الله ولا وقــت ٍ رمـانـا عـلــى الـسِـيـف

**معلومات** **العضو** · 05-05-2010, 12:34 AM

الله ولا وقــت ٍ رمـانـا عـلــى الـسِـيـف=نــاس ٍ يطـاوعـهـا ونـــاس ٍ غصـبـهـا
عـيّـت لياليـنـا تجـيـنـا عـلــى الـكـيـف=والـنــار شـبــت والضـمـايـر حـطـبـهـا
والحـر قـام الـيـوم يــدرى الخطاطـيـف=يجـفـل مـــن الـصـيـده بـعــد ماقـربـهـا
واهـل النذالـه تنـقـل الـرمـح والسـيـف=تـامـر وتنـهـى الـيـوم مُـقــدم عـربـهـا
دنيـا ً تصرفنـا علـى الكـيـف تصـريـف=تـمـشـي ليـالـيـهـا وبــايــن غـضـبـهـا
فيها مطـر وبـروق وايضـى عواصيـف=ولا يـنـعـرف حـديـدهـا مــــن ذهـبـهــا
تكـوي رجـال ٍ تكـرم الـجـار والضـيـف=وتـضـحـك لـنــاس ٍ ماتـفـكـك نشـبـهـا
عـادتـهـا التـفـريـق بـيــن الـمـوالـيـف=وكـم واحـد ٍ شـاف الشقـى مـن سببهـا
يالله يامنـشـيـئ الـمــزون الـمـراديــف=انـــــك تـكـافـيـنـا الــيـــال وعـتـبــهــا
ويالله تـكـفـيـنـا شـــــرور الـمـلاقـيــف=واهـــل النـمـايـم شــتــت الله شـعـبـهـا
ونعيش في وسط المدن او على الريف=نـبــى الـحـيـاة وودنـــا فـــي طـربـهــا
الـلـي كتـبـتـه صـــح مـافـيـه تـزيـيـف=وكــل ً عـلـى كـيـفـه بيـقـطـف عنـبـهـا