ثلاث نصائح .... حبيب العازمي !!

[معلومات العضو عقاب بن هذال ال بريك]

هذه ثلاث نصائح للشاعر الكبير / حبيب العازمي

كل نصيحة تتكون من أربعة أبيات

وهي عن الصح والخطأ ،،، والكلام الزائد في المجلس ،،، والرفيق والقريب

يقول حبيب العازمي /

النصيحه الأولى : الصح والخطاء

لولا الخطا محدن عرف قيمة الصح ....ولولا الصحيح يصح جات الفضايح
شي طبيعي يوم ننصح وننْصح .......الناس كانوا يشترون النصايح
ياجاهلٍ في الوقت تسرح وتمرح .....تـرى الحياه لها نظام ولوايـح
وأن كان ماتبغى كلامي هذا رح .....واشره على اللي قال وين أنت رايح

النصيحه الثانية : الكلام الزائد في المجالس
ياهل الهروج العرج لو تمشي العرج ...خطوه وراء عن خطوةً للأمامي
الصمت في بعض المجالس عن الهرج ...يسوى مئة كلمه من أغلا الكلامي
ولو كل تاجر في البشر يفتح الدرج ...ما صار للتجار غير الاسامي
وراع الحصان اللي يعنّه بلا سرج ...لو يشعل النيران برد وسلامـي


النصيحة الثالثة : الرفيق والقريب
مهما يجيك من الخطأ من رفيقك ...حاول تغاضى والخطأ لا يجي منك
ترى رفيقك لو وقف في طريقك ...مثل الرصيد أن (قل) وأن زاد في البنك
واعرف عدوك قبل تعرف صديقك ...ومن لا يحس بضيقتك مادرى عنك
ولا تأيد المخطي لو أنه شقيقك ...وش عذرك من اللي على ايسرك وايمنك
7
7
7
7
7


مما راق لي !!

 

 

 

 

[معلومات العضو ابو نايف الحربي]

الله الله

شكرا ع النصائح



والله يسعد صباحك ومساك


وصح لسانك

 

 

 

 

[معلومات العضو عامر النتيفات]

عقاب ال بريك

عزالله انك اخترت درر ونصايح تنشرى

لله درر ابوفيصل حبيب العازمي مبد ع في النظم وفي القلطه

اشكرك على الاختيار الموفق

 

 

 

 

[معلومات العضو ناصر بن فهد]

الله الله
صح لسانك وصح لسان شاعرها
ولآهنت على نقل النصائح وبيض الله وجهك

 

 

 

 

[معلومات العضو سعود التميمي]

يعجبني كثيرآ هذا الشاعر ..

صح لسانك ولسانك كاتبها ..

شكـــرآ لــــــكــــ..

 

 

 

 

[معلومات العضو راشد محمد المقابله]

صح الله اللسان الشاعر حبيب العازمي

أبيات فيها الكثير من الحكمه والنصح

الله يعطيك العافيه على نقلها

 

 

 

 

[معلومات العضو دغش محمد الصخابرة]

صح لسانك وصح لسان شاعرها
ولآهنت على نقل النصائح وبيض الله وجهك

 

 

 

 

[معلومات العضو البدور]

الصمت في بعض المجالس عن الهرج ...يسوى مئة كلمه من أغلا الكلامي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لاتعليق

 

 

 

 

[معلومات العضو عبدالرحمن بن فلاح آل بريك]

صح لسان شاعرها وناقلها .


وحبيب العازمي ما يلحقه شك ..