لاحدني وقتي على شئ مابيه,,,اعز نفسي ومنة الناس بتراب

[معلومات العضو حمد ابن فهد]

عزي لقلب صار همه مخاويه
متعلق(ن) .. لاهوب شايب ؟ ولا شاب ؟

لاقادر(ن) يفرح بشيء يسليه
ولا قادر (ن) يلبس على حزنه ثياب

راعي الطموح يموت .. مادرك مناويه
لاخاسر(ن) حلمه .. ولا كاسب اعجاب

لاهو فقد له شي عشان يرثيه
ولا ظفر في شي يحسب له حساب ؟

اقسى عذاب ؟؟ .. يخلي الرجل يبكيه
عذاب .. لكن تتفق فيه الاسباب

لامن عشق حاجه ولاهيب في يديه
لاصابر(ن) منها ... ولا عنها تاب

الحر وافي مايخون براعيه
حتى لو انه .. دون راعيه ينصاب

لاضاعت الهقوه تموت المشاريه
ماكنها الا ( ثلج ) في كفي و ذاب

خطاي .. عطيت الشنب حق يوفيه
الين ماشفت المره ذلت اشناب

حتى ردي الساس يفخر بماضيه
في وقت ؟ .. ساوا الناس مابين الانساب

وش عذر ؟ من صدق كلام يغذيه
لاصار منهو يدعي الصدق ؟ .. كذاب

علمت نفسي درس .. ماني بناسيه
ماقيل لي ولا حفظته من كتاب

لاحدني وقتي على شي مابيه
اعز نفسي ومنة الناس بتراب

الله يرجع كل غالي لغاليه
والله يرد الشمل مابين الاحباب

اللي يبي الفرقا .. عسى الله يهنيه
ماني ورا المقفي مطارد وطلاب

لو كل من قفى بتبع خطاويه
مافارقت عيني مواليف واصحاب!

ياصاحبي .. ماعاد لي شي اداريه
بيني وبينك مابقت كلمة عتاب

اللي يحز بخاطري .. ليه احاتيه
ماهوب يستاهل شقا وحرقة اعصاب

الظن لامن خاب .. لاتقول لي : ليه
وش فايدة ؟ .. تفهيمك الظن لاخاب ؟

كنت احسبك ( بستان ) محدن يجي فيه
واثرك ( محل) ينبنى فوقه اطناب

اموت ضامي .. واحضن ( الهم ) واخفيه
ولا آرد ( الما ) .. لاشربت منه كلاب

لو كل شي بخاطري ,, رحت اسويه
وش عاد ابسوي .. اذا خاطري طاب ؟

ممـــا راق لي

 

 

 

 

[معلومات العضو شوق خالد]

وماراق لك راق لنا ياحمد
دائمآآآ اختياراتك رائعه وجميله وتنتقى الجزل ايها الرائع شكرآ لحرفنة الانتقاء لديك .

 

 

 

 

[معلومات العضو انا ابو نايف]

لاهنت يابوفهد اختيارتك دايم موافقه وصحت ايمينك

 

 

 

 

[معلومات العضو راشد المسعري]

اختيار موفق ياحمد ، صح لسانك وسلمت يالجزل
تقبل ودي وتقديري ،،،

 

 

 

 

[معلومات العضو حمد ابن فهد]

المشاركة الأصلية كتبت بواسطة شوق خالد

وماراق لك راق لنا ياحمد
دائمآآآ اختياراتك رائعه وجميله وتنتقى الجزل ايها الرائع شكرآ لحرفنة الانتقاء لديك .

حياكي الله شوق خالد ومشكورة للمرور العطر

 

 

 

 

[معلومات العضو حمد ابن فهد]

المشاركة الأصلية كتبت بواسطة انا ابو نايف

لاهنت يابوفهد اختيارتك دايم موافقه وصحت ايمينك

ومن قال ماهان تشرفت بمرورك اخوي مرحبابك

 

 

 

 

[معلومات العضو حمد ابن فهد]

المشاركة الأصلية كتبت بواسطة راشد المسعري

اختيار موفق ياحمد ، صح لسانك وسلمت يالجزل
تقبل ودي وتقديري ،،،

مرحبابك وبمرورك ابومحسن لاهنت

 

 

 

 

[معلومات العضو ابن غزه]

صح لسانك وسلمت
تقبل ودي وتقديري

 

 

 

 

[معلومات العضو حمد ابن فهد]

المشاركة الأصلية كتبت بواسطة ابن غزه

صح لسانك وسلمت
تقبل ودي وتقديري

مرحبابك وبمرورك العطر ابن غزة

 

 

 

 

[معلومات العضو ابو حسين الدوسري]

ذائقه مميزه يبو حمد اهنيك على اختياراتك
تسلم يمينك وصح السان شاعرها
كل الود والتقدير

 

 

 

 

[معلومات العضو حمد ابن فهد]

المشاركة الأصلية كتبت بواسطة ابو حسين الدوسري

ذائقه مميزه يبو حمد اهنيك على اختياراتك
تسلم يمينك وصح السان شاعرها
كل الود والتقدير

هلا بك وبمرورك العطر ابوحسين لاهنت

 

 

 

 

[معلومات العضو بنت الذيب]

صح لسان شاعرها وتسلم يد ناقلها

يعطيك العافيه ياابوفهد على روعة اختيارك

شكري وتقديري

 

 

 

 

[معلومات العضو حمد ابن فهد]

المشاركة الأصلية كتبت بواسطة بنت الذيب

صح لسان شاعرها وتسلم يد ناقلها

يعطيك العافيه ياابوفهد على روعة اختيارك

شكري وتقديري

هلا بك وبمرورك العطر يابنت الذيب مشكورة