|
|||||||
15-05-2013, 01:00 AM
|
#1 | ||||||||
|
قصائــد رثــاء
بسم الله الرحمن الرحيم تحية طيبه للجميع في منتدى قبيلة الدواسر حبيت اطرح لكم قصائد مرثيه للوالد طول الله بعمره بعد ان فقد ( اخ - و ابن ) عمي - و اخي -خلال فتراة متقاربه اسكنهم الله فسيح جناته و موتانا و موتاكم و موتى المسلمين القصيدة الاولى : في عمي رحمة الله عليه يا هجوسي هوني بي ما بقى في الحال شده =كان لش في رحمة المولى نصيبٍ فرحميني كل ما هوجـست زاد الوجـد وجدانٍ تهــده =وجد مظلومٍ قضى له عشرة اعومٍ سـجيني وجـد ورعٍ ميتين امـه وابوه ومات جـده =بقي بين العـم والعمات مهـمومٍ حزيني ما يلام الي شكى من حظه الي قص يده =بعد حـكم الله بفـقـده سيفه الـي ما يلـيني يا وجودي وجد من ضدوا عليه اعداه ضده =يطلبونه دين رمزٍ قبل عشـرات السنيني طاح فيهم صدفةٍ ما عاد جاء للوجه صده =يلتفت عند اليسار ويلتفت عند اليميني ما لقى له درب ثاني فيه منع وفيه نجده =لارفيق ولاصديقٍ ولاوقف عنده عويني والسلاح الي معه ما ينفع المظهود حده =سلم امره للقضاء قدام قهـر المعـتديني ما معه كون خوصةٍ في محزمٍ ما فيع عده =والخصوم الي عدو به بالسلاح مدججيني لا نجاء من الموت لحقته الهزيمه مستبده =طاعنٍ في السن وعياله صغارٍ قاصريني اتوجد من فــراق الـي بدمي عـاش وده =من خلقنا ما وقفنا لحــضةٍ متزاعلــيني لو توجدت الف مره من فراقه ما تسده =ويش ينفعني توجادي على ذرب اليميني بعد حطيته بقبره لا فراش ولا مخده =واللحاف قماش والحوده مغطاةٍ بطيني ولبنةٍ من طين حطوها وساده تحت خده =طيب الله روحه الطيب بمسك وياسميني ادري ان الموت حق والقدر محدٍ يرده =فاحتسبت الصبر عند الي يعين الصابريني القصيدة الثانية : في جدتي ام الوالد بعد ان راء حالها بعد فقد ابنها لا باس ياعـينٍ تزارق ادمــوعها=من غزر دمعتها تطفي اشموعها فـديتها باسمي ودمـي و روحي=عســى يخفف حزنها ما يلوعهــا تعوي عواءً ما بعد سمعته لغيرها=ما هي بعادتها ولا من طبوعها تبــكي ضناها الـي عليها فـقـيده=تاتي العباير غصب ماهو بطوعها كـم عانـته عـاده صغــيرٍ مدلـل=تـرعــاه وتظـمه بحـنوة ظـلوعها والـى دعى تفرح لما قال ماما=تعطـيه لقمتها وتـمسي بجـوعها يا ما دعيت الله وانا في صلاتي=لعـل ميــلات الدهـر ما تـروعها لـكن عياء الله علــى ما يــريده=يقـضي وخلقـه مستحيلٍ مـنوعها و اليوم تبــكي من فراقٍ حقيقي=دنياء العناء محدن نجاء من فزوعها كــم جـمـعة قــومٍ بعـز وكرامة=واقـــوام شتـى كـم تفـرق جمـوعها ياغاليه لاباس صـبرش بصبري=الاقـدار تاتـي مـاعـرفنـا ســنوعها يا ما صبر قلبي على فقد غالي=صابر على شد المصايب ونوعها الصـبر عند النايبـات محــمودي=خيرٍ لنفـس صابره مـن جزوعها لــو مــت لا تبكــيـني ياحيـاتــي=حزنش يحزني وانا تحت قوعها دمعتش لو هي من عيونش قليله=تحصد ثمر كبدي وتحرق زروعها ما دمـت حي حقــش البـر مني=وان مت فالـجنه عسـانا رتـوعها القصيدة الثالثه : في اخوي رحمة الله عليه لا الــــه الا انــت يـا مــعبـود يـارحــمـانـي =انت والي النفس من هول العذاب اعتقها لا الـــه الا انــت وحــدك رب مالــك ثانـــي =اجـلـــها بأمــرك وبيـــدك رزقـهـا تـرزقــــها كــل ما حــل البــلاء بالـدار قــو ايمـانــي =ونقـها من نـزغت الشيـطان لا يـعشقـــها ما عبـدناء الا انـت لا مـا نعــبد الاوثـانـــي =النـفـوس مسخـراتٍ في رضــاء خالقـــها والحـــياه دروس والدنيـاء لهـا مــيزانــــي =في البحــور البارجات الراسيــه تغـرقـــها كـل يوم ٍفـــوق دارٍ تنـشـي الأمــزانـــــي =وافـجعــتني بارقـتــها في سـناء بارقــــها يا حياتــي صبـريني واصبـري ما جـانـــي =يكفـي النفس الحـزين بكاش زاد ارهقــها اصبــري صبــرش بصـبر محـمد الشنانـي=اسقتــه دنياه مــر وقال ميـــدي ذقـــها شربةٍ ما سـلم منها قاصي ولا دانـــي =تجـــمع الأحــباب في لحظـات وتفــرقــها واعذريني لي بكيت الي بكـاش ابكانـــي =الدمـوع الفايضــه مابقــي غيــر ازرقــــها الله اكبـــر يالـزمـان النحـــس يا زمـانـــي =لــي سليـنا يـوم ناره تـوناء يشعـــقــــها ولعت باقصـاء ضمـيري واحرقت بسـتاني =لو يولـــع نارهـا فــي حـــارةٍ احـــرقـــــها يرسل الحـارس عليـنا يطــرق البيــباني =يفـتــح البيـبان لـو اصـــحابهـا تغلـقـــــها والخيول الدهـم والـفرســـان بالميدانـي =الهجـين تدوسـها والشــارده تلحقــــها فـي دقــيقه واحـده واقـل مـن ثوانــــي =راحت لمخـلوق عام بثــانيه تمـحقـــــها تو جيـشه قل عـزمـي وانهزم سلطـاني =عقب ماكان الطموحي بالسماء اعلقـها لو بغيت ارتاح واكتـم عبــرتي واحـزانـي =كل كلـمه من لسانـي دمعتـي تسبقها بعد لوعنـــي فــراق ابنـي واعز اخوانـــي =مابقـى لي في الحـياة اهداف بحققــها ساعدي الأيمن ودرعي من خطر عدواني =ودي ان المــوت جانـي قبـل ما افارقــها يا حسـايف ياحسـايف رمـيـةٍ بلــسانــي =ماحسبت حساب عقباها قبل ما اطلقها القـدر مكتــوب للمــخلوق ما يخـفانـــي =كـل نفـس للمـصير يسـوقها سـايقــــها كان لي ظـنٍ كبيـرٍ في بعض صــدقانـي =والشــدايد علمـتني كـيــف بصـــادقــها اقرب الصــدقان لا جــاني ولا واسانـــي =ما حسـب واجــب صـداقـتنا ولا لايقــها احسب انه لويطـول الوقـت ما ينسانـي =لو تـزول الشمس ما تطلع مع مشرقها لو تعــذر من ظروفــه قلـت له لا هانـي =مـن المـطـاليق اقبل الاعـــذار وامرقــها يارب اجبر كسر قلوبنا على فراقهم ولا تجعل اخر عهدنا بهم في الدنياء وابن لنا ولهم بيوت في جنات الفردوس واكرمهم واكرمنا بلذة النظر لوجهك الكريم وبلغهم وبلغنا شفاعة نبينا محمد و موتانا و موتى المسلمين وصل اللهم وسلم على نبيناء محمد صلى الله عليه و سلم
|
||||||||
|
|
|
|
15-05-2013, 11:37 PM
|
#2 | ||||
|
رد: قصائــد رثــاء
نسأل الله الرحمة والمغفرة
لموتاكم وموتى المسلمين طرح رائع ومؤثر صح لسان الوالد ومشكور على النقل اخي علي
|
||||
|
|
|
|
16-05-2013, 01:01 AM
|
#3 | ||||||||
|
رد: قصائــد رثــاء
اقتباس: المشاركة الأصلية كتبت بواسطة محبكم الدوسري  نسأل الله الرحمة والمغفرة لموتاكم وموتى المسلمين طرح رائع ومؤثر صح لسان الوالد ومشكور على النقل اخي علي اللهم امين
شاكر لك التعليق و جزاك الله خير
|
||||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 08:13 AM
