(الخيااااااااااااانه)

[معلومات العضو الشقرديه]

مهما قلنا من عبارات في الخاين لن نوفيه حقه
ولن تستطيع وصف روحه وقلبه الاسود

اليكم هذه الابيات

لا ردك الله لا ولا اطلب تردين
أدعي عليك بعثرة في صلاتي

عثرة تشلك مابعدها تقومين
يا قاتلتني يوم صرتي حياتي

خدان لك بالقلب كانت بساتين
وريضان وغصون بها يانعاتي

كنتي مناة القلب والروح والعين
واليوم عينك يا علـها ماتباتـي

كنت احسبك للعهد والحب توفين
قلتي الغدر بالحب ماهي سواتي

وحلفتي يمين الله مامنك اثنتين
وانك مـــلاك دون كل البناتي

وانك على عهد المودة تسيرين
ولا تسمعين اهل الحسد والوشاتي

وصار اليمين استار خلفه توارين
ورماح غدرك بالخفا مشرعاتي

وبان الغدر سم جرى بالشرايين
الله عسى يسقيك سم الفعاتي

كلي سقيتك حب واليوم تنسين
تقولين حلم ايام واليوم فاتي

خذتي الهوىلعبة على ماتحبين
لين عصفت بالهوى عاصفاتي

من زينك يابنت بالشعر تزيين؟
من صورك بابياته الطايلاتي؟

انا من غرامي قلت كانك تذكرين
قلت الخجل صاب البدر من مناتي

وصرتي بشعري في العذارى تباهين
تقوليت انا شمس العصر في حلاتي

زينتك شعري ولا غربك الزين
مازانتك صبغات حمر الشفاتي

صورتك بالشعر حزام ورياحين
واثرك هضاب وشوك مابه هداتي

رسمتك سحابه خير قطر تنفين
فزت لك الصحراء زهور ونباتي

رسمتك مهاة للجميلة تقودين
واثرك قطيعة وضيعتها الرعاتي

واثرك غراب يوم سدل الجناحين
كنت احسب اني شايف لي قطاتي

بالشعر غليتك على كل غاليين
واثرك دنية وتعشقين الدناتي

وبالشعر عاتبتك عتاب المحبين
انا من يسوم الروح لك ياغناتي

توسلت لك خايف على حب عامين
عامين لكن في حسابي مئاتي

ناديت لكن لي ابد ماتسمعين
عمري وروحي فكري في ثباتي

حذراك للشينات عمري تماشين
عديمات اصل اخلاقهن دانياتي

غاب الولي عنهن ولعبن بحبلين
ياخس واليهن وخس الولاتي

ماهمهن في الناس زين ولاشين
وقلوبهن من حقدهن مظلماتي

وقلتي وربك لو يكوناً ملايين
ماغيرن بطباعهن من سماتي

تحسبين انك بالمهافة ترقين
كيف الصعود يكون للهاوياتي

وخنتي وبعتي كل عهد وايامين
ماعاد يفرق بين ماضي واتي

وصرتي مثل غيرك برخص تبيعين
يا مرخصتني ما بقى لك غلاتي

صبري نفذ واليوم ثارة براكين
مظلوم انا وباكر تحل دعواتي

سمعي عسى من بعدها ماتسمعين
سمعي دعاء من صار قلبه حصاتي

ادعي عسى من ناضرك ماتشوفين
وتطحن بك الايام طحن الرحاتي

وعساك عوق منه ماعاد تبرين
عوق تشافق له قلوب العداتي

ويالله عسى يحتار فيك المداوين
تبين الممات ولا يجيك المماتي

ويالله عسى كف الندامة تعضين
تندمين يوم انه يفوت الفواتي

وتبكين دم يسيل من مقلة العين
وتحتار امك عن عناكوتحاتي

عسى ماتلاقي من له القلب هدين
وان هو حصل ادعي عساك الشتاتي

يا بلوة الي وسط بيته تعيشين
ساهي وحولة شب جمر الغضاتي

عسى بعمرك ساعة ماتهنين
وتمضي حيات بين هم وشقاتي

يابنت قلبي وين مثلة تلاقين
قلب عطاك الحب ماقال هاتي

جيتك وروحي شلتها لك بكفين
وفي التالية رمح الخيانة جزاتي

يالله عساك النار يا أم وجهين
كله انكشف لا ماتفيد العباتي

ويالله عسى تلبسك جن وشياطين
وتكونين مدعاة الحكي والشماتي

ياحية رقطى تقود الثعابين
باكر تحن ايامك المعتماتي

وباكر على فعلك بمثله تجازين
ظلم المشاعر ماتحكمة قضاتي

بيني وبينك تحكم ايام وسنين
وانا شاهدي قلب من الغدر ماتي

ويادمعة التمساح لا لا تذرفين
العيون رغم دموعها كاذباتي

لا ماعرفتي الحب لا ماتحسين
وغدرك تعدى غدر ذيب الفلاتي

الذيب يعوي قبل يغدر بمسكين
وانتي غدرتي خافقي في سباتي

لوكان غدرك في كفوف الموازين
لكان رجح كل غدر البناتي

انتي السبب سقتي على القلب جرحين
غدر الغرام وموجع الذكرياتي

وانتي السبب واليوم لا لا تلومين
وان جاك باكر شوفي اشلون ياتي

والله لاكتب وافضحك في دواوين
وارقص واغني يوم خبر الوفاتي

وارسم لاهل العشق قلب وسهمين
وقصة خيانة ماروتها الرواتي

ويمين لانشر فوق اسمك عناوين
واشهرك من قاصي اليمن للفراتي

ومن غرب هالدنيا لقاصي الصين
ديوان غدر فيه كل اللغاتي

والبادي اظلم سنة العين بالعين
ولا فذي لا عادتي ولاصفاتي

وياشبه انسانه براس ورجلين
اعوذ بالرحمن منك بصلاتي

اتمنى ان تناااال على رضااااكم

 

 

 

 

[معلومات العضو @الجابر@]

الله يعطيك العافية يالشقردية وصح الله لسان قايلها

 

 

 

 

[معلومات العضو الشقرديه]

المشاركة الأصلية كتبت بواسطة @الجابر@

الله يعطيك العافية يالشقردية وصح الله لسان قايلها

لااااااااااهنت الجاابرعلى تواصلك
الشقرديه

 

 

 

 

[معلومات العضو فيصل بن جزاء]

الله يعطيك العافية يالشقردية وصح الله لسان قايلها

 

 

 

 

[معلومات العضو الشقرديه]

المشاركة الأصلية كتبت بواسطة فيصل بن جزاء

الله يعطيك العافية يالشقردية وصح الله لسان قايلها

اخ فيصل عساااااك تسلم من كل شرعلى مرورك الطيب
تقبل تحيااااات الشقرررديه

 

 

 

 

[معلومات العضو لين]

أعوذ بالله وش هالحقد الله يكفينا شره
مسيكينه هلي قال فيها القصيدة ماخلى شئ شين ماقاله لها
وإذا هي خانته الله بيجازيها
الله يفتح على صدره وينظف قلبه من الحقد عشان يسعد بحياته
تقبلي تحياتي وأحترامي

 

 

 

 

[معلومات العضو الشقرديه]

المشاركة الأصلية كتبت بواسطة لين

أعوذ بالله وش هالحقد الله يكفينا شره
مسيكينه هلي قال فيها القصيدة ماخلى شئ شين ماقاله لها
وإذا هي خانته الله بيجازيها
الله يفتح على صدره وينظف قلبه من الحقد عشان يسعد بحياته
تقبلي تحياتي وأحترامي

الف شكررررررلين على التواصل
الشقرديه

 

 

 

 

[معلومات العضو رماد]

.
.
•

ياترى
هلـ يتحولـ الحب إلا حقد؟

شكـرا لج ع هذا الأختيـار

 

 

 

 

[معلومات العضو الشقرديه]

المشاركة الأصلية كتبت بواسطة رماد

.
.
•

ياترى
هلـ يتحولـ الحب إلا حقد؟

شكـرا لج ع هذا الأختيـار

حياااااك اخ رمااااد احيانا يتحول الحب الى حب انتقام اذا
كان فيه ظلم وانااااانيه وخياااااااانه
الف شكررررررررعلى المرور
الشقرررررديه

 

 

 

 

[معلومات العضو كلاش]

أهب ياهالشاعر ألي دعاه دعاء عجوز !!

طيّب وأنكانها تزوجت وش يطلبها ؟!

سلمتي ودمتي ياشقرديه

 

 

 

 

[معلومات العضو الشقرديه]

المشاركة الأصلية كتبت بواسطة كلاش

أهب ياهالشاعر ألي دعاه دعاء عجوز !!

طيّب وأنكانها تزوجت وش يطلبها ؟!

سلمتي ودمتي ياشقرديه

تسلم اخ كلاااااش على المرور
اخوي فيه فرق بين الزواج والخيااااااانه
الشقرديه

 

 

 

 

[معلومات العضو أبونواف الدوسري]

الله يعطيك العافية أختنا الشقردية وصح الله لسان قايلها

وفقك الله..

 

 

 

 

[معلومات العضو ابن قرنين]

تقبلي تحياتي أخوك ابـــــــــــــن قرنين

 

 

 

 

[معلومات العضو الشقرديه]

المشاركة الأصلية كتبت بواسطة أبونواف الدوسري

الله يعطيك العافية أختنا الشقردية وصح الله لسان قايلها

وفقك الله..

عسااااااااك تسلم من كل شر ابو نواف
الشقرديه

 

 

 

 

[معلومات العضو الشقرديه]

المشاركة الأصلية كتبت بواسطة ابن قرنين

تقبلي تحياتي أخوك ابـــــــــــــن قرنين

لاااااهنت ابن قرنين عساك ساااالم اخوي
الشقرررررررديه