـتْ عصـر والفـيَ ينزالـي
وأثني على اللي حفظ حبه على عهده=من ماضي الوقت حتى وقتنا التالـي
فليت الزمن ماغدابـه يرجـع يـردَهْ=ويرجع لنا وقتنا اللي يشـرح البالـي
ياأبو سعد حاضـرٍ مادونكـم صـدَه=من يعتزيبي إفِـداه الحـال والمالـي
أنـا رفيقـك بوقـت الليـن والشـدَه=وأنا خويَك بوقـت المـر والحالـي
صامـل وماتطلبـه ياصاحبـي بـدَه=ماني بمن ينفهـق لاجـات الافعالـي
ماقلـت هـذا الكـلام إلاَ وأنـا قـدَه=مادمت حيٍ وأنـا للطيـب أبحتالـي
والعمر محدود حـده لاأنتهـى حـدَه=لابـد مـن حفـرةٍ بالرمـل تنهالـي
وختامهـا جـاك تقديـري مـع ردَه=الله يعين اللي شكى ياطيـب الفالـي

 

 

 

 

[معلومات العضو أبوعبدالرحمن بن سلمه]

جزاك الله خير يا ابوزيد وما قصرت يا الغالي