التغطية المصورة لحفل الشيخ عريمان بن محسن الدويّخ الدوسري بـ مناسبة مشاركته بـمزاين أم رقيبة لعام 1435هـ

[معلومات العضو الإداره]

الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين إخواننا أعضاء وزوّار الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ / فهد بن هادي الغريري عضو مجلس إدارة الموقع الأستاذ/ راشد بن محسن المسعري قام بالتقاط الصور هادي بن فهد الغريري خالد بن ذيب الرجباني مرحـبـا في حِـلِّــةٍ للطـيــب شـارة=عند أهل الامداح عِشَّـاق الجزيلــة عند خطلان اليمان أهل الصطارة=متعبيـن الخيـل والجيـش الأصيلـة الدواسـر جـود وأمجـاد وحضـارة=ماضي الأمداح في الحاضر دليله وَسمهم يعطي لمعنى الـعـز أشارة= وإسمـهـم يِـمِّـن ودقـلـتهــم ثقيـلـــة لابـةٍ ربي خـلـقهــا في الـصـدارة=في سنـام المـجـد ماترضى بديلـه أهَــل جَـمْــعٍ مايعـــوِّد بالخســارة=وأهَـل جُــودٍ مثـل همَّـال المخـيـلــة البـيـــوت مـشيّـــدة مـثــل المـنــارة= للضيوف تشاف في راس الطويلـة مـرحـبـا عـنـد أبلــجٍ تـشـتـب نـاره=راعـي الوقـفــات كَـفَّــاي القبيـلـــة الـدويّـــخ كاســب النعــم بـجــدارَه=والمـدايــح في المجالــس تنثنـي لـه من خِلِـق في الطيب ماغيّر مساره=يـوم ولْـد اللاش مابَـيَّـن ن حصيلـه فـدوتـه مـن زود مـالـه لـه خســـارة=وفـدوتــه عَـبّــادة المــال الـبـخـيـلــة مـجـرّي الهيَّـاب بـعـزوم وجـســارة=مروي الضميان لاشحشح صميلــه مـزبــن إللـي طَـقّ مـن وقـتـه زراره=لاعَـجَـز عـن حِـمِـل وقـتـه لا يشيلــه عِــزّ ياعـريـمــان يـاســاس النعـارة=راسـك الحَـمّـاي.. ويـميـنـك مخيلــة وكان وُضحك نومستنا في الزبـارة=واللـه إن فعـلك يـنـومس لـه قـبـيـلــة في ليلة من ليال الفرح والاجتماع وليالي ام رقيبة الخالدة ، اقام الشيخ عريمان بن محسن الدويخ الدوسري حفلاً كبيراً بمناسبة مشاركته في مهرجان أم لمزاين الإبل لعام 1435هـ .وقد أقيم الحفل يوم الخميس 1434/2/23هـ الموافق 2013/12/26م وقد حظي هذا الحفل بعدد كبير من شيوخ وأعيان وملاك الإبل من قبيلة الدواسر وقد حضر موقع قبيلة الدواسر الرسمي إثر دعوة تلقاها من الشيخ عريمان بن محسن الدويخ وقام بإجابة الدعوة بالحضور.... الشيخ عريمان بن محسن الدويخ الدوسري لقطاتٍ مصوّرة لــ مسيرة منقية الشيخ عريمان بن محسن الدويّخ الدوسري الشيخ محسن بن عريمان الدويخ في مقدمة المسيره الــــــحــــــفــــــــل الشيخ محسن بن عريمان الدويخ من اليمين الشيخ غضيّان بن محسن الدويّخ وبجانبة الشيخ فيحان بن شجاع بن سويلمة من اليمين ماجد بن عريمان الدويخ وبجانبة الشيخ عريمان بن محسن الدويخ وبجانبة العقيد حسن بن منصور الشرافي وبجانبة الشاعر شافي النتيفات من اليمين الشيخ منصور بن ماجد آل قطيم الودعاني من اليمين الشيخ سعد بن قرنين من اليمين الشاعر سفر الدغيلبي وبجانبة الشاعر سلطان الهاجري من اليمين الشاعر فلاح القرقاح وبجانبة الشاعر محمد السناني في المنتصف الشيخ مبارك بن محسن بن مسرع من اليمين الشاعر نايف بن مسرع وبجانبة الشاعر سلطان الهاجري من اليمين عضو المجلس البلدي بالمنطقة الشرقية الاستاذ فالح بن راجس الشرافي وبجانبة العقيد حسن بن منصور الشرافي من اليسار الشاعر مرهب البقمي من اليسار المقدم ناشر الهدلاء من اليمين ابن غصين المشاوية وبجانبة الشاعر نايف بن مسرع من اليمين شباب العتيبي من اليمين منصور بن مبارك بن حبيان الصخابرة وبجانبة الشاعر محمد بن مبارك بن حبيان الصخابرة من اليمين فرج المسعري وبجانبة عطران آل عمار وبجانبة الملازم محمد بن مسلم الشينة من اليمين الشاعر سلطان بن حسين المسعري وبجانبة الشاعر هادي بن زابن لودعاني وبجانبة دغش بن حمد بن منصور الصخابرة من اليمين عطران آل عمار ابوريان الشهراني وبجانبة نايف بن هندي المطيري بخيت بن ناصر الهواشلة من اليمين سالم بن شعيب الدبالين وبجانبة الشاعر محمد بن مبارك الصخابره وبجانبة سالم بن مدعث الخرفاني وبجانبة دغش بن حمد بن منصور من اليمين ذيب بن مدباج الرجباني وبجانبة الشاعر عبدالله بن مرضي الجماعين من اليمين الشاعر محمد بن مسفر بن قحيفان وبجانبة الملازم محمد بن مسلم الشينه فـقـرات الحـفـل لأستاذ حنيان بن مبارك المسعري إنطلقت فعاليات الحفل المنبري عند وصول جميع الضيوف التي قدمها الأعلامي المتميز الأستاذ حنيان بن مبارك المسعري وقد بدأ الحفل بآي من الذكر الحكيم وكلة توعوية قدمها الداعية الشيخ عبدالله المسعود الشيخ عبدالله المسعود الشيخ محسن بن عريمان الدويخ وبعد ذلك كان للشيخ محسن بن عريمان الدويخ كلمة ترحيبية بالضيوف الكرام لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر شافي بن محمد المسعري الشاعر شافي بن محمد المسعري ثم ألقى الشاعر شافي بن محمد العبادين المسعري قصيدةً بهذا الحفل ، حيث يقول في قصيدته : مرحبا بضيوفنا عند منصاها = عند ربع من لفاهم يحيونه تكسب الطالات من طيب مجناها= لو غلا سعر المراجل بيشرونه يالله ياللي كوّن الخلق واحصاها = أترجى رحمته وارتجي عونه مملكتنا الغالية نحمي احماها = دولة ابن سعود بالعز مصيونه دولة ملوك عسى الله يرعاها = خيرهم ماينحصى لو تعدونه ديرة الأحرار ونعيش بأجواها = شعبها افضل شعب بين ارضه وكونه اكثر البدوان ساقت رعاياها = للمزاين والتحدي يعدونه كلن نياقه بعينه تنقاها = وخايفاً في عرضهن لا يغلبونه بشرّوا كل الدواسر من ادناها = نسهج الميدان ونجنن اجنونه قدم ياعريمان والنصر يبراها = كل هافي هقوتن نخلف ضنونه كاسبات المدح بالغصب جبناها = ياخذن الاول ولايقصرن دونه لا اقبلت كل الجماهير حياها= وكل غالي لا لقاهم يحيونه كل وضحاً بالملايين مشراها = عاش من يتعب على كل مزيونة مثل غيداً في ضحى العيد ما احلاها= زينهن باهر وهن يبدن فنونه كل زين واضح في محياها = شكلها اهل الصنف ماهم يملونه جعل عين اهل الحسد ماتحلاها = وجعلها من كل مكروه مصيونه حن هل البل لا غزينا كسبناها = وإن غزانا طامع نعمي عيونه لا دحمنا في المواقف خذيناها =عاداتنا من قديم الوقت مضمونه الدويّخ سلّم المجد باعلاها = وافياً بالطيب وانتم تعرفونه المراجل عشقتن له ويهواها = دام عزه والرديين يفدونه شيخ من شيخان يارفع مبناها = مسعرياً يحمل الثقل بمتونه لابتي محجاً لمن كان ينصاها =مثل ضلع طويق مزبانن ركونه الفعول الطيبات اقتسمناها = والدواسر من زبنهم ينجوّنه وكل قوم فعلها جمّل لحاها = وما تكيله للقبايل يكيلونه لشاعر سلطان بن محسن المسعري ثم ألقى الشاعر سلطان بن محسن المسعري قصيدةً بهذا الحفل ، حيث يقول في قصيدته : هواجس الشعر مايطرب مغنيها = إلاً على وقفتن بالفعل تشعاها تقبل بيوت القصايد عند داعيها = وسلومنا نثني الترحيب مبداها يامرحبا عد ماتنشي مناشيها = وعداد ماهلت المزية رفاياها بإسم المعزب تراحيب نثنيّها = يامرحبا بالضيوف اللي دعيناها في حفل شيخن علوم الطيب يشريها= صميدعن كلمته ياقف ويحماها طويل يمنى على الجزلة مضريها= درع القبيلة سند ربعه ومنصاها من دونها قد ثنى رجله لداعيها = وقفت عريمان والله ما نسيناها مع سجينن يديه القيد محفيها = وقربه وعد ساعتن ماعنه وياها ثم انتخى يالدويّخ وانت راعيها = ووقّف وورّد على الجمة ضماياها فزعة رفيقن على الشدة تلاقيها = لاقلت والنعم تزهابه ويزهاها ماهوب تو الدويّخ يبتدي فيها = ذا طبع ربعه من أولها ليا اتلاها عزوة عقيليتن نفخر بطاريها = وقفاتهم من سنين الخوف شفناها عزوة فخر والفخر يفخر باساميها = محزم ظفر للصديق وحربة اعداها قومن تضد الضديد اللي يعاديها = من آلاد بن مسعر اللي تعرف اسماها دواسر سجل التاريخ ماضيها = دواسر في وفاها في حماياها دواسر في شيمها في مباديها = بيع اللحم عيب وايضاً بيعها ماها دواسر للخوي والجار يكفيها = وسم العصا للقصير اليا وسمناها خوينا في حجا عالي مباديها = ومن الهدام الدية للجار سقناها دواسر ضيفها يحمد مساعيها = يوم المجاعه ووقت فات وياها دواسر عون منهو ينتخي فيها = وتستر عين الزبين إن لاذ بحماها تشهد لنا قصتن لاجيال تحكيها = لابن مطرّف وربعي بعد ماجاها يطرد وراه الشريف وجاء لواديها= لين الجماجم بها قوزه رسمناها ارسوم قوز الشريف اللي مسميها = حذف الجماجم من البندق وشلفاها وقصة جريس اليماني عند راويها = اغناه ربي بربعي ثم عطاياها من طيبهم ردها تتبع خطاويها = للجيرة اللي سلوم الطيب تزهاها سلوم ربعي وماتفعل يمانيها = على ظهر كل قباً لا اعتليناها قوم يفك المطارد من عزاويها = وكم حلتن في نحانا قد سهجناها اليا غزينا ديار القوم نخليها = وتفرح بنا البل ليا منا لحقناها تشهد لنا نجد وأمجادن نسويها = وتشهد لنا ريشة بالسيف اخذناها ذا فعل ربعي وانا افخر عند داعيها= واقوم بالواجبات اللي تنصاها وكل القبايل لها مجدن يكفيها = حقوقهم دون قاصر ما هضمناه الشاعر محمد بن مسفر بن قحيفان الخضراني ثم ألقى الشاعر محمد بن مسفر بن قحيفان الخضراني قصيدةً بهذا الحفل ، حيث يقول في قصيدته : يالله ياقبل دعاالمخلوق ياخلاقه= يامدبر ماتحت عالي سماك وفوقه طالبك لامن غدت بعض العلوم إشفاقه= في مقامٍ يعرف الرجال من منطوقه مدني من زبدة الشي الثمين إذواقه= كلمة ترضي الجميع ووقفتن ماثوقه مرحبا ترحيبتن لاهل الوفا منساقه= بالثنا والطيب والورد الندي مرفوقه عن هل الوقفات والهمة وقو الطاقة = في محل الشامخ اللي قوته مرموقه المكان اللي لشمس الطيب فيه إشراقه= حفلتن من طيب راعيها وطيب عموقه جاوه الشعاركلن في يمينه باقه = نخبتن من كل رجالن رفيع ذوقه كل علم طيّب فعل الدويّخ فاقه= يكرم الضيفان والشاعر يعرف حقوقه هاضني ليل من الوسمي سمر برّاقه = والغثير اللي نسانيس الشمال اتسوقه الرفيق اللي يمينه مزنة دفّاقه = في مقاديم السحاب اللي تنوض بروقه عاشق من شبته فعل الجميل عشاقه = والمراجل حبها يجري بدم عروقه من بني عم على فعل الثنا سبّاقه = لاد بن مسعر عما عين الحريب وعوقه لابتن يوم السنين حروبها فتاقه = تدفع الريشه مع وجه الضعن وتسوقه وآل بوسبّاع ربعه محتمين الساقه = مروية حد القنا والسلة المفتوقه وقفة عريمان بالواجب تسد الفاقه = وقفتن منها كبود أهل الحسد محروقه يوم كلن في نهار العرض جاب نياقه = جاهزه ومرتبه وشعوفها محلوقه جاب وضحٍ تعتبر بين الدبش عملاقه= نقوتن تلفت نظر جمهورها وتشوقه لو تجي من دون ترتيبٍ ودون حلاقه = خرّبت سمعة منافسه ودقّت سوقه الحليم تفقّده حلمه وحسن اخلاقه = والكرا ياخذ له ايام معاد يذوقه الخشوم مقوّسه وسبالها صفاقه = والغوارب مرّقن وظهورها مفهوقه كل وضحاً ماقنوها سايقين الناقة = كنها ترقى سنود وفارع منتوقه والفحل الاوضح مع اولها يموز أشناقه= لاهدر تشبه لشلاّن العباة إشدوقه ماضرينا عند صمخ الروس بالدناقه = لا ارتفع بالعنف راسٍ روسنا من فوقه والهدف سامي وكل يمتني حقاقه = والأصايل ذيك سابقتن وذي مسبوقه والقبايل بالمراجل نارهم شعّاقه = مانقول الطيب حصري واحتكرنا سوقه الشاعر ماجد بن عيسى المساعره ثم ألقى الشاعر ماجد بن عيسى المساعره قصيدةً بهذا الحفل ، حيث يقول في قصيدته : ياكريم الجود ياخالقاً مافي الوجود = رازق الاحيا ومحي العظام الباليات بسمك اللهم نبدى ومن جودك نجود=نساءلك عونك وفضلك وعفوك والنجات وعزشعب المملكه والاءمام بن سعود=وحمنا من معضلات التفرق والشتات بعدها جات المثايل على العاده ورود=في مقامك ياعريمان زبن الوانيات مثل ماجاو النشاما على حفلك وفود=جيت بجزال المدايح وجزل المفردات ياسلام الله على الي على الطوله يزود=ابومحسن كاسب الطيب راعي الطايلات هيلعين بالوفا والكرم يرقا سنود=والشجاعه والصخى والعلوم الغانمات شايباً فعله على العزوالطيب محمود=فاليال الحاظره واليال الماضيات من فعولك يالدويخ على مدحك شهود=راقياً مجد المراجل على عز وثبات من مقاديم القبيله على العز معدود=ومن ركون العز ضلعن ركونه شامخات نفتخربك يبومحسن ومن زودك نزود=وانت راس العز حامي كربار الموجبات من صطر راسك عليك الصعايب ماتكود=وفايزاً بالنعم عند الامور الكايدات دام عزك يبومحسن ومنهم لك عضود=النشاما الي ينوبون وقت النايبات ذاخراً لك فالمواقف فهوداً من فهود=يفعلون الطيب ويحققون المعجزات العيال الي عساك وعساهم فالوجود=اعتلوا من طيب ابوهم فروع النايفات شدو ارسان المراجل بكايت الجهود=ووردوها للعلا والعدود الراهيات ورفعوا رايات الامجاد في واس العمود=بالكرم والعز والطيب وجزال الصفات نسل شيخاً قادهم للفخر والعز قود=من سلايل متعبين النضا والمسرجات من سلايل لاد مسعر عريبين الجدود=مكرمين الضيف عز الخوي سقم العدات لادبومسعر هل المجد وافين العهود=مزبن الخايف لياراحت الدعوى وجات نكسب العليا وحنا وسوداً من وسود=الدواسر عزوة العز واهل المكرمات بالشجاعه والمكارم وبالطوله نسود=لابتاً في نجد مثل الجبال النايفات يوم ضرب الشلف والرمح والسيف محدود=العدى منا تذوق الغلايب والشمات ويوم زلزال الثميدي مثل حس الرعود=من عدانا يشبعن الوحوش الحايمات ويوم وقت القل والجوع جعله مايعود=بالمكارم والفضايل يدينا راهيات الدواسر بالفخر دايماً نرقا سنود=فالمواقف والصعايب سلاطيناً دهات دون قاصر فالقبايل وفي كل البدود=كل قوماً بالمراجل كففهم راجحات مثل ماقال المثل ماعلى لجواد زود=والسلام ختام والباقيات الصالحات الشاعر سلطان بن حسين المسعري ثم ألقى الشاعر سلطان بن حسين المسعري قصيدةً بهذا الحفل ، حيث يقول في قصيدته : دقت هواجيسي على المعنى ويالله يا معين = على البيوت اللي تنومسني ليا عديتها ! رصيتها و صفيتها لين اصبحت عقد" ثمين= يلمع بجيد اللي تجي عندي ليا ناديتها ! بنت من افكاري ليا جت حزة اللازم تبين = رهن الاشارة ما تشوف الساعة وتوقيتها ! لها شهر وشوي ترتع من ورى حصن" حصين=واليوم زاااعت تبغي الصيدة وانا هديتها ! تطلع مطاليع الحرار اللي على الضلع المكين=وتقلط على صفر الدلال اللي لها صبيتها ! وانا معودها على الجزلات والقاف السمين = ولا الهزيلة ما تجي عندي وانا ما جيتها ! قصيدة تفرق بها الشعار والمستشعرين=ما خالطتها موضة اهل المدن وايتيكيتها ! وان كان لامن جبتها ما سرت المتذوقين= نذر علي اني ل اموت ولا بعد غنيتها ! ما جبتها لجل الغرام ولجل صافية الجبين= ولا همني لجنة ولا ناس" ابي تصويتها ! كله لعينك يا رفيع القدر يا طلق اليمين = دعوتك من باب المحبة والغلا لبيتها ! لنك : غنمت المرجلة مع الرجال الغانمين=ومدات جودك تخجل المعطين لا مديتها ! يشهد لك التاريخ وزحول القبايل خابرين=كم حاجة شحوبها اللي يكنزون اموالهمواسختيها ! تدري وش اللي ميزك ! ، اخذ الخبر علم يقين= انك صبي قدااام / والعذال ما ماليتها ! يوم انتخو بك ربعك و وقفت / فكيت السجين=وقفتك لا عدت مواقيف الظفر ، عديتها ! انا اشهد انك كفوو ياللي لا اختفى غيرك تبين= كم علة صعبت على دكتورها داويتها ! ان قلت ابومحسن تجي كلمة نعم في كل حين= وان قلتنا ( عريمان ) جبت المرجلة من بيتها ! وما هي غريبة لا كسبت المدح والفعل السمين=كم فرجة يا هيلع المدات قد سديتها ! تعيش يا راس " دحمت القووم بالجنب المتين= وذريت في عيون الحسود الكحل لين اعميتها ! اقلط بوضح لونها يشبه حراااام المحرمين=عن شفها يا راعي الوقفات ما رديتها ! وضح " يحطم سعرها التجار والمتشيرطين=لو هم يبون تحدها / يبطون ما حديتها ! نقوة مغاتير ليا عرضت تسر الناظرين =صارت اسمها مثل النجوم اللي يقدي ليتها ! مدوخات ولا حضر لمدوخات منافسين = تروع العالم بسمعتها ، وطاري صيتها ! تحرق كبود اللي ينافسها ب دل وزود زين = حيلة منافسها يردد : ليتها ياليتها ! جاتك من الوادي تبوج البيد طرعات الحنين= يشوش راسي واتنومس كل ما باريتها ! وحنا جنبها من قديمات الليالي والسنين =تفرح بنا لا صاح راعيها وجا عفريتها ! حامينها بالسيف ابو حدين قطاع الوتين= كم روس قوم قد كتب ربي لنا تبييتها ! ترعى بهيبتنا وحنا الاقوياء الباطشين= نقلط على حمر المنايا لا قدح كبريتها ! من دونها نجهل ولو ما خبر فينا جاهلين = لا ولعو نيرانها ، قمنا نزود زيتها نارد حياض المووت والمشروب من ماء معين= و نعد هذي فرصة ما يتجب تفويتها ! نسوقها من طيب راس وطيب ساس وطيب دين= حتى ما تفرق في المعارك حيها من ميتها ! دواسر تاريخنا ما هو بمن قبل سنتين=افعالنا يكفل لنا مجد العرب تثبيتها ! دواسر امجادنا وصلت حدود الفرقدين= وقفاتنا يشوش راسي كل ما طريتها ! سبحان رب" حطنا من فوق روس العالمين=لو تزعل البصرة وتزعل لجلها تكريتها ! لنا من الافعال ما يكحل عيون الحاسدين =صدور عدوان الدواسر كاثرن تنهيتها ! يشهد لنا وسم العصا اللي ما خبر مثله ثنين=يومن بقعا تطحن ، ويثور ديناميتها ! زبن الدخيل وكل شيخان القبايل خابرين= والمعتلى يشهد لخطلان اليمان وصيتها ! وابن مطرف قصته يطرب لها قلب الحزين=وانشد وتخبرك العرب عن قصته وابوريتها ! وقصة جريس اللي لنا شدد ضعوون الراحلين=وتكفيك عن باقي تفاصيل القصص مانشيتها ! مدلهين الجار يوم الزمن وجهه يشين=من خوة االلي تبعد همومك ليا خاويتها ! الاد زايد لا وقفو لابد للقاسي يلين =وليا غزو قوم" كتب رب الملا تشتيتها ! المرجلة صارت لنا عبد" من المستعبدين =ما همنا لا عاذل الطالة ولا شميتها ! وان جيت ابكمل يعجز التاريخ يملي الكاتبين=وتجف محبرة الكتابة ما بعد وفيتها ! ونيابة عن كل خطلان اليماني اجمعين = اللابة اللي كل ما مر اسمها حييتها ! بقول ما دامي وقفت ووقفة الرجال دين=وانا ليا مني تدينت الديون اوفيتها ! يا مرحبا ترحيبة تشمل جميع الحاضرين= في بيت شيخ قالها قبلي ، وانا ثنيتها ! يا مرحبا باللي حضر يقلط على سمن وسمين= عند الدواسر ، والدواسر يعمر الله بيتها الشاعر محماس بن هادي المسعري ثم ألقى الشاعر محماس بن هادي المسعري قصيدةً بهذا الحفل ، حيث يقول في قصيدته : مرحبا بضيوفنا اللي لفونا زايرين=مرحبا واعداد ماهل وبل خيالها مرحبا مليون واهلين باللي حاضرين= مرحبا باللي لحفل النشاما جالها ارحبو ثم ارحبو يالرجال الطيبين = عند منهو بالوفا سمعته يعنالها عند ابو محسن راعي الطيب مع طول السنين = كل ماثقلت حمول القبيلة شالها مسعرياً يفعل الطيب بالكف اليمين = من رجالن في الشدايد تبين افعالها لا تعزوا المسعري كل قاسي يلين = حربة تفرا كبود العدا خيالها والدواسر بالعلوم الوافية زايدين = زايد وتغلب جبال يظل ظلالها نارد حياض المنايا وحنا صاملين = والدواسر في اللقا عالي منزالها مشعل حط المزاين عسى عمره سنين = الامير اللي علوم المراجل نالها ياملكنا ياملكنا ترانا جاهزين = دون مكة والمدينة ترى حنا لها أرحبو ثم أرحبو يالرجال الطيبين= عند منهو بالوفا سمعته يعنالها الشاعر شافي بن راشد النتيفات ثم ألقى الشاعر شافي بن راشد النتيفات قصيدةً بهذا الحفل ، حيث يقول في قصيدته : بسم الله ابدا وابتدي واستفتح بذكر الولي=الواحد الفرد الصمد ماله شريك ولانديد رب خلق خلقه ولاعنهم يسج ويجهلي=رحيم بعباده على الكفار ذو باس شديد اطلبك ياربي عساني لاوقفت مجملي=في مثل هذا الموقف اللي يرفع الراس ويزيد عن عريمان وربعه ارحب بكم واجب علي=ترحيب مثل الطيب في ليل جمعنا واستعيد يامرحبا واهلا هلا واعداد مزن يهملي=حللتم اهلا في المحل ذالليل عيد بعد عيد بضيافة اللي للوفا والطيب ذكره معتلي=الشيخ ابومحسن تعلا القمة براي رشيد اللي جمع ثنتين باليمنى الطويل ويفتلي=لشناب الى من قالو ان ماللحديد الا الحديد ذود ن محاهيم ملكها في الزمان الاولي=ترعى بهيبة من حماها يومها طرد وطريد اخوان مشعى لاعوى ذيب الغداري تنقلي=امات خمس وماتوقع كون في راس عنيد وذود مغاتير على لول تحوم وتعتلي=الي ليا جات المزاين ماتصد ولا تحيد كل يحسب حسابها لاجا المنافس تقبلي=اليا اعلن الموعد وراع البل نواله بالشديد عيوننا للوله مانلتفت للنازلي=من قو هقوة راعي البل واخذو العلم الوكيد يدحم بعزم ويدحم بقوة وراس يسطلي=ويحقق مراده ويرفع روسنا مابه جديد ومواقفه مع لابته ماعدها ومكملي=عون السجين اللي حداه الوقت ومكتف بقيد وعون الفقير اللي حداه الدين والحظ الشلي=عد رهي نعتبر شرواه في الشده رصيد مكرم الضيفان مداته لهم ما تخجلي=ياحاتم بيمنى طويله تملك الفعل المجيد طيبك ترى ماهو غريب دام ربعك تنهلي=من قمة الامجاد من ارقى النفايل تستفيد اهل النقا واهل اللقا والجود واسمع مايلي=واهل الفخر واهل الظفر والعز والراي السديد الاد سباع ن لهم تاريخ والمخرج ملي=اليا التقى الصفين صف ضدهم دايم يبيد الاد سباع الطحاطيح القروم الزحلي=جبال مثل طويق في نجد المسمى والاكيد الاد سباع مخال ن فوق الاعدى يهملي=لا سال سيله وانهمل حقوق وبله يستزيد دواسر ن لامن بغينا مابغينا ناصلي=افعالنا يشهد بها اعدانا ومبنانا جويد جدارنا مع جارنا يشهد بفعل سجلي=ودخيلنا يرقى سنود ولايعاني من ضديد والجار في سلم الدواسر جل همه ينجلي=توسم عصاه ولايهوزه لاقريب ولابعيد والا الخوي في سلمنا للي نوابه ياصلي=نقدره ونسانده حتى يحصل مايريد هذا وتاريخ القبايل بالفعايل ماخلي=كل بحقه والدواسر فعلهم فعل فريد واليوم نحمد ربنا بامن وامان كاملي=في المملكة دار الامن والعدل والخير المديد دار حكمها اللي بحكم الله يقوم ويعملي=عيال منهو وحد الدار وبنى مجد تليد عبدالعزيز اللي سقاها عقب دهر ممحلي=عقب الجهل صارت مقر العلم والشرع الجويد وعقب المجاعة صارت ديار تمد المبتلي=واليوم حب المملكة يجري مع مجرى الوريد فالشكر لله ربنا المعبود والمخرج ملي=سبحانه اللي لاعطى يغني ويفعل مايريد واختامها صلو على اللي قوم الدين الجلي=عليه صلى الله وسلم عد مامال الجريد الشاعر طنف بن سعود آل قرنين ثم ألقى الشاعر طنف بن سعود آل قرنين قصيدة بهذا الحفل الشاعر محسن بن عبدالله الضباعين ثم ألقى الشاعر محسن بن عبدالله الضباعين قصيدةً بهذا الحفل ، حيث يقول في قصيدته : جيت ادي الواجب على كل لحوال=صغير قوم وفالزوم اخدمها يامرحبا ترحيباً قدرها عال=ترحيبتاً بالطيب نرفع علمها والله يحييكم على طيبة الفال=عند الرجال الي مايحصر كرمها في بيت شيخاً للمطاليق مدهال=بسمه نرحب والضيوف انعزمها وحنا نتفاخر فيه رجال رجال=نومس بني عمه وناره شعمها وبسمه سمت لمجاد وافعوله اجزال=ومواقفه كل الرجال اتعلمها فالضيم جال ول الثقيلات شيال=وان كبرت القاله برايه حسمها هذا الدويخ جعل تفداه لنذال=الي تساوى اوجودها مع عدمها من عزوتاً تاريخهم مضرب امثال=قبيلتاً تهزم ولحد هزمها كسابت الامداح ماضين لفعال=الطيب خصله والكرم من شيمها وتاريخهم بالعز حافل ولا زال=يفخر مورخها ويكتب قلمها دواسراً تكسر شبا الضد لاعال=وحربيهم طعم الهزيمه طعمها وبسم الدويخ مرحبا قدر واجلال=ترحيبتاً بالعز نرفع علمها الشاعر محمد بن شافي بن وثيلان المسعري ثم ألقى الشاعر محمد بن شافي بن وثيلان المسعري قصيدة بهذا الحفل __________________________________________________ _ المنشد محمد بن فراج الاكلبي المنشد عبيد بن ذيب الرجباني( شبل الدواسر) وكان لنا موعد مع الأوبريت الانشادي مع المبدعين المنشد محمد بن فراج الاكلبي والمنشد عبيد بن ذيب الرجباني( شبل الدواسر) الهبو حماس الحضور بــ الشله الانشادية الجزله من كلمات الشاعر المبدع نايف بن مسرع. تفاعل الحضور مع الشله ________________________________________ وبعد القصائد المنبيره كان هناك موعد مع فقرة الامسية الشعرية المختصره مع الاعلامي حنيان الدوسري. وضيوفه في هذه الامسية كلاً من الشاعر محمد بن قحيفان والشاعرسلطان بن محسن المسعري والمنشد بخيت الهواشلة وبعد فقرة الامسية الشعرية المختصره كان هناك موعد مع فقرةالمحاورةالشعرية مع الاعلامي حنيان الدوسري. وضيوفه في هذه الامسية كلاً من الشاعر سلطان الهاجري والشاعر فلاح القرقاح والشاعر محمد السناني والشاعر سفر الدغيلبي والشاعر إبراهيم الشيخي والشاعر مرهب البقمي والشاعر تركي العصيمي والشاعر سلطان بن حسين المسعري. وكانت البداية بين الشاعر سلطان الهاجري والشاعر سلطان المسعري. لــــقــطــات عــــامـــــــه مـــــن الـحـفـل من اليمين سعود بن نفل الخرفاني وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لشيخ عريمان بن محسن الدويخ الدوسري على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه (صوت قبيلة الدواسر) منتدى قبيلة الدواسر الرسمي www.alduwaser.org/vb

 

 

 

 

[معلومات العضو فهد الغريري]

بالبداية تتقدم بخالص الشكر والعرفان لشيخ عريمان بن محسن الدويخ الدوسري على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه والشكر موصول لــــ للجنة المنظمة علي هذا الاحتفال المبارك وأحب أن انوه الجميع على أن من يعرف اسماء بعض الأشخاص بالصور العلويّة، فعليه مراسلة من خلال البريد الإلكتروني الخاص بي، وهو : barq003@hotmail.com او عبر الواتساب 0534451258

 

 

 

 

[معلومات العضو غازي المسعري]

نتقدم بخالص الشكر والعرفان للشيخ عريمان بن محسن الدويخ الدوسري وابنائه الكرام على الإحتفاليّة المباركة كما نبارك لهم الفوز ويستاهلون الناموس والشكر موصول لادارتنا الغالية التي طالما تجلنا في قلب الحدث في جميع احتفالات القبيلة شكراً لكم .. والشكر موصول للمبدعين مصوري هذا الاحتفال هادي بن فهد الغريري و خالد بن ذيب الرجباني ودامت ايامكم عامرة بالمسرات

 

 

 

 

[معلومات العضو نآصر البدراني]

بيض الله وجه الشيخ عريمان بن محسن الدويخ الدوسري


على هذا الحفل الأكثر من رائع ومميز وفاله التوفيق ،


وبيض الله وجيه أدارتنا على التغطيه والله يقوييهم ..

 

 

 

 

[معلومات العضو راشد المسعري]

حفل رائع وكرنفال شعري مميز أمتعنا فيه نخبة من كبار الشعراء في قبيلة الدواسر وفي الخليج
وأكمل هذا الإحتفال الرائع فوز الشيخ عريمان الدويخ بالمركز الأول في فئة الوضح 40
الف الف مبروك ويستاهل ابو محسن هذا الفوز