مراسلة بين سالم بن سحيم المسعري وظافر بن شيبان اليامي

[معلومات العضو راشد المسعري]

السلام عليكم ورحمة الله وبركاته:-

أخواني أعضاء وزوار موقع قبيلة الدواسر الرسمي يسرني أن أنقل لكم هذه المراسلة التي جرت بين الشاعرين سالم بن سحيم المسعري والشاعر ظافر بن حمد بن شيببان اليامي حيث كان الباديء هو ابن العم سالم بن سحيم ويقول:-

ياراكب اللي كن بنصه ليا لمس = خطوا الرعد في مدلهم الخيالي
صناعة امريكان وموردٍ جمس = منوة غريبٍ مبعدته الليالي
يمشي من الوادي عقب غيبة الشمس = وقبل العشا ملفاه ذيب العيالي
يلفي لابن شيبان لامن الحبل مس = شيال حمل اللي حموله ثقالي
يبديك بالترحيب من قبل تجلس = وفي مجلسه تلقا مصايب رجالي
تلقا ولد شيخ فعوله تنومس = ومبينٍ بيته كريم السبالي
قلّه من ابن سحيم جيتك على الجمس= ومروّحٍ يمك جزيل المقالي
ويقولك ياخوك انا خاطري عمس = أسباب وقتٍ صار فيه اختلالي
أشوف انا سرحان خايف من البس = من عقب ماهو مسكنه بالعوالي
واشوف انا الأنذال قامت تلبس = ثوب المراجل عقب لبس الشيالي
تشرب من الصافي عقب مارد الرس = وقامت تقدر عقب كثر الريالي
وقتٍ تغير يالشلي صايرٍ شرس = وقامت تسيطر به عفون الرجالي
واشوف حتى اليوم ماهوب مثل امس= وقامت تقلّب عقب ماهي عدالي
ارسلت لك تعبير من خاطري بس = وابغا حلولٍ من خويٍ صفالي
وصلاة ربي عد ماتطلع الشمس = على النبي واعداد حب الرمالي

وهذا رد ظافر بن حمد بن شيبان آل فهاد:-

يامرحبا ترحيبةٍ تفتح النفس = يامرحبا ترحيب غالي بغالي
يامرحبا بالجمس واللي على الجمس = حي الرسالة والذي جابها لي
رسالةٍ موضوعها ابين من الشمس = العلم واضح والمعاني جزالي
تعبير شاعر ماعفس وزنها عفس = لاعدو الشعار فهو المثالي
سالم صبي الجود في الموقف النحس = من روس قومٍ يحتمون التوالي
من روس قومٍ تاخذ العشر في الخمس = العلم واضح والحقيقة تقالي
سالم يقول إن خاطري ضايق وعمس = والوقت سبة ضيقتي وانفعالي
قلت انتظر وتجيك الاخبار في الفكس = وعسى الجواب ملايمٍ للسؤالي
الوقت يابن سحيم ممشاه بالعكس = الله يعدل ميل عوج الليالي
وقتٍ يهدد راعي الطيب بالحبس = واللاش في ذالوقت ياهملالي
اتقول ذا فارس مضارب بني عبس = ولا تقول الزير ولا الهلالي
اللاش نجس وكل مايملكه نجس = اللاش لا يذري ولاله ظلالي
اضرب على رفقة ضعيف الجدا بإكس = ورافق رجال الطيب ولا تمالي
لابد للغراس يقطف جنا الغرس = المر يثمر مر والحلو حالي

 

 

 

 

[معلومات العضو ابو فهد الغييثي]

صـــح الــســان الــشـــعــــار

ســالـــم الـــمـــســعـــــري

ظــــــافــــر الـــيـــامـــــــي

ولاهنت ياراشد على طرحها

ويعطيك العافيه على كل حال

تحياااااااااااااااااااااااااتي

 

 

 

 

[معلومات العضو أبونواف الدوسري]

بارك الله فيك أخي أبو عبدالمحسن على هذه القصايد..

وصح السان الشاعرين :

الشاعرين سالم بن سحيم المسعري والشاعر ظافر بن حمد اليامي ..

وفقك الله ورحم والديك...

 

 

 

 

[معلومات العضو راشد المسعري]

المشاركة الأصلية كتبت بواسطة ابو فهد الغييثي

صـــح الــســان الــشـــعــــار

ســالـــم الـــمـــســعـــــري

ظــــــافــــر الـــيـــامـــــــي

ولاهنت ياراشد على طرحها

ويعطيك العافيه على كل حال

تحياااااااااااااااااااااااااتي

ابو فهد الغييثي ارحب يالقرم ودايماً حاضر يالذيب صح بدنك وبيض الله وجهك على المرور تقبل ودي وتقديري ،،،

 

 

 

 

[معلومات العضو راشد المسعري]

المشاركة الأصلية كتبت بواسطة أبونواف الدوسري

بارك الله فيك أخي أبو عبدالمحسن على هذه القصايد..

وصح السان الشاعرين :

الشاعرين سالم بن سحيم المسعري والشاعر ظافر بن حمد اليامي ..

وفقك الله ورحم والديك...

ابو نواف هلا والله وغلا يامرحبا بالحكيم صح يدنك طال عمرك على طاعة وماسويت إلا أقل من الواجب تجاه الشعر في هذا المنتدى تقبل ودي وتقديري ،،،،

 

 

 

 

[معلومات العضو نايف الخييلي]

الله الله الله

ياسلام ياراشد على هذه المساجله الاكثر من رائعه والتي أستمتعتنا بقرائتها , وصح لسان سالم بن سحيم الضباعين وصح لسان ظافر ال فهاد , ولاهنت يالنشمي على إتحافنا بهذه الممتعه الجزله , تقبل تحياتي

 

 

 

 

[معلومات العضو الزين]

واشوف انا الأنذال قامت تلبس = ثوب المراجل عقب لبس الشيالي
تشرب من الصافي عقب مارد الرس = وقامت تقدر عقب كثر الريالي
وقتٍ تغير يالشلي صايرٍ شرس = وقامت تسيطر به عفون الرجالي

اللاش نجس وكل مايملكه نجس = اللاش لا يذري ولاله ظلالي
اضرب على رفقة ضعيف الجدا بإكس = ورافق رجال الطيب ولا تمالي
لابد للغراس يقطف جنا الغرس = المر يثمر مر والحلو حالي

لاهنت علي النقل الطيب وبيض الله وجهك

وصح لسان المسعري واليامـي

 

 

 

 

[معلومات العضو ابن محمد الودعاني]

امتعتنا بالقصيدتين ياذيبان

وصح الله السان الشاعرين

وعساك عالقوة في طرحك المميز

وجعل الله التوفيق حليفك

 

 

 

 

[معلومات العضو راشد المسعري]

المشاركة الأصلية كتبت بواسطة نايف الخييلي

الله الله الله

ياسلام ياراشد على هذه المساجله الاكثر من رائعه والتي أستمتعتنا بقرائتها , وصح لسان سالم بن سحيم الضباعين وصح لسان ظافر ال فهاد , ولاهنت يالنشمي على إتحافنا بهذه الممتعه الجزله , تقبل تحياتي

ارحب يابو فهاد

صح بدنك ياطويل العمر والله لا يهينك على المرور الكريم

تقبل ودي وتقديري ،،،

 

 

 

 

[معلومات العضو راشد المسعري]

المشاركة الأصلية كتبت بواسطة الزين

واشوف انا الأنذال قامت تلبس = ثوب المراجل عقب لبس الشيالي
تشرب من الصافي عقب مارد الرس = وقامت تقدر عقب كثر الريالي
وقتٍ تغير يالشلي صايرٍ شرس = وقامت تسيطر به عفون الرجالي

اللاش نجس وكل مايملكه نجس = اللاش لا يذري ولاله ظلالي
اضرب على رفقة ضعيف الجدا بإكس = ورافق رجال الطيب ولا تمالي
لابد للغراس يقطف جنا الغرس = المر يثمر مر والحلو حالي

لاهنت علي النقل الطيب وبيض الله وجهك

وصح لسان المسعري واليامـي

الزين

هلا والله وأشكرك على المرور الكريم والإقتباس الجميل

لاهنتي ولك التقدير ،،،

 

 

 

 

[معلومات العضو شافي القويسي المخاريم]

مساجله رائعه من شاعرين مبدعين
صحت السنتهم و يعطيك العافيه
على الطرح الجميل يا ابو محسن
تحيااااااتي

 

 

 

 

[معلومات العضو دانة الهند]

 

 

 

 

[معلومات العضو العماني]

صح الله لسان الشاعر سالم بن سحيم المسعري والشاعر ظافر بن شيبان الفهادي اليامي

مساجله جميلة ، ولاهنت يابومحسن على ايرادها

تقبل تحياتي،،

 

 

 

 

[معلومات العضو محمد الولامين]

صح لسان الشعار على القصايد الرائعه

ولا هنت يابومحسن على ماقدمت وبيض الله وجهك