ولا يابن راجس من صدق عندنا يسجن!

[معلومات العضو نادر الناهشي]

بسم الله الرحمن الرحيم

اخواني اعضاء منتدى قبيلة الدواسر اجدد لقائي معكم بطرح ثاني قصيدة للشاعر نادر الناهشي الحاقا باالأحداث الماضية والتي مازال شاعرنا يقضي وقته خلف قضبان السجن الى الآن والذي اعطاني كامل الثقة بالدخول بمعرفه وايصال هذه القصيدة لمنتدى العز والشموخ نسأل الله ان يفرج كربة شاعرنا وان يفك ضائقته

الا يانجوم الليل وسط الدجى ودن=خلاصة تجارب كتب بقعا لقاريها
صدوق الكلام ولاحرب شام مايدفن=ولانيب عباد الوجيه بحكاويها
تغير عباد الله على كل شكل وفن=فقير وغني والرابح اللي يقديها
غشاها السواد ولاغشاها البياض ابدن=قصور ذراها مايذري لناصيها
الى صار مافيها المن زارها مسكن=عسى اللي بناها في اول الوقت يفنيها
ترى الوقت لامن جاد لرجالها يدن=حقوق الزمان اللي مع الناس تديها
والانذال لاجاد الولي بالعطا شكن=نسو راعي النعمة وفضله وواليها
ونا ديني الاسلام عند البشر محسن=الى من عطيت الخلق مابغى جوازيها
ولا شك انا ابغى الشرق عندي مثل لندن=ولندن مثل شرق العرب مع بواقيها
ولا يابن راجس عقب وقت مضى بحزن=عصور الصحابة والنبي حي طاريها
ولا يابن راجس من صدق عندنا يسجن=علشان مايمشي على كيف راعيها
زمانن غدى فيه البشر في محن وفتن=عسى الله يجيب انوارها في غداريها
ولا يابن راجس في حلال البيوع غبن=حلال غدى زقوم ياكيف تاليها
لك الله ياوقت حروبه قذا للسن=كلامن رخيص وجامعتنا معانيها
بسحب مشاهيبي واقرب طبول الفن =واجدد مقولة راعي البيت يحميها

 

 

 

 

[معلومات العضو مبارك الخييلي]

نادر الناهشي



بيض الله وجهك



والله يفك عوقه وصح ألسانه


والواضح أبيات معبره طبعاً


الله يحفظك ويحفظه من سوء والجميع



تقبل شكري والتقدير

 

 

 

 

[معلومات العضو ابو فهد الغييثي]

نادر الناهشي



بيض الله وجهك



والله يفك عوقه وصح ألسانه

الله يحفظك ويحفظه من كل سوء والجميع



تقبل شكري والتقدير

 

 

 

 

[معلومات العضو نايف الخييلي]

أخوي الكريم

أسئل الله ان يفك سجن أخونا نادر الناهشي ويطلق قيده ويقر عينه بشوفه اهله


وأتمنى انك توافينا بأخباره حاله خروجه -ان شاء الله - بالقريب العاجل


والله يعافيك على إيراد هذه القصيده

 

 

 

 

[معلومات العضو شافي القويسي المخاريم]

الله يفك عوق نادر و يسهل له



تحياااااااااتي

 

 

 

 

[معلومات العضو الزين]

لاهنت علي النقل الطيب


والله يفك عوقــــــــــه ويرجعه لأهله سالم وقريب ان شاء الله

 

 

 

 

[معلومات العضو فهد الغريري]

صح الله السان الشاعر الكبير نادر الناهشي والله يعلي قدره ويسر امره ويفك حبسه بيض الله وجهك اخي الكريم على نقل القصيده المعبره أسئل الله ان يفك سجن أخونا نادر الناهشي ويطلق قيده ويقر عينه بشوفه اهله اللهم امييييييييييين تقبل تقديري واحترامي

 

 

 

 

[معلومات العضو ماجد المهنا]

الشاعر / نادر الناهشي



بيض الله وجهك



والله يفك اسره واسرى المسلمين وصح ألسانه


أبيات معبره


الله يحفظك ويحفظه من كل سوء والجميع


تحياتي

 

 

 

 

[معلومات العضو خالد الوطيب]

بيض الله وجهك اخونا على نقل القصيده

لاهنت يالشيخ


وأسأل الله الذي لا اله الا هو ان يفك عوقه وعوق المسلمين

اللهم امين

 

 

 

 

[معلومات العضو نادر الناهشي]

نيابة عن الاستاذ نادر اتقدم بجزيل الشكر لكن قام بالرد على الموضوع والمرور عليه
وجزاكم الله خير