قصيدة رثاء في:الشيخ علي بن حمد الصبيح العوسجي البدراني الدوسري أحد أعيان مدينة تمير

[معلومات العضو فهد العوسجي]

((عزاه)) للشاعر: فهد بن إبراهيم المفرج التميمي

عزاه ياقلب شكا الهم عزاه =يصله من حر لوهيب صالي
واللي كتب للعبد لابد يلقاه =تضرب له الدنيا على كل جالي
وأبوحمد رب الخلايق توفاه =والحمد للمولى على كل حالي
ابن صبيح اليوم قفة مطاياه =رحل عن الدنيا كريم السبالي
وأبوك والله يا محمد فقدناه =عندك خبر مايفقد إلا الرجالي
العصر صلينا عليه ودفناه =في وسط قبر يامحمد هيالي
لا و الله إلي كل أبونا بكيناه =والعين ماتبكي على غير غالي
تبكي على اللي حاشت الطيب يمناه=تبكي عليه مسوطرات الدلالي
يعال عين مابكت يوم فرقاه =تفقد نظره مع جميع الحلالي
ما ظنتي لو طول الوقت ننساه =خوي أبوي بماضيات الليالي
الله يغفر له ويدمخ خطاياه =وينجيه من نار وهو خير والي
جعل السحاب اللي بروقه تغشاه =يمطر على قبره حقوق الخيالي
يالله عساه في الجنات الخلد مثواه =يرحمه المولى عزيز الجلالي
والموت حق وكلنا من ضحاياه =سبحانه اللي بسماوات عالي

 

 

 

 

[معلومات العضو أبونواف الدوسري]

الأخ فهد العوسجي

رحم الله الشيخ علي بن حمد الصبيح العوسجي

وصح لسان الشاعر علي هذه القصيده

تقبل تقديري وأحترامي

 

 

 

 

[معلومات العضو العماني]

صح الله لسان الشاعر التميمي ، والله يرحم الشيخ علي بن حمد الصبيح العوسجي ويسكنه فسيح جناته ويتجاوز عنه .

ابن العم العزيز فهد العوسجي

بيض الله وجهك على ايراد القصيدة ، واسمحلي على تنسيقها ، والله لايهينك على كل حال

تقبل تحياتي،،

 

 

 

 

[معلومات العضو بنت صقور]

صح لسان الشاعر.. وسلمت يد ناقلها..