مرثية طلال الرشيد + صوتية

[معلومات العضو عمر عبدالمحسن]

جرحـي جدى الأقــدار بشـيـوخ بــرزان
وآخـر أمـل ذكـراي دمـعٍ غـذى الـيـاس

وغبنـي سقـاه الـوجـد حـيـرة وحـرمـان
والـهــم عـيــا يـعـتـق الـقـلـب بـنـعــاس

ألبـوح جـايـر والضـنـى سُــم واحـسـان
والسـلـم مِـشْــرب والمعـامـيـل يـبــاس

والــدار تنـعـى بــاب الازمـــان تـحـنـان
والـراي عــاري والقـهـر بــرد ولـبـاس

أقفـى طــلال وشــف الامـجـاد ضمـيـان
عين الرشيـد وروح شمـر هـل الطـاس

مــا للحـضـور بغيبـتـه ســرج وعـنــان
وما للعزى دربٍ على الراس والسـاس

ومـا للحقيقـة فـي سمـا الظـلـم بـرهـان
غابت وهي مثل القمر شوف واحساس

أضحـى الضميـر ومنبـع العيـب سـيـان
راع الـنـفـاق لـهــدم الايـمــان لــبــاس

ولّـى انـت سيـد يابـو نـواف لــك شــان
وهمـوم قلبـك مطلـب الشـرع والـنـاس

وقـتـك نـفـى مـبـداك والـحــظ مـــا زان
حـسـاد صيـتـك قـصّـر فـعـول وانـجـاس

جـــازوك بالـحـسـنـا تـجـنــي ونــكــران
واشقـاك حقـك والبسـك ثـوب الاتعـاس

يامن رويـت مـن الوفـا وانـت عطشـان
مجنـاك صـلـب الـلـي للامـجـاد نـبـراس

عساك تلقى من رضـى الـرب رضـوان
في ظل ظله عن لظـى الشمـس جـلاس

بـاح الصـديـق ولا سـلـى الــود كتـمـان
واغدى الجـلاده والوفـى دق الاجـراس

يبـقـى الـرجـا نــواف جــرحٍ وسـلــوان
وعبدالعزيـز اليـا انتهـض يقتـل اليـاس

عمر بن عبدالمحسن

 

 

 

 

[معلومات العضو الكاتم]

يامال الجنه يابو نواف
ياصغيّر مايكبرني لقب
صح لسانك ياعمر وانت جزل👍

 

 

 

 

[معلومات العضو راشد المسعري]

صح لسانك ياعمر ، قصيدة جزلة وأبدعت فيها طال عمرك
والله يرحم الأمير الشاعر طلال الرشيد ويبارك في أولاده
تقبل ودي وتقديري ،،،

 

 

 

 

[معلومات العضو موسى ابومشهور]

شاعر شاعر في الف شاعر
وابداع متواصل ورحم الله طلال الرشيد
واسكنه فسيح جناته آمين
تقبل متصفحي هذا اخوك موسى ابومشهور

 

 

 

 

[معلومات العضو عمر عبدالمحسن]

اشكر الجميع على كرم الحضور وجميل الثناء ..