خذت بقعا رجال العرف والباقي رجال أعمال

[معلومات العضو راشد المسعري]

من قصائد العَلَم/ ضيدان بن قضعان



على مبدأ الرجال اللي تخيّر في الرجال رجال
بديت ومبتداي بذكر منشيها ومفنيها

بعد ذكره يابن شلحاط ما ارجي في الجزال هزال
وغيرك ما اعترف به لو يسوّيها ويسويها

لو أن المسأله وزن وقوافي ضعت فـ آل و آل
لكن المسأله تبغي مسريها يضويها

تجهز للمساري وأنت مانع والهلال خلال
وعين ماتقدي جعل يعميها مداويها

توكلنا على الله وانته بخليك عال العال
ترى ما كل ليلة برد نسريها ونفديها

نخيتك ياسلالة من تسمى فالرجال أبطال
زحول للدروب الكود تسريها وتنهيها

بني عمي وهم ذخري ليا من صك جالٍ جال
حمو علط الرقاب وساج راعيها مراعيها

نخيتك وانت سيف المنتخي بك وانت خال الخال
تسد النوب عمن قام يدنيها ويخفيها

صديقي يا بن عمي ياقصيري في ضلال أطوال
جبال في ذراها عاش مغليها وشانيها

عليك أزكى سلامي والتحيه يوم صال وجال
على الاوراق من الاقلام مخطيها ومقفيها

هديه للخيال ومجد كسرى في الخيال أطلال
قصورٍ ينتسب رجلٍ نشى فيها لبانيها

يبو محمد عليك أبيح بأسراري بحال وحال
أكن أسرار نفسٍ باح خافيها لماضيها

بعد ما حزني بعض السوالف بين قال وقال
وأنا اللي في زمان الشح يسقيها ويرويها

زعلت وشلت وانا الحمل الثقيل وللثقال اجمال
تشيل حمولها واللي عجز فيها يباريها

يبن شلحاط لو سمو خطا العاقل دلال أطفال
يعيب القوم تاخذ فـ بن أخيها بن أخيها

وأنا ما ني بغصنٍ غره الساقي وطال ومال
ولا أرضى تقول عني الناس حاميها حراميها

أنا اللي قلت عنه يوم قال وطال قال وطال
وأنا اللي مايبيك تقول مافيها وهي فيها

أحن اسمي عن الهرجه وأعرف أن الوصال محال
وأحوف الخوف والملقوف يبغيها ويخطيها

وأشوم عن الطفاش وعادتي ما أقبل عقال الفال
لا فات الفال الأول قلت ما أبغيها لو أبغيها

وأشوف الكنز دونه من كديش أهل الحلال أشكال
خيولٍ ربعت بضلال حاميها وغاديها

كسى ذيك الخيول من الشمال من الشمال جلال
حرير أزرق رهيف رخيص كاسيها ومدفيها

غزى مهنا ولا أدرك ما تمنى والضلال أنزال
علي نذرٍ ويمين الله لأسميها بأساميها

وأنا ما أجهل زلال الما وأعرف أن للزلال حثال
وأحشم العزوة اللي تفتخر فيها عوانيها

سقى الله سبع من عمري معك يوم الرجال عوال
سنينٍ من غلاها صرت تبكيها وأنا أرثيها

وسقى الله قبل أموت وبعد ما أصبح للرجال أنجال
وسقى الله قبل لا أعرف اللي تغليها يحليها

ضوينا وانتهى المسرى ولو جبنا مجال المال
تهب العاصفه ما بين أياديها ورجليها

خذت بقعا رجال العرف والباقي رجال أعمال
هياكل تحت اسامي يامعليها توطيها

وكتبت آخر مقال وقلت يا عل المقال ينال
رضى مانع وكل الناس قاصيها ودانيها

وحطمت القصيد اللي كتبته في جمال بلال
ومديت الأمانه وأحتفظ فيها يا راعيها

صدى صوتي لو أصبح في مفاهيم الثقال هبال
صدى صوتي صدى صوتي يناديها يناديها

 

 

 

 

[معلومات العضو خالد بن محمد]

صح السان ابن قضعان ولاهنت ياراشد على طرح القصيده

 

 

 

 

[معلومات العضو ابو زياد البريكي]

خذت بقعا رجال العرف والباقي رجال أعمال
هياكل تحت اسامي يامعليها توطيها


قصيدة لوحدة هذا البيت

لاهنت يابن مسعر ع النقل وسلمت يمينك

 

 

 

 

[معلومات العضو محمد راشد النتيفات]

صح الساانك والساانه وﻻهنت يابومحسن على النقل

 

 

 

 

[معلومات العضو راشد المسعري]

المشاركة الأصلية كتبت بواسطة خالد بن محمد

صح السان ابن قضعان ولاهنت ياراشد على طرح القصيده

صح بدنك يابو محمد

اسعدني مرورك ،،،

 

 

 

 

[معلومات العضو سالم الخضراني]

صح الله لسان الشاعر ضيدان بن قضعان

ولاهنت يا راشد على النقل الرائع وبيض الله وجهك


تحياتي وتقديري ،،،،،،،،،،،،

 

 

 

 

[معلومات العضو راشد المسعري]

المشاركة الأصلية كتبت بواسطة ابو زياد البريكي

خذت بقعا رجال العرف والباقي رجال أعمال
هياكل تحت اسامي يامعليها توطيها


قصيدة لوحدة هذا البيت

لاهنت يابن مسعر ع النقل وسلمت يمينك

ومن قال مايهون يابو زياد

وشرفني مرورك ياكحيلان

تقبل ودي وتقديري ،،،

 

 

 

 

[معلومات العضو عبدالرحمن بن فلاح آل بريك]

قصيدة رائعة وواقع نعيشه هذه الأيام . شكراً أبو محسن على النقل الطيب .

 

 

 

 

[معلومات العضو ابو حسين الدوسري]

صح السانه والله
وتسلم يمينك يبو محسن
على هذا النقل الموفق
كل الشكر والتقدير