الصيد قل وعذبتنا المطاريش

[معلومات العضو عبدالله الصخيبري]

الصيـد قـل وعـذ بتنـا المطاريـش = نقبل ونقفي مـن ولعنـا علـى مـاش
نأخذ أشهـور أنفتـش الأرض تفتيـش = نتعب ولا تذكـر لنـا بـرق الأريـاش
اليـوم قــل وقلـلـوه المرابـيـش = قناصة العطلة مـن العـرق لا الطـاش
علـى عماهـا يقنصـون الـدراويِِِِِِِِِِِِِِـش = مامن كلف مقناص شـوزن ورشـاش
مهما لقـوا يرمـون حتـى الخفافيـش = حتى ام سالم جالهـم عندهـا اهـواش
وليا امرحوا يضحى ضحاهـم مخاييـش = يجـي سنـود القايلـه نـوم وافـراش
وشلون نبغـا يكثـر الصيـد ويعيـش = دهـرآ وعوانـه تشيـّب بـالأرمـاش
حتى الديـار اللـي شمعهـا مهاييـش = اليوم بيـدا شوفهـا يوحـش اوحـاش
باق سمـال القشـع مثـل المناقيـش = مع الظما حشه مـع الوقـت حشـاش
اتعومـس اللـي داج فيهـا تنـاويـش = ولا عمـاس الطيـر بالكبـد منـقـاش
ياطير يوم اطلق اسبوقك علـى ويـش = اخـاف تزهـق يالنـداوي وتنـحـاش
إلا ان حصل ياطير سحـب ورشاريـش = قفـاه سيـل يذكـره كــل طــراش
وتتابعـت غـر المـزون المراهـيـش = حقـوق واتلاحـا وداديـن ورشــاش
ورويت بها جـرد السهـال المعاطيـش = والروض تلقى جانبـه غثـوا وقشـاش
ليا جابهـا الله مـن قنوفـن مباهيـش = كـل يجهـز ناويـن لـه بمـطـراش
لومك على اللي ناقلك يا اشقر الريـش = والاخذابـك يـم سنـجـار مغـبـاش
دار هواهـا ينعـش القلـب تنعـيـش = فيها وناسـت خاطـري يـوم ينـداش
دار خلا مـن طـارف البـدو مانيـش = عقب المطر ما دوجـت فيـه الادبـاش
دار طبيعتـهـا دكــاك ونشافـيـش = وحبـان تلقـا لـك براجيـم ودشـاش
باخـذ معـك ياطيـر فيهـا عراميـش = إن كان راسـي ياطويـل البقـا عـاش
ياما حـلا عقـب المـراح المغابيـش = وانا معي عطـب المضاريـب شـواش
افجح قصير السـاق جثـل المناويـش = مستدرج عـار مـن الريـش هـواش
كنـه منقـش بالجنيـهـات تنقـيـش = صدره عريض ورااسه أبيض من الشاش
راكد ما هوب مـن الطيـور المرابيـش = عيبه صدوق الطلع ما هـوب غشـاش
ليا جيت مـع جـواً كـداده مشاويـش = امفـرع يوحـي امهوهـي ودرهـاش
يبيـن فـي وجـه لطلعـه شوابيـش = طلعه اطيـار وتلـه السبـق واهتـاش
ومن الزعـل زاد التحمـاس والطيـش = قام يتعلا فوق واخـر شهـن اخـراش
وحول علـى خـرب براسـة نغاميـش = وطقـه بكـف ينشـر الـدم مـانـاش
والنـار شبوهـا العيـال المداغـيـش = بروض روايح زاهـره ينعـش انعـاش
فـل الحجـاج وطنـش الهـم تطنيـش = وخلك مـع ربعـك سنافـي وبشـاش
وترى السعد لو عارضت لقمت العيـش = سبح القـدم ومرافقـت كـل شوبـاش
اغنـم حيـاك يـا قليـل المناطـيـش = قبل يجيـك المـوت وتلـف بمقمـاش

 

 

 

 

[معلومات العضو صبي الملازيم]

صح لسانك
ولسان الشاعر

 

 

 

 

[معلومات العضو العماني]

صح الله لسان الشاعر القدير محمد بن مبارك الصخابره ، وبيض الله وجهك اخوي عبدالله على نقل القصيدة واختيارها وهذا يدل على ذوقك الرفيع

تقبل تحياتي،،

 

 

 

 

[معلومات العضو عبدالله الصخيبري]

صبي الملازيم صح بدنك وبيض الله وجهك

 

 

 

 

[معلومات العضو ابو زابن المسعري]

الاخ العزيز الغالي

عبدالله الصخيبري

ارحب تراحيب المطر حيه وحي ماجاب

بيض الله وجهك على نقل هذه القصيده الجزله

علـى عماهـا يقنصـون الـدراويِِِِِِِِِِِِِِـش=مامن كلف مقنـاص شـوزن ورشـاش
مهما لقـوا يرمـون حتـى الخفافيـش=حتى ام سالم جالهـم عندهـا اهـواش
وليا امرحوا يضحى ضحاهم مخاييـش=يجـي سنـود القايلـه نـوم وافـراش

صدق في ذمتي بيض الله وجهك ووجهه

صح الله لسان الشاعر محمد بن مبارك الصخابره

 

 

 

 

[معلومات العضو السفاح {المسعري}]

صح لسان الشاعر وسلمت يمنى الناقل والله لايهينه ............


انتقاء مميز وننتظر جديدك يالغالي ......

 

 

 

 

[معلومات العضو قناص الرمله]

الاخ العزيز/ عبدالله الصخيبري سلمه الله

بيض الله وجهك وجعلك تسلم على ايصال هذي القصيده الأكثر من رائعه في ابياتها ومعانيها كيف

لا ؟؟؟ وهي من احدا روائع الشاعر الكبير / محمد ابن مبارك الله يقويه على العز.

بيض الله وجهك .

اخوك ـــــــــــــــــــــــــ قناص الرمله ـــــــــــــــــــــــــــــــــــــــــــ

 

 

 

 

[معلومات العضو عبدالله الصخيبري]

اخي العزيز والغالي صاحب الالفاظ الطيبه والكلام المعسول قناص الرمله مرحبا ومسهلا بك والله يسلمك من كل شر ووجهك ابيض على الزياره والتعليق

 

 

 

 

[معلومات العضو ولد زايد وسيع البنايد]

..

وترى السعد لو عارضت لقمت العيـش / سبح القـدم ومرافقـت كـل شوبـاش
اغنـم حيـاك يـا قليـل المناطـيـش / قبـل يجيـك المـوت وتلـف بمقمـاش

.. الله اكبر ..

قصيدة جزله من شاااعر جزل

صح لسان الصخيبري

وبيض الله وجهك يا كحيلان

لاهنت