تلـه السـواق تلـة مروجـت الحبـوب

[معلومات العضو عبدالله الحافر الغييثي]

قصيدة اعجبتني وتمنيت لو كنت اعرف صاحبها

قلب ياللي جر له ونـة(ن) قبـل الغـروب=واستمرت لين ضاع النفـس مـن طولهـا
والنفس يوم انقطع وقفـت معـه الهبـوب=حالت(ن) ما هللـت لـي ولا هنـوا لهـا
ولعت في قلبـي النـار واشتبـت شبـوب=وقامت الحسـرة تعاقـب علـي اخيولهـا
يوم شفت اللي يابون اهلها صيف الجنـوب=درة(ن) تسلب اقلـوب البشـر واعقولهـا
قربوا جمـس جديـد مخصـص لركـوب=والجيـوب الباقيـه واقـفـه بحمولـهـا
يوم صفوهن تخدرت مـادري قمـت اذوب=وصار في صدري عبيـد تـدق اطبولهـا
وجت تخطا كأنها المهره الصفراء الطروب=امهـا واخواتهـا كلهـن مـن حولـهـا
كـأن خطوتهـا ثقيلـة وممشاهـا هيـوب=او الارض اللـي تحتهـا تشـد ارجولهـا
وقام يؤضي خدها مثـل بـراق النصـوب=تسحب الشيلة ولا اضفت علـى مجدولهـا
السفر جائن عليهـا مـن كبـار الذنـوب=ونظرت يمي وانا كأنـي اوحيـئ قولهـا
واومت بكف(ن) منقش وباطنه امخضـوب=واغفلـت عـن نفسهـا واهلهـا فطنولهـا
وهاوشوها لين راحت تطير ابها الهبـوب=واختلط صوت البكاء مع دنيـن احجولهـا
عزتي عنها وهي بيـن شينيـن الـدروب=جرموها اكبـر جريمـة ولاهـي حولهـا
ونظرولي نظرة الحقـد سـودان القلـوب=لا اتعـذر دونهـا كلمـة(ن) بـا اقولـهـا
وتلـه السـواق تلـة مروجـت الحبـوب=شافـوا الدوريـه وعارفـيـن افعولـهـا
واظلمت دنياي من كل فج وكـل صـوب=كأن الارض ابي انطوى عرضها مع طولها

 

 

 

 

[معلومات العضو فالح بن فهاد]

يابومطر يالله اكفنا شرك انت وذا القصيده اللي تكت انسمي علي والله هملتها من نصفها قمت اعوم هههههههههههه لاهنت يالقرم قصيده تشوبش الراس

 

 

 

 

[معلومات العضو ابو فهد الغييثي]

الله يعطيك العافيه

 

 

 

 

[معلومات العضو ابو زيد الغييثي]

اررررررررررررررررررررحب تراحيب الحيا

قرم القحفان ابيات راائعه وجزله

وذوق رفيع وابيات لها دوي

لله در شاعرها


صح اللسانك واللسانه


أبو زيــد

 

 

 

 

[معلومات العضو عبدالله الحافر الغييثي]

ابوفهاد ابوفهد ابوزيد ارحبوا جميعا" والله لايهينكم والشايب لاعاد يكبرني وانا واحد م عياله

 

 

 

 

[معلومات العضو سالم بن صمهود]

مع اني مانيب اعلق على القصايد الغزليه الا ان الجزل يفرض نفسه على المتذوق
واقول صح الله لسان الشاعر وسلمت يدين الناقل ولكن عندي ملاحضة على البيت اللي
يقول السفرغادن عليها من كبارالذنوب. اقول القصيدة قصيدة شاعر متمكن قد يكون الصواب والله اعلم السفر كنه عليها من كبار الذنوب. مره اخرى اقول شكرا لك يابو مطر

 

 

 

 

[معلومات العضو عبدالله الحافر الغييثي]

هلا ورحب بالشاعر والناقد والمطوع اخوي سالم والله لايهينك ربما ان الخطاء من الناقل او العكس كل الشكر والتقدير لك اخوي الكبير

 

 

 

 

[معلومات العضو زمان]

لاهنت على نقل هذه الرائعه لنا
صح لسانك ولسان شاعرها

 

 

 

 

[معلومات العضو مبارك الخييلي]

صح ألسانك ولسان شاعرها


وجعل يمينك سالمة على النقل


تقبل شكري والتقدير

 

 

 

 

[معلومات العضو عبدالله الحافر الغييثي]

هلا وغلا بكم احبتي والله لايهينكم ويعيني على تقديم مايرقى لذوقكم الرفيع