ياليتنا من حجنا سالمينا

[معلومات العضو راشد المسعري]

الســـلام عليكــم ..

مســاءكم ..|.. صبحكم .. بالخيــر جميييييييع

القصيـدهـ نابعهـ من موقف حصل للشاعر بصري الوضيحي الشمري وهو رجل مسن ( عود )

كان بصـري من أجمل الرجال في صباه فاوغل في هواء البنـاتـ ومضى به
قطار العمر ويومن كبــر الرجال خذوهـ عيـالهـ للحج واثناء الطواف ويومن جاء بيحب الحجر الاسود
إلا بخد بنت ٍ فيها الجمال اوصاااااف اقرب لهـ من الحجر فقبل خدها ، وعــاد اللي حولهـ صاحو بهـ ..:

تاه العود !!

تاه العود !!

تايه يالعود تايه ..

فقــال : التايه اللي حججني وهو يعرف أن غبار السنين مامحا خضـار قلبي ،
بعد هالحادثهـ قال متـذكر ..::



التايـه اللـي جــاب ..بـصـري يقـنـه
جدد جروح .. العود و العـود قاضـي

جيـنـا نـحـب ..ونطـلـب الله.. جـنـه
جنة نعيمٍ .. يوم يبس .. اللحاظـي

ياليت ..كانت حبتـي .. فـي معنـه
يوم العيـون عـن الخوامـل غواضـي

يامـن يعاونـي ..علـى وصــف كـنـه
اشقح ..شقاح ..ولاهقٍ ٍ بالبياضي

لا ريحـتـه .قـشـرا ولا هي..مصـنـه
ريح النفل بمطمطمات .. الفياضي

ونـهـود.. للـثـوب الحـمـر شولعـنـه
حمرٍ ثمرهـنٍ واقفـاتٍٍ.. غضاضـي

و الخـد .. ذابـوح ..القـلـوب المـرنـه
بـراق مـزنٍ لاعــج الـلـون ..يـاضـي

ياليت .. لو سني على وقم سنـه
بايـام مـا بينـي .. وبينـه .. بغاضـي

ايام جلـد.. الذيـب عنـدي .. محنـه
نصبح وزرق الريش لهـن انتفاضـي

وا جـرح قلبـي جــرح وادٍ .. وطـنـه
غـر المـزون اللـي وطـنـه وفـاضـي

والبيـض قبلـي محسـنٍٍ.. عذبنـه
ونمرٍٍ على وضحا جرا له عراضـي

والبيض .. كم مـن واحـدٍٍ يبسنـه
يبست شماليل العذوق النفاضـي

عـزي . لمـن غـر ..الثنـايـا .. كـونـه
واركـن علـى كبـده كوايٍـا اعراضـي

شوفي بعينـي و الخـدم .. يركبنـه
بنـت الشيـوخ مخدميـن الحياضـي

على اشقحٍٍ من زمل ابوها مظنه
ركبت عليـه اتشنطـحٍٍ باعتراضـي

بمشجرٍٍ من سـوق هجـرٍ ..مغنـه
علـى خياطـه نـاب الارداف راضــي

وين انت يالمشفٍي على طردهنـه
انا طويـت ارشـاي واقفيـت قاضـي

أحــدٍ يطـيـح بـنـار وأحـــدٍ ..بـجـنـه
وترى الحظيظ اللي له الرب راضي


ويقال ان بصري يومن رجع لأهله انشـدوهـ جماعته وشلون الحج معكـ يا بصري..!!

فقال مقولته المشهوره:



ياليتـنـا مــن حجـنـا .. سالميـنـا
كان الذنوب اللي علينا خفيفـات

رحنـا نبـي نخفـف ذنــوبٍ عليـنـا
وجينا وعلينا كثرها عشر ..مرات

 

 

 

 

[معلومات العضو سالم الخضراني]

مشكوووووور والله يعطيك الف عافيه على النقل

تحيااااااااتي وتقديري

 

 

 

 

[معلومات العضو راشد المسعري]

ارررحب ياسالم

الشكر لله عز وجل

لاهنت على مرورك

لك ودي وتقديري ،،،

 

 

 

 

[معلومات العضو عبدالرحمن بن فلاح آل بريك]

مثل مشهور جداً . أول مره أسمع هذه القصه والقصيده . شكراً لك أبو محسن على النقل المميز ..

 

 

 

 

[معلومات العضو برق الدواسر]

لاهنت على النقل

 

 

 

 

[معلومات العضو راشد المسعري]

المشاركة الأصلية كتبت بواسطة عبدالرحمن بن فلاح آل بريك

لا شكر على واجب يابو فلاح

وزين إنها اتضحت القصة لسعادتكم

تقبل ودي وتقديري ،،،،

 

 

 

 

[معلومات العضو راشد المسعري]

المشاركة الأصلية كتبت بواسطة برق الدواسر

لاهنت على النقل

ارحب يالبرق

معاد شفناك من فترة

ولا جات الامطار والبروق والرعود واختفيت

لاهنت على مرورك وتقبل ودي وتقديري ،،،

 

 

 

 

[معلومات العضو مبارك بن شافي النتيفات]

ياليتنا من حجنا سالمينا == كان الذنوب اللي علينا خفيفات

اعتقد ان الكل يعرف هذا البيت

لكن لا علم لي بالبقية ولا الشاعر

لاهنت على النقل الطيب يابومحسن

تقبل مروري المتواضع

 

 

 

 

[معلومات العضو ابكي واجامل]

لاهنت على النقل

 

 

 

 

[معلومات العضو نآصر البدراني]

ياليتنا من حجنا سالمينا == كان الذنوب اللي علينا خفيفات



بيت مشهور ويضرب به الأمثال


لاهنت يا ابو محسن على توضيح البيت مقرونه بالقصيد الجزل ..

 

 

 

 

[معلومات العضو محمد بن حمد الشكرة]

لاهنت يابو محسن على النقل والبيت والقصة اكثر الناس يعرفونها والبيت صار مثل مشهور

 

 

 

 

[معلومات العضو ماجد المطرودي]

استمتعت يابومحسن بقراءة القصه والقصيده
فكل الشكر على اتحافنا بكل ماهو مفيد
اعطر التحايا