تقضََى لعنبوا جد الغلا ما تنفع الذيرة

[معلومات العضو الهاج ـري]

(اهداء خاص)

ألا يا قلب لا تشــره عليه ولي متى غيره
يغيب برآحتـــه خلّه يروح بعـــالم النسيان

كفــاك تـدور أعــذآر لغيابه فضها سيره
تماديت بغلاه ومن تمآدى بالغلا خسرآن

أبـد مافيــه بالـدنيــا بشـر يستاهلك غيره
يغيب ولارجع ماكنّك ألا العاشق الولهان

أنا ما أقول لا مااقول منت بشـايفً خيره
وأنا ماني بقـايل صاحبك وآفي ولاخـوآن

يقولون القمـر لاغـآب يضـوي له على ديره
وأنااقول الحبيب أن غاب يضوي له على خلان
أجل شـأسباب هالغيبه وابي شأسباب تأخيره
وأبي ليــه الجفـا يا قلب وأنت بغيبته حيران

شهر وأكثر ولاطــرش عن غيابه معاذيره
ياليتــه لو تعـذر بالظروف ولايمه غلطان

تعبت ولا طـرآ له يتصــل قل علها خيره
وش أنت متعبً حالك مع وآحد قليل أحسان

يجــي ميت ولـه لامن شكا وقته وتعزيره
وإذا قفــآ على وجهه حبيبك ناقـة عريمان

أقـول أنه مـوآلـف له بشــر خلاك تقزيره
وأقول انك على هامش حياته ما بقى لك شان

مـع الي ماله سبـوق أتركه شفّ وآحدً غيره
وأنا شـوري عليك تلحقه في سبعة الشيطان

ذبحــك الطيب يا قلبً تعــذب من مقــاديره
يا عنك أنك خفــوقً ماتعـــرف النــــكرآن

تقضََــى لعنبـــوا جد الغلا ما تنفــع الذيره
ترى من لاتقاضى ياخفوقي هالزمن ينهان
حبيبً ماصفـى لك طعّ شوري بدلّ بغيره
وأنا شــوري عليك تلحقه بسبعة الشيطان


بالصوت والفيديو





اتمنى تحوز للجميع

 

 

 

 

[معلومات العضو محمد بن حمد الشكرة]

الله يعطيك العافية ياالهاجري على هذه القصيدة وصح الله لسان الشاعر/حمد السعيد على القصيدة الجزلة

تحياتي لك

 

 

 

 

[معلومات العضو ناصر بن فهد]

مشكور على الاهداااء



رااائع المقطع



ولاهنت يا الهاجري




*


*


آحـــترامي

 

 

 

 

[معلومات العضو الهاج ـري]

مشكورين على مرور


لاهنتم..

 

 

 

 

[معلومات العضو ابو عمر الشمري]

لاهنت يا الهاجري حتى في اختيارك مبدع ,, حمد السعيد اعتبره شاعر من نوع السهل الممتنع

 

 

 

 

[معلومات العضو الهاج ـري]

تسلم على مرورك

ولاهنت على مرورك الرائع