الرجبان الدواسر وقبيلة بني واهب شهران ((قصه وقصيده))

**معلومات** **العضو** · 01-01-2009, 07:40 PM

دبيس بن صلال بن ثويمر الرجباني الدوسري جد ال زاريه رحل هو واقاربه من ديرته وادي الدواسر
بعد ان حصل بينه وبين ربعه خلاف .. ولجاء الى قبيلة شهران وبالتحديد الى الشيخ مارق الحنيفي
من بني واهب وجماعته وقوبل بالترحيب والكرامه واصبح من هذه القبيله له مالها وعليه ماعليها
وهنا يصف ما حدث له وطريقة رحيله وطريقة استقباله من بني واهب مزبينين الجالي
في هذه القصيده ............

يالله طلبناك الهدى وبك نهتدي = وابرج لمن يجعل دعاك الفال
اقبل عملنا واجعل الحظ يعتلي = وجمل علينا ياجميل الحال
انا هاض مابي حسة من ربوعنا = حرب ضرير والشبوب ارجال
ذبحنا وتذابحنا وتشاطت اذبوحنا = وراعي التعدي من بلاده جال
ركبنا على عوض النضا شمخ الذرا = على داربات كنهن جمال
تتبع ضلال في الضحى طارداته = وعند العشي مستتبعات ظلال
ونزلنا على الغبسان في عطفة الفضا= في مدلق الجربا تحت الامثال
نشدنا ونوخنا على قصر مارق = شيخ بقصره ربعه ودلال
اذبحوا لنا كوم من الابل كرامه = قعد شحمها في الصحون يشال
من عقب وردنا وبانت علومنا = والفت مواريد على عقال
قلت ان عطيتوني علوم بغيتها = والا فنصوني بيوت رجال
ابغى بني عم تعدي رماحهم= لطامة للشر لا ماعال
قالوا تبشر بالهروج الواكده = حنا لكم ودمينا والمال
وحازوا لنا هل الذود خمسين بكره = ارك مثيل الريم لا ماجال
وحازوا لنا ميتين شاه متممه = ومتين من المعزا بعد حفال
حلفت ماتطرد من العد بنتنا = ولايصك بدلوها في الجال
ماني غرام مثيل المغارمه = واهل المداري يمنون المال
باسير واقصر واجعل عواني = واجعل علوم في المضال ثقال
ولا كل خطاب يجينا نجوزه = الا عريب الحد هو والخال
نسيبنا من كل بد معرب = كما اعتلى البادي بروس جبال
تخاصمت انا والفويه مبارك = خو نوره اللي للعرب مدهال
ولا مازهم ثم انتخى في قبايله = ليهم كما موج صفق في الجال
باسباب ذود لابن بشر ماخذه = وانا شارب عند اهلها فنجال
نعزها بالصدق مانتبع الخطا = وكل لنا يشهد على ذا الحال

**معلومات** **العضو** · 01-01-2009, 08:29 PM

الفويه الله لا يهينك على القصه والقصيد

وبيض الله وجه الشيخ مارق الحنيفي

وكثر الله من امثاله

ويستاهل الممدوح المدح

تحياااااااااااااااااااااااتي

**معلومات** **العضو** · 01-01-2009, 09:12 PM

الفويه
الله لايهينك علي القصه والقصيده
صح لسان الشاعر دبيس بن صلال بن ثويمر الرجباني الدوسري
و بيض الله وجه الشيخ مارق الحنيفي
بارك الله فيك وسدد خطاك

**معلومات** **العضو** · 02-01-2009, 10:19 PM

الحبيبي لاهنت يالقرم

**معلومات** **العضو** · 13-01-2009, 02:52 PM

الفويه الله لا يهينك على القصه والقصيد

وبيض الله وجه قبيله بني واهب

وصح لسان الشاعر

**معلومات** **العضو** · 13-01-2009, 02:57 PM

الفويه

لاهنت يالغالي

وكفوا والله بالجميع

اتحفتنا بهذه القصيدة الرائعه

تقبل خالص ودي

**معلومات** **العضو** · 14-03-2009, 03:02 PM

ماعليك زود ياهلا

**معلومات** **العضو** · 19-03-2009, 02:03 AM

بارك الله فيك على القصيده الرائعه

**معلومات** **العضو** · 29-03-2009, 06:27 AM

الفويه الله لا يهينك على القصه والقصيد

وبيض الله وجه قبيله بني واهب

وصح لسان الشاعر

**معلومات** **العضو** · 30-03-2009, 01:22 PM

كفو ياجداني بني واهب

بطيحان بن هرسان المسردي

**معلومات** **العضو** · 01-04-2009, 01:53 AM

لاهنت على النقل الطيب
والله يعطيك الف عافيه

**معلومات** **العضو** · 02-04-2009, 02:50 PM

مانع الولماني مرحبابك

**معلومات** **العضو** · 11-04-2009, 11:21 PM

الفويه لا هنت على القصه والقصيده

وصح لسان الشاعر دبيس بن صلال بن ثويمر الرجباني الدوسري

وبيض الله وجه الشيخ مارق الحنيفي

وكثر الله من امثاله

ويستاهل المدح

تقبل تحياتي....

**معلومات** **العضو** · 28-11-2009, 02:25 PM

لا هنت ياأخوي على النقل الطيب والقصة والقصيدة والله يرحم ابن دبيس ويبيض وجهه على حرصه على البقاء بكرامته وشروطه مع الأجناب ، وبيض الله وجه بني واهب على استقباله والقبول بشروطه واشهد إنهم كفو ، وحبيت تفيدني من المقصود بمبارك الفويه ، وابن بشر ، وهل هناك علاقة بين اسمك الفويه وبين المذكور في القصيدة
وتقبل تحياتي

**معلومات** **العضو** · 28-11-2009, 03:14 PM

الله يعطيك العافيه يالفويه
تحياتي

الذين يشاهدون محتوى الموضوع الآن : 6 ( الأعضاء 0 والزوار 6)

		منتديات صحيفة وادي الدواسر الالكترونية