يابـــــــــــــــوي

[معلومات العضو شيهانه على كف صقار]

	ALIGN=CENTER] يابـوي جعلـك للبقـا والمكاسيـب عمري بدونك يالذ ّرا ويش أبـي بـه يابوي تسأل عـن شفـاك المراقيـب طلعـة سواتـك للنّوايـف غريـبـه ليه المرض مايعرف الزّين والعيـب ؟ مايـدري انـك للمخاليـق هيبـه !! أبسألك وش به غزا وجهـك الشيـب والقلـب لايـع والنواظـر شحيبـه وش بك تحاتي لانوى الموت تغريـب تخشـى علينـا بالليّالـي الكئيـبـه خذ دلّتك واركى على مسنـد الجيـب وعطني شماغك بلثمه وأحتمـي بـه ونروّح لأرض ٍ بها العشب والطيـب وتسمع كـلام ٍ يالغـلا تحتفـي بـه يابوي بنتـك لاانحكـى بالتّجاريـب كل ٍ يشـق لهيبـه الصّيـت جيبـه يابوي ماني من سـوات المخاريـب اللّـي تجيـب لعليَـة القـوم خيبـه وماني من اللّي لامشت حفّها الرّيـب أنـا مـن اللّـي مايدنّـس حليـبـه مرفوع شاني عـن غـرام المكاتيـب وأكبر من انّنـي أرتضـي بالحبيبـه أنـا غرامـي لاابتـدوا بالتّراحيـب نفوس الأوادم في وجـودي رحيبـه وان كان زينـي فتنـة ٍ للمصاويـب أحـط وجهـي بالحريـق ولهيـبـه زيني أبيعه وأشتري سمعـه الطّيـب اسم ٍ ينومس بالصّـروح الـذ ّهيبـه وان كان عندي ( بالحلا) شي ٍ اصعيب عنـدي جـدود ٍ مارضـت بالغليبـه دموع القبايـل فـي لقانـا مساكيـب كـن المقابـر لاحضـرنـا قريـبـه خضّبت لك كفّي من العـز تخضيـب ورفعـت راسـي للنّجـوم الصّعيبـه والله لأسـدّك بالفعـول المصالـيـب والله لأشيلـك بالرخـا والمصيـبـه طلع المعالـي ماانحكـم للشّواريـب بنت ٍ وأناطح فـارس القـوم طيبـه وياشيخي إبشـر لوتـدور الدّواليـب بنتك إلا منّه عـوى الذّيـب ( ذيبـه) تحياتي لكم شيهانه على كف صقار [/ALIGN]

[

 

 

 

 

[معلومات العضو ابن مطوع الودعاني]

صح لسانك ودام عزك . ها القصيده من أعجب ما وصلني من قصائد معاصرة . وياسعد من أسند ت عليه .

 

 

 

 

[معلومات العضو شيهانه على كف صقار]

	هلا وغلا ويعطيك الف عافيه يالودعاني على مرورك بجد اسعدني تحياتي لك شيهانه على كف صقار

 

 

 

 

[معلومات العضو فيصل بن جزاء]

صح السانك فصيده في قمة الروعه والله يعطيك العافيه

 

 

 

 

[معلومات العضو ابوعبدالعزيز]

صح الله السااااااااااانك قصيده وافيه

 

 

 

 

[معلومات العضو سعـد بن الأشيب]

صح السانك فصيده في قمة الروعه والله يعطيك العافيه



وتــــقبل ودي وحتــــــــــــرامـــــــــــي ::::::::

 

 

 

 

[معلومات العضو سالم بن صمهود]

صح الله السااااااااااانك قصيده وافيه

 

 

 

 

[معلومات العضو شيهانه على كف صقار]

	فيصل وابوعبدالعزيز وابن صمهود والاشيب يعطيكم الف عافيه على هالمرور وبيض الله اوجيهكم واسعدني مروركم تحياتي للجميع شيهانه على كف صقار