خويي عضيدي !!!

**معلومات** **العضو** · 14-10-2010, 10:46 PM

بسم الله الرحمن الرحيم

السلام عليكم ورحمة الله وبركاته

يسرني أن اضع بين ايديكم هذه الابيات والتي إن شاء الله

تحوز على بعض رضاكم وإعجابكم

يقوووول :

يقول الذي صارع همومه وشاف الشين = ودمع العيون القشر ما عني وعنه
زمانن يسلفنا ولازم نرد الدين = مثل شايبن يضحك وهو طايحن سنه
اوقف مع الاصحاب في عسرها واللين = ولا لي على الاصحاب فضلن ولا منه
ابيها ليا من مت تذكرني الحيين = ترحم علي وجعل مثواي للجنه
انا منهجي واضح ولا اطاوع الغاوين = ولا خاب من يمشي على الهدي والسنه
هذا واجبي واللي ترك واجبه مسكين = ودرب الردى يالعنبو واحدن سنه
معادن ضعاف الرابعه في الظروف تبين = ليا ضاق صدرك واذبحت قلبك الونه
زمانك مثل لوحه وفعل العرب تلوين = وكلن يلونها على ذوقه وفنه
انا اقدم اليمنى لمن هو يمد ايمين = وكلن يعيش بحسب هقواته وظنه
خويي عضيدي منزله تحت رمش العين = ومن لا مني في خوته ما علي منه

وسلامة الجميع

أخوكم /

الشاعر : مسفر بن منيف المصارير

**معلومات** **العضو** · 14-10-2010, 10:53 PM

صح السانك وبارك الله فيك

أخي الشاعر مسفر المصارير..

وفقك الرحمن..

**معلومات** **العضو** · 14-10-2010, 11:34 PM

معادن ضعاف الرابعه في الظروف تبين
ليا ضاق صدرك واذبحت قلبك الونـه
زمانك مثل لوحه وفعل العرب تلويـن
وكلـن يلونهـا علـى ذوقـه وفنـه
انا اقدم اليمنى لمن هـو يمـد ايميـن
وكلن يعيش بحسـب هقواتـه وظنـه
خويي عضيدي منزله تحت رمش العين
ومن لا مني في خوته ما علـي منـه

ابو منيف
صح لسانك واعتلى شانك
لاهنت على طرح هذه الدرر

تقبل مروري

**معلومات** **العضو** · 15-10-2010, 01:31 AM

صح السانك ابيات جزله

**معلومات** **العضو** · 15-10-2010, 01:47 AM

صح لسالنك يابونايف قصيدة رائعة وشهادتي فيك مجروحة

**معلومات** **العضو** · 15-10-2010, 03:01 PM

اقتباس:المشاركة الأصلية كتبت بواسطة أبونواف الدوسريصح السانك وبارك الله فيك

أخي الشاعر مسفر المصارير..

وفقك الرحمن..

أبو نوااف

صح بدنك وطول الله عمرك

الله يوفقنا جميع

تحياتي

**معلومات** **العضو** · 15-10-2010, 09:07 PM

اخي مسفر بن منيف المصارير صح الله لسانك واعتلا شانك
وبيض الله وجهك على هذه الابيات الرائعه لك تحياتي وتقديري

**معلومات** **العضو** · 15-10-2010, 09:52 PM

صح لسانك واعلتى شانك
وبيض الله وجهك على القصيده الجزله

**معلومات** **العضو** · 16-10-2010, 06:47 AM

زمانـن يسلفنـا ولازم نـرد الـديـن
مثل شايبن يضحك وهو طايحن سنـه

اوقف مع الاصحاب في عسرها واللين
ولا لي على الاصحاب فضلن ولا منـه

اررررحب يامسفر
وصح الله لسااااااانك وانا اخوووك
عزالله قصيدتن وافية من راسن وافي
كلام مثمنه راعيه وفي ذمتي ادري انه محتميه
سلّم الله منطووووقك ياذيبان والجزالة عادة ربوعك يامسفر
وتفخربه ترى ربعه من كان شرواك...
اسعدني مروري
فعسى الله يسعد ايامك ياخوك...

**معلومات** **العضو** · 16-10-2010, 08:03 AM

صح الله السسسسسسسسسانك

يابووووووو منييييييييف

قصيده جزله بيض الله وجهك على كل حال

اعجبتني من اول حرف الى اخر حرف جعل عمرك طويل

لاهنت يالذيب

**معلومات** **العضو** · 16-10-2010, 12:06 PM

ابو منيف

كتبت فاابدعت وتميزت
قصيدة من الوزن الثقيل يالمبدع
صح لسانك صح لسانك صح لسانك

**معلومات** **العضو** · 16-10-2010, 02:51 PM

الله الله عليك يابونايف

صح الله لسانك مدد بليا عدد

كتبت فأبدعت

بيض الله وجهك ولاهنت على هذه الدره

**معلومات** **العضو** · 18-10-2010, 03:55 PM

اقتباس:المشاركة الأصلية كتبت بواسطة ابوشافي الدوسريمعادن ضعاف الرابعه في الظروف تبين
ليا ضاق صدرك واذبحت قلبك الونـه
زمانك مثل لوحه وفعل العرب تلويـن
وكلـن يلونهـا علـى ذوقـه وفنـه
انا اقدم اليمنى لمن هـو يمـد ايميـن
وكلن يعيش بحسـب هقواتـه وظنـه
خويي عضيدي منزله تحت رمش العين
ومن لا مني في خوته ما علـي منـه

ابو منيف
صح لسانك واعتلى شانك
لاهنت على طرح هذه الدرر

تقبل مروري

أبو شافي

صح بدنك ولا هنت

مرورك اسعدني والله يبيض وجهك

تحياتي

**معلومات** **العضو** · 18-10-2010, 03:57 PM

اقتباس:المشاركة الأصلية كتبت بواسطة بدر سلطان التماميصح السانك ابيات جزله

بدر

صح بدنك ولا هنت شرفتنا

**معلومات** **العضو** · 18-10-2010, 04:00 PM

اقتباس:المشاركة الأصلية كتبت بواسطة شافي النتيفاتصح لسالنك يابونايف قصيدة رائعة وشهادتي فيك مجروحة

شافي

صح بدنك و لا عليك زود

شرفتني جعلك تحيا

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية