محاورهـ بين شاعرين عمــــالقــــه

[معلومات العضو هادي آل حشفل]

محاورهـ بين شاعرين:
أحمد الناصر ومستور العصيمي

(أحمد الناصر )

يامرحبا ترحيبه تجلا عن القلوب الهموم
تضفي على روس الجميع ونورها يجلا الظلام
أقولها للي يعرفون العوايد والسلوم
يالله عساهم للسلامه كل يوم وكل عام

(مستورالعصيمي )

إلكـ البقا من هاجسي ياللي تكمل فاللزوم
من هاجس اللي ياأحمد الناصر تقيد بالنظام
ياللي تعاين فالسما مافالسما غير النجوم
ترى المطيه ياصحيبي ماتقاد بلا خطام

(أحمدالناصر)

من عاده الطرقي يجيب علوم ويودي علوم
وأنا سمعت علوم جتني لا حلال ولا حرام
لوتضحكـ الدنيا لاهلها يالعصيمي ماتدوم
ترقد عيون العالمين وعين ربكـ ماتنام

(مستورالعصيمي )

تبـا تجيكـ علومنا أنت مستريح ومخدوم
وإلى وصلكـ العلم هات البندقيه والحزام
الناس تصنع ياأحمد الناصر فرنجي وروم
وأنته وانا في ذا البلاد أخبارنا خير وسلام

(أحمد الناصر )

ياكثر خلان الرخا تضحكـ معي بثياب قوم
راحت سواه الحلم وين اللي يعرفون الحلام
راسي على الصكات ضاري للبراد وللسموم
لاوالله اللي حام طير الجو بالجنحان حام

(مستورالعصيمي )

ياذيب جر إعواكـ وأطلع في طويلات الرجوم
ماساع شفت الناس يارجال يبنون الخيام
بعض العرب ماغرهم غير الهقاوي والوهوم
ماغير توعدنا بشهر الصوم قدام الصيام

(أحمد الناصر)

يابعد ظهران اليمن بعداه عن وادي الجموم
واللي تمسك بالصداقه لا يلوم ولا يلام
أحد رضع من ديس واحد واحدٍ رضع من شق توم
والله على خلقه وكيل ولا يجي الطعن العظام

(مستور العصيمي )

الناس قالوا فالمثل لاطالت أعمار الرخوم
ووجوهكم ماهي رخيصه يارفيعين المقام
ياليل ياليل السعد يالله في حظ يقوم
أما تعرضنا سهل والا تعرضنا عدام


أتمنى أني قد وفقت فـي أختياري إلى أشهر المحاورات اللتي جرت بين عمالقه

في فن المحاوره وتقبلــــــو ا خالــــص شكــــري وتقــديري،،،،،،،

 

 

 

 

[معلومات العضو شافي بن راشد النتيفات]

لاهنت على النقل وفعلا بين عمالقة القلطة صحت السنتهم

 

 

 

 

[معلومات العضو خالد المشاويه]

صح الله السنتهم

شعراء عمالقة ولافيهم كلام

الله يعطيك العافيه ع النقل الرائع


جزيل الشكر والتقدير

 

 

 

 

[معلومات العضو مبارك بن شافي النتيفات]

لاهنت على النقل الجميل وعزالله انهم عمالقة

تحياتي وتقديري

 

 

 

 

[معلومات العضو هادي آل حشفل]

,,,تشـــرفت بوجودي معكــــم و أ سأل العلـــي القديــــر التــــوفيــــق ...

وبيض الله وجهكــ يابو راشد وتقبل جزيل شكري ,,,,,

 

 

 

 

[معلومات العضو ابوهديل]

هذه المحاوره ولا بلا

 

 

 

 

[معلومات العضو سعود بن محمد الصخابره]

لاهنت ياهادي على النقل الرايع هاذي المحاوره الصحيحه

وتقبل مروري

 

 

 

 

[معلومات العضو هادي آل حشفل]

الـــــــــــشكر لله والله لا يهينكــــــم ويطول أعمــــــاركـــــم ’’’’’’’

وتقبلــــــــــو ا تحيــــــــاتــــ / أبــــن حشــفــل،،،،،