لغز

**معلومات** **العضو** · 24-04-2010, 10:30 AM

أنا بنشدك عن خمسة أخوان طيبين أذكار
بـنـات أولاد مـاتعـرف مذكرهـا وأنـاثيهـا

كبيـرة شـان للمسلـم ولايعمـل بهـا الكفـار
عطوني رايكم ياهل المعرفه ويش أساميها

**معلومات** **العضو** · 24-04-2010, 12:40 PM

هلا ياناصر

صح لسانك

وش رايك بالصلاوات الخمس

أو أركان الإسلام

تقبل ودي وتقديري ،،،،

**معلومات** **العضو** · 24-04-2010, 09:48 PM

السلام عليكم انا اقول الصلاة الخمس

**معلومات** **العضو** · 24-04-2010, 10:05 PM

راشد المسعري
الله لايهينك
ماشاء الله تبارك الله
فعلا هي أركان الإسلام

هذا اللغز نشر في إحدى الصحف المحليه قبل حوالي 20 عام بأسم محسن الدوسري وقد أتت للصحيفه ردود كثيره وسـ أورد بعضها :

الرد الأول من الشاعره بدرية الحميدي وتقول :

عليك اللغز يامن يكتب الأشعار بالافكار
حلول اللغز ماتخفى لمن لد النظر فيها

تـرى الإسـلام وأركانـه تنـور للعبـاد أنـوار
فرضها الله على المسلم لزوم أنه يؤديها

الرد الثاني للشاعر فهد العتيبي ويقول :

أبا أشارك بحل اللغز وأطلب منكم المعذار
ولغز الدوسري معروف باسم الله أسميها

ترى أولها شهادة ربنا اللي للبشر غفار
وثـانيـها صـلاة المسلمين اللي نصليها

وثالثها الزكاة اللي لها عند الولي مقدار
وشهر الصوم رابعها وحج البيت تاليها

وهناك ردود كثيره ولكنني لا أريد الإطالة

وتقبلوا خالص تحياتي
أخوكم / نااااصر

**معلومات** **العضو** · 24-04-2010, 10:07 PM

تغلبي الكويت
بيض الله وجهك
الله لايهينك على الرمعه الطيبه

**معلومات** **العضو** · 25-04-2010, 03:38 AM

جابها المسعري والله كفو يابن زايد

**معلومات** **العضو** · 25-04-2010, 11:17 AM

مشاء الله عليك بابومحسن عطنا فرصه الله يجزاك خير

لاهنت ياراعي الغز وننتظر مشاركات جديده لعل وعسى نسبق بعض العرب

**معلومات** **العضو** · 25-04-2010, 12:14 PM

أبوعمر الشمري

يعطيك العافية على المرور

**معلومات** **العضو** · 25-04-2010, 12:16 PM

أبوبدر المصارير

ومن قال لاهان أبشر بالخير وأنا أخوك

بيض الله وجهك على المرور

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية