سـالفة ( الرجل وإن طاب طيبه من خواله ) والرد عليها

[معلومات العضو ودعاني العز ميداني]

	-------------------------------------------------------------------------------- الشاعر راشد بن حسن العجمي الملقب ( بخر الذيب ) كان يشتغل سوّاق في ارامكو وكانت انظمة ارامكو تمنع السائقين ان يشيلو الطرقيه اللي يوقفون السواقين ويطلبونهم توصيلهم على طريقهم .. والشاعر راشد الله يرحمه كان يخالف التعليمات وكل هذا حيا فيه ومرجله يوم من الايام أشرت له عجوز ومعها غنم قالت وصلني يا الأجودي قدام شوي قال ابشيلك بس الغنم .لا قالت له خلاص روح الله يستر عليك بيجي خر الذيب ويشيلني ان شاء الله تقصد راشد العجمي .. قال لها يا خاله انا راشد الذيب .. اركبي وابشري بالخير .. وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث رحمه الله .. وله في ذلك ابيات جميلة منها : اشـرب الفنجـال واخلـي البيالـه طيـب و احـب سلـوم الطيبـيـن والصبي وان طاب قالوا من خوالـه وان تردى فـادروا انهـم خايبينـي لالقيت اللـي علـى السكـه لحالـه يلتفـت ويقـول ويـن المستحينـي أوقف الموتر حيـا وابغـا الجمالـه يوم ولد اللاش وجهـه مـا يلينـي حالف ما اخذ على الطرقـي ريالـه والثلاثه حالـف انهـا مـا تجينـي الطمع في كـروة الرجلـي رزالـة خص وان جابـه مجـال الغانمينـي والردي فـي حالـة ماهـي بحالـه واعوينـه مـن كـلام الطيبيـنـي الـردي لـو بـان مايذكـر عمالـه مايعـد الـلاش مقصـور اليمينـي أركبـه لعيـون مـن زيـنٍ دلالـه ماتحاكـوا فـي قفـاه الرامسينـي مابغى غيـري وانـا مابغـى بدالـه قاعـدٍ لـي بالرجـا مـدة سنينـي ولاقعدنـا بالعمـل بنـا الـرزالـة ناخـذ العليـا طريـق الفايزيـنـي قال خر الذيب مـن هاجـوس بالـه كلمـة يلعـب بهـا والبـال زينـي قالهـا يومـه طرالـه ماطـرالـه من هواجيـسٍ تشيـب المرضعينـي غرني بعض الرجـال بكثـر مالـه مادرى ان الموت في حبل الوتينـي كيف ينفعنـي وابـا(......) خالـه مايقوم البيـت دام السـاس طينـي ناس ويـن اللـي عوايـده الجمالـة مثل ابن ظافر حمـد ليتـه يجينـي الثنـا والجـود دايـم فـي خيالـه علمـه ظافـر سـلـوم الطيبيـنـي جـوّد العليـا ولزمّـهـا عيـالـه وادركوا مـن علمتـه دنيـا ودينـي واهني من باع حظه واشتـرى لـه وسار في درب النبي وأخزى اللعيني موقفـه مـاكـل رجَــال ينـالـه مـن بغـى ممشـاه يقعـد مرتينـي كم ذبح من حايـل مـن حـر مالـه وعادتـه لطمـة خشـوم العايلينـي ورد عليه الشاعر الكبير : مسعود بن عنبر الدوسري حيث كان مسعود في احد الأيام يبي يركب مع أهل السيارت المتجهين للرياض ومر عليه شخص معه سياره ومعه ركاب فسأله مسعود ان يركب معهم فقال السواق مالك درب معنا ثم نزل السواق في ظل شجره ونزل برّاد الشاهي وصب لنفسه وترك أخوياه الركاب ما قهواهم معه. بعدها بلحظات مر على مسعود رجل من أهل الهدار بالأفلاج يقال له ابن حسين بسيارته الخاصة ، ووقف ابن حسين لمسعود ثم انزل واحد من ابنائه- كان راكب معه في الغماره- واركبه في الحوض وحلف ان يركب مسعود مكانه ، ولم يكتفي بهذا فقط بل إنه أوقف سيارته ونزل معاميله وزين القهوة وقهوى مسعود والركاب اللي معه وذبح لهم ذبيحة ، وأوصلهم بالمجان ( وكان هذا الكرم من طبعه ) فقال مسعود قصيده طويلة في مدح ابن حسين وذم ذلك الرجل البخيل ، يقول مسعود في قصيدة طويلة لا أحفظ منها إلا أبيات قليلة : راكب اللي لا مشى تومي حباله لا نوى له ديرة (ن) جاها بحيني انص خر الذيب عندي له رساله عـندنا مثله ربوع (ن) طيبيني عندنا ابن حسين يفعل ما طرى له يركب الطرقي وهيف(ن) له سميني كم نقل له خبرة (ن) من حرّ ماله لا لقاهم في الخـلا متعـطـلـيني ضَـوّهم ضوّه ودلتهم ادلاله شوف عيني واشهدوا يا حاضريني جعل يفداه الردي راعي البياله شارب الشاهي وربعه قاعديني وسلامتكم ملاحظة : نقلت الموضوع من منتدى ( العبادل )

 

 

 

 

[معلومات العضو تركي هذال بن نيف]

بيض الله وجهك اخوي / حازب الودعاني على ايراد هذه السالفه

وابن خر الذيب وبن حسين معروفين بالكرم ويوجد وامثالهم 0

شكرآ وتقبل مروري

تركي بن هذال بن نيف

 

 

 

 

[معلومات العضو أبونواف الدوسري]

بارك الله فيك أخي الودعاني والعز ميدانك..

على هذه القصائد ومناسباتها..

وفقك الله ورحم والديك...

 

 

 

 

[معلومات العضو ابو فهد الغييثي]

بارك الله فيك أخي الودعاني والعز ميدانك..

على هذه القصائد ومناسباتها..

وفقك الله ورحم والديك...

 

 

 

 

[معلومات العضو المطنوخه]

الف عافيه اخوي الودعاني على طرحك القصه..

 

 

 

 

[معلومات العضو عقاب]

المشاركة الأصلية كتبت بواسطة ودعاني العز ميداني

بتسجيل صوتي لة هو يقول ( وعن الخوال يسال قبل الوالديني ) وليس الشطر المذكور .

 

 

 

 

[معلومات العضو ودعاني العز ميداني]

تركي لا هنت وبيض الله وجهك

ابو نواااف جزاك الله خير ورح الله والديك

ابو فهد لا هنت وياك

المطنوخ يعطيك العافيه

عقاب لاهنت والله ماندري كلن يعطي من عنده

 

 

 

 

[معلومات العضو الطاحوس]

لاهنت يالودعاني على السالفه والقصيدة تحياتي

 

 

 

 

[معلومات العضو عقاب]

المشاركة الأصلية كتبت بواسطة ودعاني العز ميداني

عقاب لاهنت والله ماندري كلن يعطي من عنده

الشريط بصوت راشد ويقول ( عن الخوال يسال قبل الوالديني ) بعظمة لسانة وش فية أكثر من كذا ؟

 

 

 

 

[معلومات العضو حازب الووودعاني]

لااااااهنت ودعاااني

بيض الله وجهك على ايررراد القصيده

بس انا اللي سمعته

الصبي ان جاد جوده من خوااله
...وان تردى فادروا انهم خايبيني

تتحياتتي

 

 

 

 

[معلومات العضو ودعاني العز ميداني]

صادق ولا هنتو ياااالحبايب

 

 

 

 

[معلومات العضو سويلمي]

الله يعطيك العافيه وبيض الله وجهك على المشاركة الرائعة يابن العم

 

 

 

 

[معلومات العضو محمد الولامين]

لاهنت يالودعاني على ماقدمت وبيض الله وجهك

 

 

 

 

[معلومات العضو المشتاق الى الديار]

ابيض وجه ومشكور والله لايهينك على السالفه والقصيده..

 

 

 

 

[معلومات العضو بن واصل البدراني]

صدق الشاعر وصدقت ياودعاني مشكور على النقل المتميز والذي ودك يتكرر بصفه مستمره
ابن واصل البدراني الدوسري