أبناء الشيخ هادي بن رويضان ومعركة الشيط 1288هـ

[معلومات العضو خيال البلها]

في البداية نبدأ بنبذه بسيطة عن الشيخ هادي ...
وهو الشيخ والفارس والشاعر هادي بن ثقل بن هادي بن رويضان شيخ الزقاعين من قبيلة السهول
يلقب بـ ((مفتح القبور)) وهو من مشاهير فرسان العرب في عصره واشتهر بالشجاعة المتناهية
وقد شارك في مناخ السبيه عام 1245هـ
وهو حفيد الشيخ هادي الأول بن رويضان الذي عاصر بداية الدعوة السلفية
وكان ممن شارك في فتوحات الدولة السعودية الاولى .

نعود الى الشيخ هادي بن ثقل بن رويضان
فقد قيل فيه العديد من قصائد المدح والثناء ..

فقد قال ابن شليه الجبري السبيعي يثني على شجاعته:

ينطح الخيل قرمن مثل هادي=حربته من دم العدو مرويـه

وقال فيه شاعر من اهل القويعيه:

يابنت ياللي زينت ممشى جملها=شومي لهادي والربوع المستحين
لا نشفت الارياق ابو عثفر بللها=يطعن على الشقرا وربعه منتحين
كم دار خوفٍ قدم ربعها نزلهـا=واعداه قفوا عقب ماهم مقبليـن

وقال ابن مجحود العرجاني في مدح الزقاعين واميرهم هادي:

يالله عسى دار الزقاعيـن رجعـان=اهـل السلـوم الطيبـه والحمايـا
كرمان وإن ركبوا على الخيل ظفران=يتلون ابو عثفـر زبـون الحفايـا
يتلون هادي وافي الفعـل وافنـان=اللي نهار الكـون يخلـي السبايـا
في ظف ابو عثفر رعى القفر ذيدان=خيَـال سحـج بكارهـا والخلايـا

نعود الى معركة الشيط والتي وقعت حوالي عـ 1288هـ ـام وهي انهم اغاروا آل هادي من قبيلة العجمان على الرواضين شيوخ قبيلة الزقاعين
وكان الرواضين ثلاث اخوه وهم عثفر وعثيفر وثقل .
ووالدهم الشيخ هادي بن ثقل ابن رويضان كان وقتها كبير في السن ، فوقفا عثيفر وثقل عند البل حمايه لها من القوم
واما عثفر فقد نطح القوم وعقر فرس قايدهم فهاد المتلقم العجمي وطرحه ارضاً ثم عفا عنه وقتل منهم ثلاث فرسان وقلع
خيلهم ورجعوا مهزومين

بعد نهاية المعركة قال الشيخ والفارس والشاعر
هادي بن ثقل بن رويضان مفتخراً بما حصل :

قولو لفهاد اللقم1 يطوي اليـاس=خيله دمرها عثفـراً بالطـرادي
واللي دمرها جاره الله من الباس=من فوق شقرآ كنها الحر بـادي
من ضربته جا لحصانه تطحاس=كله لعينـا مقرعـات التـوادي
هو يحسبنا من مراسيل عبـاس=وحنا مروية النمـش والهنـادي
سهول لا ركبوا على قب الافراس=حريبنـا مايهتنـي بالـرقـادي
حنا نطحنا الروم شينين الالباس=على العويند يوم جونا جـرادي2
قايدهم اللي يلبس الدرع والطاس=رماه عثفر3 للوحش والحنـادي

1. اللقم تصغير للمتلقم

2. يذكر هنا وقعة العويند بين الزقاعين والأتراك عام 1255هـ تقريباً والتي انتصر بها الزقاعين انتصاراً كبيراً وفيها قال الشاعر تني بن سعد بن رويضان :

ياذيب عن جال العويند لاتشوم= ومن اشبعك يا ذيب ما تلحق جزاه
العنقري جانا بحضرانن وروم = والمصطفى يوم ان ربي ماهداه

الخخخ ....

3. هذا يدل على شجاعة الشيخ والفارس : عثفر بن هادي بن رويضان في جميع الوقعات والمعارك .
وكان أبوه يفتخر به دائماً ، قال فيه :

يالله يا منجي الدريك مـن المـلا=تنجي الكحيله من صواديف الشرور
وتفك عثفـر مـن مقاديـر البـلا=خيالها لا من هبـا كـل معثـور

وهو قائد الزقاعين في وقعة العويند ..


وقال الشاعر شاهر محمد الزقعاني السهلي :

وعثفر اليا منه نطح لـه دحاميـل=امحاربـه ينكـس ذليـلاً ولافــاد
قلايعه في الكـون قـب مشاويـل=وربعه معه في الحرب باسياف احداد

وسلامتكم

 

 

 

 

[معلومات العضو أبو مطلق عنزي]

والله ونعم بالسهول

ورحم الله الشيخ هادي بن رويضان

قول وفعل

 

 

 

 

[معلومات العضو نايف الخييلي]

كفوا والله بالسهول
نعم القبيلة ونعم الرجال

وحقبة زمنية مضت بخيرها وشرها والحمد لله على نعمة الاسلام والامان

 

 

 

 

[معلومات العضو محمد بن حمد الشكرة]

والله ونعم بالسهول ورحم الله الشيخ هادي بن رويضان قول وفعل

 

 

 

 

[معلومات العضو ابو زيد الغييثي]

ونعم مليووون في الرواضين علمهم غانم من أول وتالي وهم بيت رياسة و شجاعه في الجهل و الاسلام و الحمد الله على نعم الامن و الاسلام أخوك / ابـــو زيـــــد الغيــيــثي

 

 

 

 

[معلومات العضو خيال البلها]

المشاركة الأصلية كتبت بواسطة أبو مطلق عنزي

والله ونعم بالسهول

ورحم الله الشيخ هادي بن رويضان

قول وفعل

ما عليك زود ياابو مطلق

وجزاك الله خير وبيض الله وجهك

 

 

 

 

[معلومات العضو خيال البلها]

المشاركة الأصلية كتبت بواسطة نايف الخييلي

كفوا والله بالسهول
نعم القبيلة ونعم الرجال

وحقبة زمنية مضت بخيرها وشرها والحمد لله على نعمة الاسلام والامان

ما عليك زود ياالخييلي والحمد لله على نعمة الامن والامان

لا هنت على المرورر

 

 

 

 

[معلومات العضو خيال البلها]

المشاركة الأصلية كتبت بواسطة محمد بن حمد الشكرة

ما عليك زود ياالذيب

وجزاك الله خير والله لا يهينك على مرورك الرائع

 

 

 

 

[معلومات العضو خيال البلها]

المشاركة الأصلية كتبت بواسطة ابو زيد الغييثي

ما عليك زود يا الغييثي وكلامك نابع من طيب معدنك

والحمد لله على نعم الامن
ولاهنت ياشوق البنت