ياعوق يابعض الرجاجيـل ياعـوق....

**معلومات** **العضو** · 07-12-2007, 03:29 PM

قصيدة للشاعـــــــــر سالم بن جخيــــــــــر........اعجبتنــي ونقلتهـــــــــا لكـــــــم

الصبر زين وكل مطـرود ملحـوق =دام النجـوم العالـيـات بسمـاهـا
ياهاجسي برفـوق لاقلـت برفـوق =ماهيـب لحيـة علهـا ياعسـاهـا
ولاهيب لحية وين غيبـت ياشـوق =ولاهيب لحية مت انا مـن غلاهـا
هجس القصيد يتوق صوبي وانا توق =بسـم الله الرحمـن فـي مبتداهـا
رعادها رعـاد وبروقهـا بـروق =لامن حداها الشاعر اللـي حداهـا
كان القصيده بنت عـزٍ وغرنـوق =حلّيبـهـا حلّيـبـهـا لعنـبـاهـا
لاجاتنـي حطيتهـا داخـل المـوق =والله يحييـهـا ويحـيـي نبـاهـا
لها علي حقوق وانـا لـي حقـوق =ولاّ بلاش امـن القصيـد وبلاهـا
مانيب اعدلها علـى كـل طـاروق =اليـن اجنّنهـا وابـيـح خفـاهـا
الفكر شاشة عرض والقلب صندوق =يعني على ماقيـل بيـر وغطاهـا
ياهل الوثايق جاكم العلـم موثـوق =نصيحـةٍ ياخـذ بهـا مـن قراهـا
ترى النصيحه كان في ساحة السوق =معروف بايعها على مـن شراهـا
لو كل روضٍ به خزامى ورقـروق =محدٍ شكـى الدنيـا ودورة رحاهـا
والمنخنق لا قال مانيـب مخنـوق=تشهد عليـه العيـن لاهـل ماهـا
والحر يخدم دام له وكـر وسبـوق =ولا الحديـا عيبهـا فـي حـدهـا
والرجل فعل وطيب موقف ومنطوق =والمفلس اللـي مايحصـل حداهـا
لاتبدي اسرارك على كـل مخلـوق =الناس ماتدري وش اللـي وراهـا
عليك باللـي طلعهـم دايـمً فـوق =اللي عـن الـزلات تكـرم لحاهـا
خلك عسر وارقى على كل شاهوق =وسلم على اللـي لارقاهـا رقاهـا
واحذر تخاوي من تجرد عن الذوق =اللـي بـزلات اللسـان يتبـاهـا
تلقاه بين الكذب والـزور والبـوق =وباقـي علومـه كلهـا ماخزاهـا
ياعوق يابعض الرجاجيـل ياعـوق =اللـي تثـوّر بندقـه فـي اخباهـا

**معلومات** **العضو** · 07-12-2007, 03:38 PM

سلمت يمينك

لاهنت على هذا النقل

تقبلي مروري

**معلومات** **العضو** · 07-12-2007, 04:17 PM

اقتباس:

المشاركة الأصلية كتبت بواسطة مبارك الخييلي

سلمت يمينك

لاهنت على هذا النقل

تقبلي مروري

الله يسلمك لاهنت علي المرور الطيب

**معلومات** **العضو** · 07-12-2007, 04:33 PM


	الزين ....... جزاك الله خير ........ على قصيدة وصح لسان الشاعـــــــــر سالم بن جخيــــــــــر وتقبلي مروري

**معلومات** **العضو** · 07-12-2007, 04:50 PM

لاهنتي يالزين على هذا النقل

الزين

**معلومات** **العضو** · 07-12-2007, 05:21 PM

صح لسان الشاعر وسلمت يد الناقل
مشكورة يالزين على حسن أختيارك
دمتي بحفظ المولى

**معلومات** **العضو** · 07-12-2007, 05:43 PM

لاهنت يالزين على الابيات

تحياتي

ولد ودعان

**معلومات** **العضو** · 07-12-2007, 08:57 PM

اقتباس:

المشاركة الأصلية كتبت بواسطة ريميه


	الزين ....... جزاك الله خير ........ على قصيدة وصح لسان الشاعـــــــــر سالم بن جخيــــــــــر وتقبلي مروري