أنا اقول قولٍ يشدي النقش بالحجر (محبوب)

[معلومات العضو النايف]

[poet font="Simplified Arabic,5,black,bold,normal" bkcolor="transparent" bkimage="" border="groove,10,darkred" type=2 line=200% align=center use=ex length=0 char="" num="0,black" filter=" shadow(color=sandybrown,direction=135)"]
أنا اقول قولٍ يشدي النقش بالحجر=حفرت الصفا ساسه وجودتنا مبناه
كلام(ن) يناسب عارف البدو والحضر=إلى سمعه الشاعر تشوق على معناه
أقالب معاني القاف في قالب الفكر=عليه أتحشد لايجي عارف(ن) يقفاه
لجل ما بدعته في هوا هايف الخصر=ولو نظم الختم بكف(ن) زهت حناه
حصيلي تجاريب(ن) على العسر واليسر=وأنا أقول كل(ن) له تجاريب في دنياه
أقول ورزق العبد ماياخذه جبر=وإلى كتبله شىء(ن) مشاله بحض وجاه
أعبر على الدنيا وهي راحت سفر=ومن قال أنا مشتد لابدها تاطاه
لاكن أنتبه ياقاصر الذهن والبصر=تفكر بجيبك وأترك الغير في ممشاه
إلى صار لك شوف(ن) ترا للعرب نظر=يشوفون شوف(ن) مثل شوفك وفي حلياه
وترا من يريد القدر يكرم هل القدر=ومن قدم المعروف يلقاه حل أوفاه
وترا من ستر غيره بقا دايم الستر=ومن شل ستر الغير ستره يشلّ أغطاه
وترا زارع الريحان يجني الثمر زهر=ومن يزرع الحرمل أيتذوق مرارة ماه
وترا الحرمله لوهي على شاطىء النهر=طعمها خبيث وطلعها خايب(ن) مجناه
جهل من يقول الرجل منظر وهو خبر=جمال الفتى فعله وماتكسبه يمناه
أجسام(ن) عليها مقاطع(ن) وغتر=وهو مثل عود(ن) هش متستر(ن) بلحاه
ترا العرف ماله دخل في الكبر والصغر=كل(ن) بعقله راضي(ن) مايريد سواه
ترا في الرجال أشد من نايف الصخر=وفيه الذرا صعب(ن) على اللي يبي يرقاه
وفيهم نفود(ن) ما يوقي شديد الحر=أتدور وراه الضل وتعذبك رمضاه
وفيهم عدود(ن) من يبي يرتوي صدر=بها يشرب العطشان من بعد طول ضماه
وفيهم رسوسن لو بها يمطر المطر=حوالي أسبوع ويختفي الماء وراء بطحاه
وترا الفقر يخلق في عين الفتى عور=على غير جرم(ن)كل من يعرفه يشناه
وترا المال دماح الخطايا مع الكثر=صحيح وراعي المال كل(ن) يود أرضاه
وإلى صار كثر المال ما ينفع المضطر=سوا هو وبلاش إلى ستوا الفقر والغناه
إلى صار مع اللي قاصر الشور والشبر=يكب الحقوق الواجبه طايع(ن) لنساه
وهو مادرا أنه مايخاويه للقبر=سوا خرقة(ن) بيضاء وما قدمه يلقاه
تمت وصلى الله على سيد البشر=عساني من اللي يتبع سنته ورضاه

الشاعر / محبوب بن جلحان رحمه الله

[/poet]

 

 

 

 

[معلومات العضو الجوهره]

رحمة الله عليه ولا هنت أخوي على النقل الرائع.. .

 

 

 

 

[معلومات العضو نايف]

صح لسانك يالنايف والله يرحم الشاعر برحمته لاهنت يالغالي ,,,,

 

 

 

 

[معلومات العضو محمد ال بو زمام]

السلام عليكم ورحمة الله وبركاته


الله يعطيك العافيه اخوي ( النايف ) على هذه القصيده . والله يرحم الشاعر ويسكنه فسيح جناته .

 

 

 

 

[معلومات العضو العماني]

بيض الله وجهك اخوي النايف على هذه القصيده ورحم الله الشاعر الكبير محبوب الفصام

تقبل تحياتي،،

 

 

 

 

[معلومات العضو تركي ال فنيس]

لاهنت يالنايف والله يرحم ابن جلحان شاعر جزل

 

 

 

 

[معلومات العضو النايف]

الحوهرة
نايف
محمد
هايف
تركي

تشرف المتصفح بتشريفكم له,

دمتم أعزاء

 

 

 

 

[معلومات العضو ابوبدر المصارير]

الله يعطيك العافيه اخوي النايف

على ايراد القصيده للشاعر محبوب بن جلحان

الله يرحمه ويرحم اموات المسلمين لاهنت

تحيااااااااااااااااااااااااااتي