قصيــدة ورأي

**معلومات** **العضو** · 06-09-2007, 12:50 AM

يشرفني ان اهدي لكم هذه القصيــــــــــــــدة واتمنى من قرائتها والتعليق عليها

ابدى بذكر المعتلي عالى الجاه
الله ولا غيــره لــه الوجــه سجاد
يــالله بقولـة حق يــالله يــالله
في مدح منهــم للطويـــــلات رواد
دواســر ترفى فتوق المعاناة
دواســر ياسعد منــهم لــه سنــــاد
دواســر تملك ثــلاث معـــداه
غرس مع الماء والمجاهيم الاعتاد
دواسر للجار بالروح تفـــداه
تاســم عصاه وترفعه بيــن الاضداد
دواسر من جدرها الجار تاداه
فعل تعــلو به على فعــل الاجــــواد
دواسر عز الدخيل وتوصــاه
ياشاهدي قوز الشريـــف بتـــــوكاد
دواسر تملـكت نجــد وحمـاه
افلاجـــها والخــرج والمدن باعــداد
دواسر بالفــعل فعل وقلنــاه
والوادي المسمي على روس الاشهاد
دواسر وقعاتهم مالها اشباه
دليلــنا كــم من قبيــلة لنـــا احــــداد
حطيتنا ربي بنــجد المسمــاه
بين الجموع اللي على الموت وراد
والكل منهم يرتجي له بشلواه
لــكن دوســر راسخ بيــن الاطـواد
والعز فيها دوسر العز يمناه
يادوســر (ن) له ذايـع المدح ينقاد
يخيب ظن اللي بداري تمناه
مــن دونها يلــقى شغاميــم الاولاد
قصيده اجتهادية وامل منكم الاطلاع وابداء الرأي وكلي فخر وافتخار بكم وبما تكتبون

اخوكم فايز الدووووووسري

**معلومات** **العضو** · 07-09-2007, 11:07 PM

افا يالربع ولا واحد علق او اعطى رايه

**معلومات** **العضو** · 07-09-2007, 11:19 PM

فايــز بن علي

صـــح لســانك وأسمح لي فما شفت الموضوع الا الان وعز الله قصيده طيبه تكشف

بإن خلفها شاعر يملك الجزاله في الالفاظ والقوه في المعنى

وبما انك تملك هذاه الرائعه فلابــد أن هناك غيرها من الروائع فلا تبخل بما عندك

دواســر ترفى فتوق المعاناة=دواســر ياسعد منــهم لــه سنــــاد
دواســر تملك ثــلاث معـــداه=غرس مع الماء والمجاهيم الاعتاد
دواسر للجار بالروح تفـــداه=تاســم عصاه وترفعه بيــن الاضداد
دواسر من جدرها الجار تاداه=فعل تعــلو به على فعــل الاجــــواد
دواسر عز الدخيل وتوصــاه=ياشاهدي قوز الشريـــف بتـــــوكاد
دواسر تملـكت نجــد وحمـاه=افلاجـــها والخــرج والمدن باعــداد
دواسر بالفــعل فعل وقلنــاه=والوادي المسمي على روس الاشهاد
دواسر وقعاتهم مالها اشباه=دليلــنا كــم من قبيــلة لنـــا احــــداد

**معلومات** **العضو** · 08-09-2007, 12:42 AM

الاخ العزيز فايز علي
صح الله السانك وبيض الله وجهك على هذه الابيات الجزله
وإذا كانت هذه بداياتك في الشعر
فانا متأكد انك سوف تصبح شاعر جزل <<< والله بدون مجامله
لك جزيل الشكر
اخوووك
ابو زابن

**معلومات** **العضو** · 08-09-2007, 12:48 AM

بيض الله وجيهكم على الكلمات الرائعة ولا هي بغريبة عليكم وارجو منكم او من ممن يقرءها النقد البناء وتشكرون اخوي نايف واخوي ابوزابن

**معلومات** **العضو** · 08-09-2007, 02:34 AM


	صح الساااااااااااااااااانك 0 وبيض الله وجهك قصيده جزله من راسً جزل0 وين يجيها النقد معه؟؟؟؟؟؟؟؟؟؟؟؟ ماصار اول الغيث قطره صار اول الغيث غيث0 تقبل مروري وتقديري0

**معلومات** **العضو** · 08-09-2007, 02:51 AM

**معلومات** **العضو** · 08-09-2007, 03:43 AM

اختي شوق2 اخوي الامبراطور عز الله امثالكم انا اشهدنكم تشجعون اللي فيه شي من التردد في طرح ماعنده بيض الله وجيهكم ولا يستغرب منكم الطيب انتم هله

**معلومات** **العضو** · 08-09-2007, 03:59 AM

الأخ العزيز فايز علي الدوسري

قصيده جزله عسي الله يوفقك ....

تقبل تقديري وأحترامي

**معلومات** **العضو** · 08-09-2007, 04:07 AM

ابو نواف مشكور على مرورك ورايك وانا متابع لنشاطك الغزير ولا يستغرب منك هذا

وانا الحقيقة مهتم في المتابعة لمعرفة راي اخواني فيما اكتب

**معلومات** **العضو** · 08-09-2007, 04:58 AM

ابوعلى

**معلومات** **العضو** · 08-09-2007, 05:18 AM

الأخ : فايز الدوسري

صح ألسانك مليون

قصيده جزله و من شاعر جزل

لا هنت يا القرم

تحياتي

**معلومات** **العضو** · 08-09-2007, 04:39 PM

اخوي مسفر المصارير ماهو غريب منك ماذكرته جعل هذي طبوعكم وحنا من ربوعكم

كل الشكر والتقدير لشخصك الكريم

**معلومات** **العضو** · 08-09-2007, 07:00 PM

صح لسانك يافايز وقصيدة جزلة من راس جزل في انتظار الجديد يابو علي

**معلومات** **العضو** · 09-09-2007, 01:00 AM

اخوى الامبراطور بيض الله وجهك اونعم بك ومرحبا بمشاعرك الطيبة ولا تستغرب منكم

اخوي شرفني مرورك وتعليقك

اخوك فايز الدوووووووسري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيــدة عتاب من إمام الحرم الشريم @ للشيخ الكلباني	راشد*	:: القسم الإسلامـــي ::	7	29-08-2010 09:45 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية