قصـــــــــــــــــيده مـــــــؤثره جدا"

[معلومات العضو شيهانه على كف صقار]

هذي قصيده كنت ابحث عنها من زمان واقدر اقول لكم انها القصيده اللي تخلى القلب يبكي .. هذي هي القصه والقصيده .. كان الشاعر يحب فتاة في دياره ، وماقسم الله بينهم نصيب وتزوجت البنت من واحد ثاني وسافرت وكان الشاعر يحبها حب خيالي وبعد ثمان سنوات كان الشاعر يعمل مدرسا وجاءه نقل اجباري لمنطقه بعيدة و يوم داوم اول يوم في المدرسه وكانت ابتدائي شاف بين الاطفال طفل غريب يحس بشي يجذبه له ، ويوم ابتسم الطفل ناداه المدرس وقال له من انت ولده ؟ قال له انا ولد فلان ، قال له :انت امك فلانه ؟ قال الطفل :ايه سكت المدرس وكتب القصيدة ، ومن بكره عطاها الطفل وقاله عطها امك:- مرت ثمان سنين حل(ن) وترحـال .................... ثمـان مرت كلهـا مدلهمـه قضيتهـا بالشـوق والحـب رحـال ...................بشوق (ن) تحدى كل ياسه وهمـه سألت عنها سنين وشهـور وليـال ....................ولا فيه فج (ن) غير وجهـت يمـه وعقب الثمان اللي تعبها برى الحـال .....................جـاب الزمـان الكارثـه والمطمـه جاني ولدها مبتسـم بيـن الأطفـال ..................ومن بسمته ذكرت أنا بسمـة أمـه شفته وصاحت داخلي كـل الآمـال ...............بصوت (ن) عجزت بكتم الأنفاس ألمّه وركضت له دمعي على الخد همـال .................ومن كثرشوقي قمت بالحيل أضمـه ولحظة حضنته والطفل في يديمال ....................شميت ريحتها علـى أطـراف كمـه وإستلهمت نفسي مقاديـم الأهـوال ....................وتم الضيـاع وأكـدت لـي متمـه ليت الغياب اللي شغل غربتـي طـال ...................ولا دوّر العاشق على حـرق دمـه اليوم بنت الناس فـي بيـت رجـال ..............وحب (ن) على غير الشرف لي مذمه مجبور أعوّد وأشتكي لكـل الأميـال ...............بنفس (ن) حزينه كائبـه مستهمـه برجع غريب (ن) سكته بـر ورمـال ................يموت .. يحيى .. يندفن .. مايهمـه

 

 

 

 

[معلومات العضو الشقرديه]

شفته وصاحت داخلي كـل الآمـال
...............بصوت (ن) عجزت بكتم الأنفاس ألمّه

الله يهدددددديك ياشيهااااانه وش هاالقصيده الي تعور القلب
الله يعينه على قلبه
الف عافيه على نقلك القصيده المحزنه
الشقرديه

 

 

 

 

[معلومات العضو الماسه]

جاني ولدها مبتسـم بيـن الأطفـال
..................ومن بسمته ذكرت أنا بسمـة أمـه
شفته وصاحت داخلي كـل الآمـال
...............بصوت (ن) عجزت بكتم الأنفاس ألمّه

قصيده روووووووعه ومحزنه فى نفس الوقت

تسلم الايادي على النقل المميز

ويعطيك العافيه

تقبلي ودي وتقديري

المــــــــــاسه

 

 

 

 

[معلومات العضو سالم الحراجين]

شيهانه القصه والقصيده كلهم روعه

ومشكورعلى كل الي قدمتيه

انتظر جديدك

سالم الحراجين

 

 

 

 

[معلومات العضو عناد]

ساعة حضنته والطفل في يدي مال _ شميت ريحتها على أطراف كمّه

 

 

 

 

[معلومات العضو ابن حبيان]

الله يكون بعون كل العاااااااااااشقين
وتسلمين يا شيهانه على هذا النقل الطيب
تقبلي مررررروووري
ابن حبيان الغييثي