لقاء صحفي مميز .... مع الشاعر /مبارك محمد ال عمار الدوسري

[معلومات العضو فهدالمحيسن]

لقاء صحفي مع الشاعر مبارك محمد إل عمار الدوسري

نرحب بالشاعر مبارك محمد إل عمار الدوسري و نشكره على استضافته لنا في منزله و تلبيته دعوتنا لأجراء هذه الحوار الصحفي و نبدأ الحوار .

أخي الكريم نود منك نبذة مختصرة تعريفية لبطاقتك الشخصية ؟

الاسم: مبارك محمد إل عمار الدوسري
العمر: 35
الحالة الاجتماعية: متزوج
محل الاقامه: الرياض


س1 / متى بدأت بنظم الشعر ؟ وماهي أول قصيدة قلتها ؟

ج1 / لا اعرف متي بدأت الشعر ولا أول قصيدة قلتها ( شايب)


س2 / هل الشعر لديك وراثة أم هواية أتقنتها ؟

ج2/ الشعر لدي وراثة وهواية

س3 / ما رأيك بحال الشعر اليوم في ظل الزخم الإعلامي والمرئي ؟

ج3/ يحتوي على الغث والسمين ونتمنى من الإعلام انتقاء الاجزل



س4/ ما أجمل قصيدة كتبتها ؟
ج 4/ كل شاعر يعتبر قصائده محببة إلى نفسه وهذي من اقرب القصائد إلى نفسي
1- جميلة بس مغرور

هلا وأن قلها ياسيد كل الغيد ماتكفيش=هلا ماتكفي اللي من غلاها ساكن فوادي
هلا مليون بل أكثر عدد طيرٍ نبت له ريش=هلابك عد ماغرد على الأغصان من شادي
هلا يامن لها قلب المعنى يرتوي ويعيش=هلا يأم الهلا هلي علي بنورك البادي
هلا ياوردهٍ فيها الحلا زايد شويش شويش=هلا ياريحة العنبر وريح المسك والكادي
اشوفك؟يوم اشوف ! شوف عيني صاربه تشويش=يشوفك؟غير خوفك ! دون شوفك وينهو غادي
يبك ولايبي غيرك وحبك في حشاه يطيش=على كل الملا حبك تعلا واعتلا زادي
حسين الدل رمشه ظل لاسلهم سرايا جيش=سهوم الموت في رمش الغظي مركوزالانهادي
جميله؟؟ بس مغروره؟يحقلها تدلع ليش=جميع الزين كاسيها تدلع والدلع عادي
ليامنه رقص بالحفل مامثله رقص مافيش=يقول اللي رقص بعده حرام الرقص ذاغادي
ليامنه رقص خلا قلوب الهايمين تهيش=جميع الزين في وادي وزينه كله بوادي
وأنا يوم آتمثل بالقصيده وآتغزل فيش=على شانك جمعت الزين من حضر ومن بادي؟

2- بنت .. إنا من لابةٍ ..تروي كبود اللـي وردهـا

أقبلت كنها تجر الليل للعالم بيدها = طفله ربي كساها الليل يمشي من ورآها
طفله ما شفت لأقبله ولا ضنى بعدها = اخذ الزين الطفولي من حلاها في حلاها
فز قلبي و أقبلت والروح في غاية سعدها = الحظيظ اللي سكن في دارها والاحماها
قلت وينك قال وينك قلت عدها قلت عدها= قال لاتمزح بجد تحبني والا تباها
قلت له عد النجوم وعدها وادبل عدها = مايكفي والله انه ما يكفي في غلاها
جادلا ربي عطاها الزين واخذته بيدها =اخذت الزين الطفولي من خلاها في خلاها
لا مشت مع غيرها ماكنها الا هي وحدها = يمشن الخفرات معها بس ماكنهن معاها
اشهد انها من غلاها حطت بقلبي وتدها = واشهد انها ماخذا قلبي سواها
جادلا غض غضيض توها زمت نهدها = عودها ريان ناعم واجمال الله عطاها
قبلت الله لووقفت والا ان مشت والا جهدها = قبلت الله لقبلت والا ان بعد دارة قفاها
قلت انا يا بنت هايم قالت اخلص وشبعدها = قلت انا لا تسئلين وشوف حالي وش وطاها
وش وطاها وشوطاها وانت من سبت نكدهها= لعنبو حيك ودارك انت من سبت بلاها
بنت اعرف ان البيوت تطيح لاطاحت عمدها = بس انا يا بنت شامخ عزتي ترفع بناها
بنت انا من لابه ترووي كبود اللي وردها = لابه تعطي حقوق لجارها تاسم عصاها
من نصاها في ذراها يامن بلذة شهدها = بعد امان الله يامن في ذراها في ذراها
وف القى سم ذحاح لابعد واشد وادها = نارهم نار لضيه ويل من جاء في نحاها
بنت انا نفسي عزيزة لين تاصل في لحدها = عند خالقها عسى رب البشر يمدح خطاها
لي شموخ ولي طموح ومن بغى العزة وجدها = شامخ راسي رفيع وهامتي محد وطاها
وفزة البنت الجموح بنشوه تومي بيدها =الفرح عم المشاعر والحزن كدر سماها
كيف فارسها بلحظه ويترك بلدها = كيف يرحل عن هوا اللي من ظماة اروى ظماها
مهرة صعبه وانا احب الصعيبه واعتمدها = فارس يعرف يروض مهرته يقصر خطاها
لين جت مثل العسيف وجيت يومني سندها = ماسك خطام الغلايوم الغلا قام وسقاها
واشربت عذب قراح ولا تجاوب من نشدها = الاعن لذة غرام وسكره الحب وهواها
قالت انت تحب مثلي قلت عدها قلت عدها = قالت المهرة الاصيله جت تعذر عن خطاها

س5/ قصيدة سمعتها وتمنيت انك قائل تلك القصيدة؟
ج5/ كثير من القصائد الجميلة
س6 / متي عرفت موقع قبيلة الدواسر الرسمي ؟
وكيف عرفت وهل سجلت فيه أول ما شفته؟
ج6 / اعرف المنتدى منذو الافتتاح ولم أسجل فيه حتي ألان مع الشكر الجزيل للشاعر الصحفي سعد إل بريك على الدعوة للمنتدى

س7 / بدون إحراج هل شعر الغزل يعتمد على الخيال الواقعي أم
على التصوير الحسي الدقيق ؟

ج7/ شعر الغزل يعتمد على الخيال الواقعي و التصوير الحسي الدقيق

س8/ لوطلبنا منك عدد من الأبيات في منتدى الدواسرماذا سيكون ردك ؟
ج8/ لا تفي بالغرض الأبيات ويستأهل أكثر

س9/ كيف تقيم علاقتك بالآخرين ؟ يعني على أي أساس تقيم هذي العلاقة ؟
ج9/ أقيم علاقتي بالآخرين على الاحترام والتقدير المتبادل

س10/ هناك شخصية شاعر تثير اهتمامك من ناحية العطاء والتميز في الشعر من هو ؟
ج10/ كثيرون من شعراء الجيل القديم وهذا الجيل مثل محمد الأحمد السد يري , خلف بن هذال , صقر الناصفي وبديوي الوقداني وغيرهم كثير لا تحضرني الأسماء و أكثر من يشدني خلف بن هذال في قصائده الوطنية

س11/ ثلاث أمنيات تتمناها ؟
ج11/ 1- حسن الخاتمة 2- رضي الوالدين 3- إن لا أكن مقصر في جنب الله



س12/ ما ا لشئ الذي يستفزك وتبغضه في البشر وما الشيء يعجبك في البشر؟
ج12/ ابغض في البشر الانانيه وحب الذات
وأحب في البشر التسامح وحب الآخرين
س13/ لماذا أنت مقل في نشر قصا يدك ( ماهي الأسباب)؟
ج13/ ( كسول )

س14/ مارايك في تعدد القنوات الشعبية الفضائية وهل استفاد منها الشعر والشعراء من قبيلة الدواسر وماهي أفضل قناة شعرية شاهدتها؟
ج14/ تعددها سلبي وكذلك تخدم فئة معينه ولم يستفيد منها شعر وشعراء الدواسر ولا يوجد عندي قناة شعرية مفضله حتي ألان
س15 / هل قلت قصيدة في نصرة الرسول؟
ج15/ لا
س16 / السامري لوان من الألوان الشعبية التي تنسب إلى قبيلة الدواسر هل كتبت قصيدة توضح انه لا يخص الدواسر ؟
ج16/ لون السامري دخيل على قبيلة الدواسر ويخص فئة معينه لا تمثل الدواسر ولم اكتب قصيدة بهذا الخصوص لأنه واضح ولا يحتاج إلى توضيح
س 17 / هل لك ديوان شعري صوتي أو مكتوب؟
ج17/ لا يوجد
س18/ هل لديك نية بإصدار ديوان شعري؟
ج 18/ إن شاء الله عن قريب



كلمة أخيره توجهها لقراء لقائك الطيب ؟
كل الشكر لمن مر من هنا و أسعدني بقراءته في هذه الدردشة السريعة
والشكر للأخ فهد المحيسن على زيارته وتشريف محلنا
التوقيع
مبارك إل عمار الدوسري
( بعيد الديار)

وفي الختام
تقبل مني أخي وافر المحبة والتقدير
أخوك : فهد بن عبد المحسن المحيسن البد راني الدوسري

]

 

 

 

 

[معلومات العضو ابومبارك الدوسري]

المشرف القدير // فهد المحيسن

لقاء جميل وممتع
يعطيك العافية لنقله لنا
في منتدى قبيلة الدواسر
وبيض الله وجهك

اخوووك

خلف الدوسري

 

 

 

 

[معلومات العضو عبدالرحمن الشرافي]

أخوي / فهد المحيسن ...

اررررحــــــــــب

و جعل يمناك مايجيها العطب يالسنافي

على هذا اللقاء الرائع والممتع


والله لا يهيينك ويبيض وجهك يالقرم


ولاهان الشاعر / مبارك ال عمار

على تلبية الدعوه

ونتمنى انك توافينا بالمزيد من قصائده


وتقبل فائق التحية والتقدير

 

 

 

 

[معلومات العضو فيصل بن جزاء]

الغالي فهد المحيسن

لاهنت على هذا اللقاء المميز مع الشاعر (بعيد الديار)مبارك الدوسري

تقبل تقديري واحترامي

 

 

 

 

[معلومات العضو ابن وتيد السباعي]

المشرف القدير / فهد المحيسن

ارررررررررررررحب حيه وحي ما جاب

لقاء مميز مع شاعر فحل

بيض الله وجهك على هذا اللقاء المميز جداً والقصائد الجزله

 

 

 

 

[معلومات العضو فهدالمحيسن]

ا

الا خوه الاعزاء خلف , عبدالرحمن , فيصل , ابن وتيد سلمهم الله
تحية عطرة
السلام عليكم ورحمة الله وبركاته وبعد
بالاصالة عن نفسي ونيابه عن الاخ مبارك نتقدم بالشكر الجزيل على مروركم وردودكم الجميلة
نرجو من الله لكم التوفيق والنجاح .
في
الختام
تقبلوا مني وافر المحبة والتقدير

اخوكم
المثمن لجهودكم

فهد بن عبدالمحسن المحيسن

 

 

 

 

[معلومات العضو يحيى الودعاني]

لاهنت أخوي فهد

وبيض الله وجهك على جهودك الكبيرة


اتحفتنا بهذه النبذه العطرة للشاعر

مبارك الدوسري

 

 

 

 

[معلومات العضو سعد المقابله]

المشرف العزيز

فهد المحيسن

الله يعطيك الف عافيه

على هذا اللقاء الطيب

والشكر موصول للشاعر القدير

 

 

 

 

[معلومات العضو فهدالمحيسن]

أخواني الاعزاء يحي وسعد سلمهم الله
تحية عطرة
السلام عليكم ورحمة الله وبركاته وبعد
مشكورين على مروركم وردودكم الجميلة
ونعدكم بالمزيد من هذي للقاءات الحصريه لمنتدي الدواسر
لبعض العلماء والشعراء و المثقفين 0

في
الختام
تقبلوا مني وافر الاحترام
اخوكم
فهد المحيسن

 

 

 

 

[معلومات العضو العماني]

بيض الله وجهك اخوي فهد على هذا اللقاء الجميل والرائع مع الشاعر الكبير مبارك بن محمد آل عمار والذي لم ينقصه سوى بعض الصور

تقبل تحياتي ،،

 

 

 

 

[معلومات العضو سالم الغريري]

المشرف العزيز

فهد المحيسن

الله يعطيك الف عافيه

على هذا اللقاء الطيب

والشكر موصول للشاعر القدير

 

 

 

 

[معلومات العضو ابو زابن المسعري]

بيض الله وجهك اخوي فهد على هذا اللقاء الجميل والرائع

مع الشاعر الكبير مبارك بن محمد آل عمار

بيض الله وجهك وجعلك على القوه

 

 

 

 

[معلومات العضو الواضح]

مشكور مشرفنا العزيز على هذا اللقاء الممتع

وعندي سؤال لضيفك هل هو صاحب موقع ذوق الأدبي

 

 

 

 

[معلومات العضو فهدالمحيسن]

الاخوة الاعزاء هايف . سالم . ابوزابن . الواضح سلمهم الله
تحية طيبة
السلام عليك ورحمة الله وبركاته وبعد
اتقدم بالشكر الجزيل على مروركم وردودكم الجميلة على هذا للقاء المتواضع ونعدكم بمزيد من للقاءات المميزة وتكون بالصور كما طلب اخينا الغالي هايف وسوف تكون في التغطية الاعلامية للمخيم الربيعي الذي اقامه الشيخ / الصيفي بن محمد بن جريس ال بريك لابناء القبيلة في يوم الاربعاء 7/3/1428هـ على شرف الامير فهدبن نايف والشيخ /عبدالطيف الودعاني وحضر الحفل المعد بهذي المناسبه جمع غفير من ابناء القبيلة من المملكة والخليج 0
وبالنسبة لسؤال الاخ الواضح عن مبارك فهو صاحب شبكة ذوق الادبية

في
الختام
تقبلوا مني وافر المحبة والتقدير

اخوكم
فهد بن عبدالمحسن المحيسن الحمود البدراني الدوسري

 

 

 

 

[معلومات العضو سالم بن صمهود]

الغالي فهد المحيسن

لاهنت على هذا اللقاء المميز مع الشاعر (بعيد الديار)مبارك الدوسري

تقبل تقديري واحترامي