عندك حل واحد من ثنين

**معلومات** **العضو** · 22-09-2008, 03:23 AM

مدام مالك غير درب المقفين =لاتلتفت ماعاد انا وانت عشاق
مايرتفع من طاح قدره من العين =لو يمتلي لولو من الراس لساق
اكره .. يكون الجرح بيد القريبين =لكن شسوي جاني الجرح سباق
جرحك يخلي وحشت الليل ليلين =والصبح كن الجرح من نومته فاق
الجرح منك انت .. يعني بجرحين =والرجل يصبر لا قسى الوقت او ضاق
باسي قوي لامن غدا الهم همين =مانادي المقفي ولو كنت مشتاق
طبعي وعرفه ماتغيَر من سنين =ماخضع ولو توصل معي حد الفراق
الحر .. لو القاع مقناصها شين =ينفعك لامن صار يطلع ولحاق
والرجل .. ودك مايسمى مسيكين =يصبر ولو هو بسبت الجرح منعاق
والوقت .. ماهو دايم الدوم لك زين =لابد مايندار وقت(ن) معك راق
ان جيتني تشكي من الوقت .. بعدين =بسمعك بيت(ن) خلت منه الاشواق
اختار : عندك حل واحد من ثنين =يا اطردك ولا .. اصافحك بطراااق...

**معلومات** **العضو** · 22-09-2008, 05:29 PM

رائعه بالفعل

صح لسان قائلها .. ولا هان ناقلها

دمت بود

**معلومات** **العضو** · 22-09-2008, 05:43 PM

القصيدة للشاعر ثامرشبيب الدقباسي .. أخوي مبارك لاهنت على النقل

**معلومات** **العضو** · 24-09-2008, 03:53 AM

لاهنتوم وبيض الله وجيهكم

اخوي ~الظافر~ واختي~بنت الشايب~

وشكرن على هذه المرور تحياتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية