أواااه يا نجومٍ تلالا نورها / خطرٍ من الضيقه علي ازورها (ماجد بن مهنا)

[معلومات العضو ماجد المهنا]

بسم الله الرحمن الرحيم

السلام عليكم ورحمة الله وبركاته


أخواني

(( الغايب عذره معه ))

فأن لم يكن لدي عذر فـ إلتمسوه

متواضعه

أتمنى أن تلاقي شيء من القبول


صلوا عـ النبي

أواااه يا نجومٍ تلالا نورها = خطرٍ من الضيقه علي ازورها
وأجرّ صوتي بالخلاء وأغنّي = حتى يصحّي الشمس صوت طيورها
مثايلٍ من بدعي وضميري = فرايدٍ يطرب لها جمهورها
يوم ان بلدان الشعر معموره = أقطع صحاريها واعوم بحورها
شرد القصيد مهار صفر وندّر = أجنّد القيفان فوق ظهورها
واقودها مكنّي الا ( عامر ) = لقاد له سربه يبين حضورها
أحط خط ويبعجه هوجاسي = ويطلّع ابيات الشعر عن طورها
مابه قصيده فرّعت تنخاني = الا وانا اجبّر عطيب كسورها
لاقفت ايامي بذود افكاري = أعوّد الخلفه على مقهورها
واطابها في خايعٍ ماخرّب = وارعى معانيها وادوج قفورها
شاعر وامثّل لابتي واجمّل = واعرف ويش اقول لاجاء دورها
ماني مثل من هو يعجبك زوله = وان حانت الوقفات قام يخورها
من لابةٍ تآسم عصا قصيرها = وارماحنا دون الكرامه سورها
دواسرٍ كواسرٍ صوارم = لاشبّت الهيّه ودنّ نجورها
نحمي حمانا بالسيوف القطّع = ونرد ماكاد العدا بنحورها
وان جات للاشعار شبري وافي = لا عددت بعض الرجال شبورها
لو ان سمان الهرج في قمة طويق = ماعجزني النّحت فوق صخورها
إلى هدر دم الأدب شعّاره = أغربل الساحه واصحي شعورها
وان عوّدت على الكرم بعروقي = مثل الغروس الراسخات جذورها
( يمناي ) تركة شايبي وأمانته = يقول : فالمده لا تاخذ شورها
مد الجزال ان كان تبغى صيتك = عند الحرار اللي بروس وكورها
لذا ياعين ابي منتس الستيره = غطي عنا نفسي وقلّ سرورها
إلى ذكرت الديره المعنيّه = سعاتها .. وأيامها .. وشهورها
وخذيت اودّع عزوتي واخواني = تسعى بي اقدام الوله ومهورها
واقبل عليها شوق ماله ديره = وآقف على بيبانها .. وقصورها
تلفحني ارياح العشق في جوفي = وتسوق طاريها واشمّ عطورها
احبها من حب غالٍ فيها = لا يذبح العذال غيض صدورها
غروٍ من اقفى وادبرت ركايبه = كليت نكبات الزمان وجورها
ويلي عليه ازريت اضمّه واقفى = مدامعه ترّد عليّ شفورها
أغليه وادري في مقامي عنده = بس الظروف القاهره وامورها
لو للحظوظ علاج .. كان امداني = خذيت لي موعد معَ دكتورها

وسلامتكم


أخوكم الصغير /

ماجد بن مهنّا

 

 

 

 

[معلومات العضو أبونواف الدوسري]

اللهم صلي علي محمد وعلي آل محمد

أخونا الصغير الكبير بأسلوبه وأفعاله

لا هنت علي هذه القصيده وصح السانك يا ماجد بن مهنا...

تقبل تقديري وأحترامي

أخوك أبو نواف الدوسري

 

 

 

 

[معلومات العضو فيصل بن جزاء]

صح السانك ياماجد رائعه من جزلاتك ياابوعبدالله

لاتبطي علينا بجديدك وخلك قريب لاتباعدنا يالقرم

تقبل التقدير والاحترام

 

 

 

 

[معلومات العضو سالم بن صمهود]

أحـط خـط ويبعجـه هوجـاسـي =ويطلّع ابيات الشعر عـن طورهـا
مابـه قصيـده فرّعـت تنخـانـي =الا وانا اجبّـر عطيـب كسورهـا
لاقفـت ايامـي بـذود افـكـاري =أعـوّد الخلفـه علـى مقهـورهـا

ماشالله تبارك الرحمن رائعه بكل ماتعني الكلمه من معنا
صح الله لسانك ياماجد وعلى القوة ومافيك حيله

 

 

 

 

[معلومات العضو ابن مطوع الودعاني]

صح لسانك يابن مهنا وعساك على القوة . وشكرالك على الابداع .

 

 

 

 

[معلومات العضو نايف البدراني]

((( أحبها من حب غالٍ فيها )))..

ياحلو طروقك ياماجد ..

شااااااعر وغني عن الشهاده

 

 

 

 

[معلومات العضو محمد الغريري]

شرد القصيد مهـار صفـر ونـدّر = أجنّـد القيفـان فـوق ظهـورهـا
واقودهـا مكنّـي الا ( عـامـر ) = لقاد لـه سربـه يبيـن حضورهـا
أحـط خـط ويبعجـه هوجـاسـي = ويطلّع ابيات الشعر عـن طورهـا
مابـه قصيـده فرّعـت تنخـانـي = الا وانا اجبّـر عطيـب كسورهـا
لاقفـت ايامـي بـذود افـكـاري = أعـوّد الخلفـه علـى مقهـورهـا
واطابهـا فـي خايـعٍ مـاخـرّب = وارعـى معانيهـا وادوج قفورهـا
شاعـر وامثّـل لابتـي واجـمّـل = واعرف ويش اقول لاجاء دورهـا

ماجد المهنا


ابوعبدالله صح الله لسانك دايم على جزالة قوافيك ومعانيك الرائعة

وترجمة افكارك مع قصة وسيم العامرية وعامر بن بدران والمبيعيج ناصر عندما بعج الخط

وعز الله انك شاعر ويشرفني سماعها منك قبل طرحها هنا ..

كبير يا ماجد كبير ولا تحرمنا جديدك ..


تقبل خالص الود والتقدير ..


اخوك في الله

محمد الغريري

 

 

 

 

[معلومات العضو سالم بن محمد الشرافي]

لا هنت علي هذه القصيده وصح السانك يا ماجد بن مهنا...

تقبل تقديري وأحترامي

 

 

 

 

[معلومات العضو ونـعـم]

أغليـه وادري فـي مقامـي عنـده بس الظـروف القاهـره وامورهـا
لو للحظوظ علاج .. كـان امدانـي خذيت لـي موعـد مـعَ دكتورهـا


رووعــه ماشاالله

صح لـسااانك

وبانتـظــار ابـدااعااتـك

تقبل مــروري

 

 

 

 

[معلومات العضو نايف الخييلي]

ماجـــد بن مهـــنا


صــــح لسانك واعتلى شأنك على هالقصيده الرائعه والجزله

 

 

 

 

[معلومات العضو فهد الغريري]

الشاعر القدير ماجد المهنا

صح الله لسانك واعتلا شانك على الأبيات الجميلة كما عودتنا دائما

وافي عز الله يابوعبدالله

تقبل خالص تحياتي وتقديري ،،

 

 

 

 

[معلومات العضو فالح بن فهاد]

المشاركة الأصلية كتبت بواسطة ماجد المهنا

بسم الله الرحمن الرحيم

السلام عليكم ورحمة الله وبركاته


أخواني

(( الغايب عذره معه ))

فأن لم يكن لدي عذر فـ إلتمسوه

متواضعه

أتمنى أن تلاقي شيء من القبول


صلوا عـ النبي

أواااه يا نجومٍ تلالا نورها = خطرٍ من الضيقه علي ازورها
وأجرّ صوتي بالخلاء وأغنّي = حتى يصحّي الشمس صوت طيورها
مثايلٍ من بدعي وضميري = فرايدٍ يطرب لها جمهورها
يوم ان بلدان الشعر معموره = أقطع صحاريها واعوم بحورها
شرد القصيد مهار صفر وندّر = أجنّد القيفان فوق ظهورها
واقودها مكنّي الا ( عامر ) = لقاد له سربه يبين حضورها
أحط خط ويبعجه هوجاسي = ويطلّع ابيات الشعر عن طورها
مابه قصيده فرّعت تنخاني = الا وانا اجبّر عطيب كسورها
لاقفت ايامي بذود افكاري = أعوّد الخلفه على مقهورها
واطابها في خايعٍ ماخرّب = وارعى معانيها وادوج قفورها
شاعر وامثّل لابتي واجمّل = واعرف ويش اقول لاجاء دورها
ماني مثل من هو يعجبك زوله = وان حانت الوقفات قام يخورها
من لابةٍ تآسم عصا قصيرها = وارماحنا دون الكرامه سورها
دواسرٍ كواسرٍ صوارم = لاشبّت الهيّه ودنّ نجورها
نحمي حمانا بالسيوف القطّع = ونرد ماكاد العدا بنحورها
وان جات للاشعار شبري وافي = لا عددت بعض الرجال شبورها
لو ان سمان الهرج في قمة طويق = ماعجزني النّحت فوق صخورها
إلى هدر دم الأدب شعّاره = أغربل الساحه واصحي شعورها
وان عوّدت على الكرم بعروقي = مثل الغروس الراسخات جذورها
( يمناي ) تركة شايبي وأمانته = يقول : فالمده لا تاخذ شورها
مد الجزال ان كان تبغى صيتك = عند الحرار اللي بروس وكورها
لذا ياعين ابي منتس الستيره = غطي عنا نفسي وقلّ سرورها
إلى ذكرت الديره المعنيّه = سعاتها .. وأيامها .. وشهورها
وخذيت اودّع عزوتي واخواني = تسعى بي اقدام الوله ومهورها
واقبل عليها شوق ماله ديره = وآقف على بيبانها .. وقصورها
تلفحني ارياح العشق في جوفي = وتسوق طاريها واشمّ عطورها
احبها من حب غالٍ فيها = لا يذبح العذال غيض صدورها
غروٍ من اقفى وادبرت ركايبه = كليت نكبات الزمان وجورها
ويلي عليه ازريت اضمّه واقفى = مدامعه ترّد عليّ شفورها
أغليه وادري في مقامي عنده = بس الظروف القاهره وامورها
لو للحظوظ علاج .. كان امداني = خذيت لي موعد معَ دكتورها

وسلامتكم


أخوكم الصغير /

ماجد بن مهنّا

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~

لاشك شاعر وغني عن التعريـــــف يابـــن مهــنـــا... ولك مني هذي الابيـــات المتواضعـــه
وأن كـــان به تقصيـــــر...فأرجــــوا السمـــوحــــه....؟
~
~
~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ ~~~~~~~

 

 

 

 

[معلومات العضو الوديعي]

ماجد المهنا
قصيدة في قمة الروعة والجزالة واسم راح يكون نجم ساطع باذن الله في هالمنتدى ان سمعت عنك قبل ولكن ماسمعت لك ولا بيت واليوم انا اقرى قصيدة كاملة من جميع النواحي من الفكرة والتسلسل السردي وانتقاء الالفاظ المهيبه وتوظيفها في قالب اكثر من رائع
ما أقول الا بيض الله وجهك ولاعدمتك اخ

 

 

 

 

[معلومات العضو مبارك الخييلي]

ماجد بن مهنا
الله لايهينك وصح ألسانك
وبيض الله وجهك
تقبل الشكر والتقدير

مبارك الخييلي

 

 

 

 

[معلومات العضو ماجد المهنا]

ابو نواف الدوسري

صح بدنك

اسعدني تواجدك وأطرائك

لااااعدمتك