الفرعنة وخروج الفراعنة

[معلومات العضو عبدالعزيز عبدالرحمن الفوزان]

السلام عليكم ورحمة الله وبركاته ولادة هذا النص فجر الأربعاء 3/4/1429هـ ولولا ضغط بعض المحبين لما أخرجته إذ أنه انطباع شخصي وتأثر ذاتي ووجهة نظر لا تمثل إلا صاحبها ومن يوافقه أتمنى أن يرتقي لذائقتكم وينال استحسانكم

هدّوا ردود الفعل لا تتشنجوا نبغى الهدو=لن الهدو نصف العقل لا تنزعون إلى الهبال
واخو الهدو موفقن راعي حجج مسددو=وآنف الذكر متواتر وسط ساحات الجدال
وأما الهجير دواه نََصُ المصطفى فأبردوا=لكن أقيموها قبل لا ينتهي حد الظلال
صوت العقل إن الفتن قبل الرضاعه توأدو=لن الشرايين بجسدها قابله للاشتعال
بس ما نبيها الجامعة نستنكروا ننددوا=ترك الإجابه أطيب لنا لايعرِّينا السؤال
إلا ازعلوا واستفسروا وفندوا واستأسدوا=وأكدوا ورددوا ما ضاع حقن للرجال
ترى الحمل هد الجمل مير الجمل قال أركدوا=أنا لها وأشهد بأنه هزبرن لقال طال
ياكل ولا تلقى أثر يومن غيره بددوا=فنجاله الصيني تمنظر فيه خال من الحثال
واللي معه من منطلق ما قصروا ويحمدوا=جابوا الثمار اليانعة مقدماتن في سلال
والظاهر أنه قبل نبدأ والهدف محددو=هذي تكاشف حتى للي ما بعد لبس العقال
وازريت لا القى لي خبر بس الأكيد الآكدو=عندك يا ابن منظور ناصل للجبل بعد التلال
ورغم التمدن نحمد الله في أصالتنا بدو=نزهد في قرب الهينة ونموت في صعب المنال
راعي المعسل مايعيب الا على راعي القدو=وصاحب سمو ما ياصله ذووا سعادة أو معال
يا حر طعنات الصديق ولذ طعنات العدو=أعظم شرف موت الشرف فامطروني بالنبال
والفرعنة لاجاء غضب في بيت ابن عمه هدو=إما العقل يا أهل العقل أو مرحبا بك يا الهبال
يا صاحب الناقة مع الأحقاف نعدو لك عدو=هاك استلم بيارق الجمهور يا عم الجزال

أبوعبدالرحمن

 

 

 

 

[معلومات العضو إبن دوسر]

صح لساااااااانك ملايين يابو عبدالرحمن !!
ابدعت فكتبت في شاعرنا الغالي ناصر الفراعنه من كان يستحق البيرق !!
قصيدة نبعت من قلب صافي النوايا , يريد ان يمحي قهره بهذه الجزله !!
صح لسااانك واعتلا شانك مرة اخرى يابو عبدالرحمن ,,
عز الله انك جبتها في الصميم ,, لااا هنت يالقرم ,,

 

 

 

 

[معلومات العضو سالم بن صمهود]

بس ما نبيها الجامعـة نستنكـروا ننـددوا=ترك الإجابه أطيـب لنـا لايعرِّينـا السـؤال


الفوزان صح الله لسانك وسلم الله بنانك . اقول اللي بيشارك بعد ذى المهزله من السعوديين يستاهل اللي يجيه

 

 

 

 

[معلومات العضو @الجابر@]

صح لساااااااانك ملايين يابو عبدالرحمن

 

 

 

 

[معلومات العضو فهدالمحيسن]

الاخ الغالي ابو عبدالرحمن سلمة الله
تحية عطرة
السلام عليك ورحمة الله وبركاته وبعد
صح لسااانك واعتلا شانك مرة اخرى يابو عبدالرحمن ,,
عز الله انك جبتها في الصميم ,, لااا هنت يالقرم ,,
قصيدة تستحق الاشادة وصدق اخونا سالم (( اقول اللي بيشارك بعد ذى المهزله من السعوديين يستاهل اللي يجيه))

نسال الله لك اخي التوفيق والنجاح وان يجعل ماكتبة في ميزان حسناتك يوم القيامه
وتقبل مني وافر التقدير والاحترام

 

 

 

 

[معلومات العضو عبدالرحمن النتيفات]

صح لسااانك واعتلا شانك يابو عبدالرحمن

عز الله انك جبتها في الصميم ,, لااا هنت يالقرم ,,

 

 

 

 

[معلومات العضو يحيى الودعاني]

صح لسانك وبيض الله وجهك

 

 

 

 

[معلومات العضو جلاجل الجلاجل]

لاهنت وصح لسان مليون


يستاهل والله ابو فارس

 

 

 

 

[معلومات العضو العماني]

صح الله لسانك اخوي عبدالعزيز وبيض الله وجهك على هذه القصيدة التي تحدث بلسان الكثير والكثير من محبين وجماهير الشعر وبالفعل ان الشاعر ناصر الفراعنة هو من كان يستحق البيرق ، وبيض الله وجهك مره اخرى على القصيدة الرائعه .

تقبل تحياتي،،

 

 

 

 

[معلومات العضو رائــــــــــد]

ابن فوزان

سلمت وغنمت
وبيض الله وجهك
ويستاهل ناصر كل خير

ودمت بالف خير

 

 

 

 

[معلومات العضو ابو المثنى التركي]

صح لسانك ابو عبدالرحمن

عز الله انك جبتها في الصميم ,, لااا هنت يالقرم

 

 

 

 

[معلومات العضو فراج بن فهد آل تركي]

الشاعر الأديب عبدالعزيز الفوزان

لافض فوك على هذه الفارعة الفارقة

وهي لاتمثل صاحبها فقط بل الملايين المنصفين

تقبل مروري المتواضع

 

 

 

 

[معلومات العضو خالد بن محمد]

صح لساااااااانك ملايين يابو عبدالرحمن