ادرى مال الكبير الا الكبير

[معلومات العضو حمد ابن فهد]

قصيدة راقت لي وأنا واثق أنها بتروق لكم لانها تحكي واقع الكثير من حولنا ؟؟

قالوا امدح شيخ والا امدح امير
لجل تكسب من مديحه فايده

قلت انا في خير واحوالي بخير
ليه ادوّر شي ماني رايده .؟

ادري ان مال الكبير الا الكبير
الرجال تقاد والا قايده

اكره اثنين : المنافق والحقير
تستقل طيب الرجال الرايده

ان مدحت امدح وانا وجهي سفير
مدحتٍ للحق ماهي سايده

وكانها ماجات من قلب وضمير
مدحتي ذمه بحقه كايده

وش علي ان صاد له طيرٍ يطير
لاهو بطيري ولاني صايده

من خلقن الله احب اكون غير
ما احب اكون حاجه زايده

الفقر ماعذرب اخلاق الفقير
في السنين الحاضره والبايده

في الزمن اشياء تعني لي كثير
التمام الشمل حول المايده

ومنظر البسمه على الطفل الصغير
في نهار العيد يوم تعايده

قلتها وعذري يصير اللي يصير
كلٍ راسٍ يرتخي لوسايده

انتبه وياي للبيتالاخير
اسمعه مني ولاني عايده

تدري وش معناة رجالٍ حقير
من يصاحب رجل لأجل الفايده

 

 

 

 

[معلومات العضو بنت الذيب]

ياكثر هالصنف بين الناس

اخوي حمد

صح لسانك ولسان شاعرها

شكرا لك على طيب اختيارك

ربي لاهانك

 

 

 

 

[معلومات العضو عبدالرحمن بن فلاح آل بريك]

اختيار موفق يا أبو فهد .
لا عدمناك يالقرم ..

 

 

 

 

[معلومات العضو حمد ابن فهد]

المشاركة الأصلية كتبت بواسطة بنت الذيب

ياكثر هالصنف بين الناس

اخوي حمد

صح لسانك ولسان شاعرها

شكرا لك على طيب اختيارك

ربي لاهانك

حياكي الله بنت الذيب وبمرورك العطر

 

 

 

 

[معلومات العضو حمد ابن فهد]

المشاركة الأصلية كتبت بواسطة عبدالرحمن بن فلاح آل بريك

اختيار موفق يا أبو فهد .
لا عدمناك يالقرم ..

مرحبابك ابوفلاح وبمرورك العطر