فينا الولد ينطح (30) رجال0000 ولا يصد من السيوف السليله !! ( سعد آل بريك )

[معلومات العضو حنيان الدوسري]

[CENTER]

مشاركة من شاعر قدم لقبيلته ولا زال يقدم كل ما من شأنه ان يرفع سمعتها ويعلي هيبتها

فقد سجع بأبياته الشجيه في ليلة حفل الدواسر بالدمام مؤخراً يقول فيها :

في الموقف اللي ينذكر فيه رجال=ما نيب أصد الا أعتزي وأرتكيله
وفي مثل هالموقف أبحضر وفالحال=بحضر ومثل في حضوري قبيله
لني بريكي والبريكي اذا قال=ما تلحقه فيما يقول الفشيله
تدفعني احميياي وجيك بهبال=والي الرابعة ما حما واحليله
يا مرحبا ترحيبة أرجال لرجال=ترحيبة تصفط ولا هي هزيله
ترحيبةٍ تصب مع كل فنجان=وتمدها يمناً كريماً أصيله
للي حضر حفل الدواسر ولا قال=ما نيب متعني على شان ليله
يا ربعي الغالين ونتم لي ضلال=يا وجيه عز ألا وجيهن نبيله
المدح فيكم يقصر شوي لو طال=وكثرالكلام أيسد عنه قليله
لكن مشاعر خافقي تشعل اشعال=والشعر يا ربعي هو أسمى وسيله
وعندي حروف الشعر لا جالها جال=في ذمتي مختار غير الجزيله
أنتم مشاكيل ومناعير وأبطال=وانتم أرجالاً ما تدوس الرذيله
وانتم عماد العز شيبان وعيال=وانتم كثير المدح منتو قليله
وانتم عصابة راس ومطيبه فال=وأنتم دوا طب الكبود العليله
اعقال من امسى وأصبح بلا عقال=حصيل من ضيع زمانه حصيله
وأحدكم اصمل من نحى السيل لا سال=ومن جى بوجه الدوسري عزتيله
وأرداكم الي شال حمله ولا مال=راسي كما ترسي الجبال الثقيله
وأبخلكم الي مدته تبري الحال=ضاري على مدات جودن أمهيله
ما همكم جمع الدنانير والمال=الهم ذكران طيبن ينعنيله
عقال لا والله منتم بعقال=الا مثال العقل واكبر دليله
جهال والله منتم بجهال=الا اليا ثار الفشق كالمخيله
اجبال لا بالله أرسى من جبال=على هبيلن ما درا من قبيله
والذكر الأول كاسبينه بلا جدال=والوقت ذا بالذات حنا عميله
أفعالنا زادت على كل الأفعال=ولا خذينها بغدر وحيله
إلا بضرب أسيوف وحراب وسلال=أو وقفاتن أتسجل بماء الفضيله
شجعان نجد اليا احتمى صالي الجال=فتيل حرب وما تطفى الفتيله
دواسراً ياقف لنا الكل إجلال=قبيلة نرقى الراس والطويله
حنا لحصان الفخر فار وخيال=والمجد والتاريخ حنا صهيله
وحنا بيلرق طيب جيلاً ورا أجيال=واضح كذا للناس ولا يبيله
وحنا نصاب العز في كل الأحوال=ما كل من طاله بيقدر يشيله
وحنا عزوم الجود طلعة ومحوال=جود الفتى فينا له أطيب وسيله
فينا الولد ينطح (30) رجال=ولا يصد من السيوف السليله
شجاعته يمكن تسمونها خبال=خبال طيب لا خبال الفشيله
يروم عزه لو دمه طاش ثم سال=ممات عز ولا حياتن ذليله
خطلان ليدي لزما كل عيال=نضرب بروس أمهندات صقيله
اسهوم موت ألا له أعمام وخوال=والموت نعشق جيته ونعنيله
في روسنا طنخة وتسعين موال=ما بين حربيه وما بين شيله
وفي صدورنا مجلس وبه ضو ودلال=للضيف والعاني وعابر سبيله
وفي قلوبنا طيب كما المزن همال=لا صب غيثه يروي أرضن محيله
وفي عيونا ورثن مورث للجيال=ننهج علىنهجه ونرفض بديله
شوفو شموخ المجد وشلون يختال=في عروقنا يدبك ونسمع عويله
ما ننهزم للفقر والوقت لو طال=وما ننحني الجور السنين الطويله
وما نرضخ الصكات بقعا ولهوال=الا نتحدى ضروفنا المستحيله
الدوسري تميز بفعل وخصال=نادر ويفرق في زمانه وجيله
وهذي فقط نبذه تبين ولا زال=به من مزايا الدوسري الجليله
والمدح فينا يقصر شوي لو طال= وكثر الكلام يسد عنه قليله
والله يبيض وجه من نضم وشال=حفل جمعنا مع وجيه القبيله
لاد الغريري عزوةً ترثة أشبال=منا وفينا كالخليل و خليله

أخوكم : سعد بن فهيد آل بريك الدوسري
رئيس تحرير صحيفة زوايا الشعبية

 

 

 

 

[معلومات العضو ابن ذيب الودعاني]

صح الله لسان الشاعر والاعلامي المعروف سعد بن فهيد ال بريك على هذه القصيدة الهايله وبيض الله وجهك اخوي حنيان على نقلها لنا ويشرفني ان اكون اول من يرد على الموضوع

 

 

 

 

[معلومات العضو بدر بن صقر العجالين]

صح الله لسان شاعرنا سعد آل بريك على القصيده الطيبه...

وبيض الله وجهك يا حنيان على المواضيع المتميزه يالغالي....

تقبل تحياتي

 

 

 

 

[معلومات العضو حنيان الدوسري]

المشاركة الأصلية كتبت بواسطة ابن ذيب الودعاني

صح الله لسان الشاعر والاعلامي المعروف سعد بن فهيد ال بريك على هذه القصيدة الهايله وبيض الله وجهك اخوي حنيان على نقلها لنا ويشرفني ان اكون اول من يرد على الموضوع

ا

لغالي : ابن ذيب الودعاني

صح بدنك وسلم بنانك الذي عطّـر مشاركتي بهذا التعليق الجميل

وفقك الله

 

 

 

 

[معلومات العضو حنيان الدوسري]

ا

لغالي : بدر العجالين

شكر الله لك تواجدك وتعليقك

وفقك الله

 

 

 

 

[معلومات العضو عبدالرحمن الشرافي]

أخوي [COLOR="Red"]حنيان ,,,


الله لا يهينك على نقل هذه القصيدة الجزلة

للشاعر / [COLOR="Black"]سعد ال بريك[/COLOR] ...

وصح الله لسان [COLOR="black"]سعد[/COLOR] وبيض الله وجهه على مشاركة ابناء عمه




وتقبل فائق التحية والتقدير[/COLOR]

 

 

 

 

[معلومات العضو خالد الخييلي]

والمدح فينا يقصر شوي لـو طـال
وكثـر الكـلام يسـد عنـه قليلـه
والله يبيض وجه من نضـم وشـال
حفـل جمعنـا مـع وجيـه القبيلـه




الله يبيض وجهك يا بو فهيد

كفيت و وفيت ... والغرره يستاهلون

صح الله لسانك مليااار .. سلمت يمينك وعلا شانك


لاهنت يا حنيان الدوسري على النقل

واستمتعت بسماعها .. وقرائتها

تحياتي ...

 

 

 

 

[معلومات العضو يحيى الودعاني]

تسلم يمينك أخوي

حنيان

وبيض الله وجهك على نقل هذ الرائعة

وصح لسان الشاعر الكبير

سعد بن فهيد ال بريك

على هذه الجزلة