قصيدة الفساد للشاعر محسن بن طامي السبيعي

[معلومات العضو مشاري السبيعي]

ابتديــت بــطــلـبـة الله خــلاق الـعــبــاد* ** واحداً مـالــه بملكــه وكـيـل ولاشــريـــك


اطلب المــولى يحفـظ القـيــاده والبــلاد *** والوطــن والشعـب بقيادتك يافضل مليك


ياوطن يحفظك ربــي وخيـرك بـأزديــاد *** يمـنـك ربــي وحنـا بعــونــه نحـتـمـيـــك



يا وطن لخلاص لك بالعمل مثل الجهاد *** اللـي مايخدمــك مايستحــق العيــش فيك



يحفظك ربي من اهل الخيانه والفســـاد *** والعـمــل بالمثل واستر علي استر عليك



انتـبه ياللــي تعـرف الحــرام ولنـتـقــاد *** سيـرتك مكشــوفة والبشــر تنظــر إليـك



لاتدس يديك فالماء العكـر لـلا صطيــاد *** يمكناً فالماء العكــر حاجــة تاكــل يديــك



لاتلاعــب بالمصــالــح وتلعــب بالعبـاد *** وينتفـخ ذربك إلى قيــل ليـش الله يهديك



مــاتـنـفــذ شـيــاً الا يحقــق لــك مــراد *** تنتـهي من وضع مشروع والاخر وشيك



تـكـلفه مشـروع واحد تهــز الاقتصــاد *** مـن كثر لصفار يقسم على عشرين شيك



لو نفذ كان المــواطـن تريـح واستفــاد *** وانـت سـو اللي تريده ومكــرك بك يحيك



تعطي المشروع تاجر ولو عبر المـزاد *** ويتـلاعب وانـت ساكـت وكـنـه مشتـريـك



والاوامر تصدر ولا حيــاة لمــن تنـــاد *** مادريـت ان فيـه شييـن احدهـن مـقتـفيـك



كان ماتنهج على نهــج بيضـان الايــاد *** فالـوطـن مـاهـوب يبغيـك وإنـا مـانـبـيــك



من زرع له زرع لابد ينتظر الحصـــاد *** شــل وعيــن يـاوزيــر رحــم الله والــديك



عـيـن رجــال الوفــا والامـانـه والحيــاد *** وابعــد اللـي فيـه شبهـه قبل هــاذي وذيك



اكثر أسباب ً تضيع الجمل فلــت القيـاد *** كـــل شـياً ينـفـلـت يعتـبـر وضعــه دريــك


الشاعر / محسن بن طامي المكحلي السبيعي

 

 

 

 

[معلومات العضو الكاتم]

بيّض. الله وجه الشاعر على هذي النصيحه الوافية
والله يكفينا شر البطانة الفاسده
صح لسانك

 

 

 

 

[معلومات العضو نآصر البدراني]

بيض الله وجهه وصح لسانه مدد بلا عدد


نحن بحاجه لمثل شجاعة وجرأة الشاعر محسن بن طامي السبيعي


الله يصلح أحوالنا وأحوال المسلمين



لاهنت أخوي مشاري السبيعي ..