اذا المـراجـل لبـسـة شـمــاغ وعـقــال=قــــل لـلـعــذارى يـلـبـسـنّ الـعـمـايــم ( منفول)

[معلومات العضو محبكم الدوسري]

اذا المـراجـل لبـسـة شـمــاغ وعـقــال قــــل لـلـعــذارى يـلـبـسـنّ الـعـمـايــم مـا عـاد يـفـرق زول حـرمـه ورجــال دام الفـعـايـل تـشـبـه الـبـعــض دايــــم المرجـلـه مــا هـيــب كـلـمـه وتـنـقـال وتـروح مــا راحــت هـبـوب النسـايـم وإلا خشونـة صـوت أو رفـع الأثـقـال أو رزة صــــدور وفــعــل الــزلايـــم ولا هـي بـعـد مفـتـاح مـوتـر وجــوال وإلا ردى لــســانٍ حـديــثــه شـتــايــم المرجـلـه شيـمـه عــن القـيـل والـقـال رفـيــع نـفــسٍ حـــر بـالـجــو حــايــم المرجـلـه عـقــلٍ وزن وزنـــه جـبــال ودون الـعـقـل وش فـرقـنـا والـبـهـايـم يـا مسنـدي لـو مايـل الوقـت بـي مــال يــا ولــد أبـويـه يــا عـظـيـم الـعـزايـم يـا معـرب الجديـن مـن الـعـم والـخـال يــا نـخـوة المـفـزوع وقـــت الـهـزايـم المرجلـه يـا خـوي هـي طـولـة الـبـال هي العـزم هـي الصبـر وقـت الظلايـم فـيـهـا الـكــرم عـــزه ودلـــه وفـنـجـال فيهـا الكرامـه عـن ردى الطـبـع شـايـم والـديـن لامـنـه خــذا الـقـلـب مـنــزال مـشـى طـريـق الـحـق وابـلـيـس نـايــم ومـن لا عـرف ربـه فـي طيـب الحـال لابـــد وقـــت الـضـيـق بـالـهـم هـايــم حتـى صلاتـك مـع جمـاعـات ورجــال فــي خيـرهـا يــا خــوي نـعـم الغنـايـم ولامـن نصـف ليلـك قـم صـفـي الـبـال يـا عـظـم أجــرك بـيـن سـاجـد وقـايـم ولا مـن رفـع ربـي لـه كــل الأعـمـال حـسـن الـذكـر لا قـالـو فــلان صـايــم وخلـك شريـف القصـد يـا طيـب الفـال ســـوء المـقـاصـد في الـبـيـوت الـهـدايــم واحـذر تبيـع النفـس فــي درب الأنــذال وتـتـبـع خـــوي إبـلـيـس راع النـمـايـم النـفـس خـيـل لـــك إذا كـنــت خـيّــال ومــن لا قــوى نفـسـه قـوتـه الهـزايـم ولا صرت ما تدري لو يش أنت رجال والله خـســارة فــيــك ذبــــح الـتـمـايـم منقول

 

 

 

 

[معلومات العضو سيف2013]

قصيده جميله
مشكور

 

 

 

 

[معلومات العضو انا ابو نايف]

صح الله السانك ياجزل ولاهنت

 

 

 

 

[معلومات العضو حمد ابن فهد]

سلمت وصح لسانك ملايين ابومحمد أنتقاء جزل تقبل تحياتي