أبعد صيدك و إغنم خويك ..

[معلومات العضو محمد الخييلات]

السلام عليكم ورحمة الله وبركاته

يا بعد شرب الما على ناشف الريق=نبطي نبل كبودنا والريايا
بيرك يا نابشها عثوها البواويق=ما عاد فيها ما يرو الظمايا
الوقت مقفي والبرايا مشافيق=و كل ٍ على ليلاه شد المطايا
وانا في ليلي قمت اجر الطواريق=وانقض جروح ٍ عثت بالشوايا
و فوقي نجوم تقدح بضي وتويق=كنها على شوفي تهل التحايا
امشي واسج الرجل فوق الشواهيق=سجيتها لين إتلفن الحذايا
صيدي بعيد ولا تجيه التفافيق=و العمر رايح جعله اتلى التلايا
ناشدك يا من توثق القاف توثيق=يا من بنات الفكر قدمك عرايا
قلي وش اللي لا جفوك المخاليق=قسم لك الصفه وشق السرايا
رجل تشوفه لا نصتك العواويق=لا من تبدل جلد شين الحيايا
هذاك من يطفي لهيب المعاليق=هذاك من يروي ظماك وظمايا
رفيقك اللي لا تضايقت بيضيق=من ضيقتك كنه يشل البلايا
زهابنا فاني ولا به توافيق=يا كود ثنتين تسر البرايا
صالح عملك اليا انتشر كالزماليق=و رفقة خوي ٍ ما يحاتي المنايا

وسلامتكم .. اخوكم \ محمد بن سلمان الخييلات

 

 

 

 

[معلومات العضو ولد ودعان]

يا بعد شرب الما على ناشف الريق=نبطـي نبـل كبودنـا والريـايـا
بيرك يا نابشها عثوهـا البواويـق=ما عاد فيهـا مـا يـرو الظمايـا

ارحب ثم ارحب حياااك الله اخوي محمد الخييلات والله لايهينك على هذه القصيده الجزززله ولاتبطي علينا يالقرم

تقبل تقديري واحترامي

ولد ودعان

 

 

 

 

[معلومات العضو محمد الولامين]

الشاعر / محمد بن سلمان الخييلات


صح لسانك ملياار .... وبيض الله وجهك على ماقدمت


تقبل تحياتي

 

 

 

 

[معلومات العضو ابو زابن المسعري]

صح الله السانك وبيض الله وجهك على اتحافنا بهذه الجزله

 

 

 

 

[معلومات العضو نواف الرجباني]

صـــــــح اللسانك

وبيض الله وجهك

قصيده جززله

تقبل مرور ي