التغطية المصوّرة لزيارة صاحب السمو الملكي الأمير تركي بن طلال بن عبدالعزيز لـ الشيخ ناصر حسن جلمود الشكره

[معلومات العضو الإداره]

الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين إخواننا أعضاء وزوّار الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ فهد بن هادي الغريري عضو مجلس إدارة الموقع الأستاذ راشد بن محسن المسعري صاحب السمو الملكي الامير تركي بن طلال بن عبدالعزيز الشيخ ناصر حسن جلمود الشكره في ليلة ليست كباقي الليالي أجتمع فيها الأقارب وأصحاب المعالي ، ليلة تعارف ولقاء وحب وصفاء وقلوب طاهرةٌ بيضاء ، ليلةٌ جمعت الأحباب والأصحاب وإيماناً من قبل الشيخ ناصر حسن جلمود الشكره بالدور الفعّال والمميز وما يضفيه هذا الإحتفال من جوٍ من التعارف والتآخي والتواصل بين أفراد القبيلة وولاة الامر حيث حل صاحب السمو الملكي الامير تركي بن طلال بن عبدالعزيز على الشيخ ناصر حسن جلمود الشكره و ابنه الاستاذ/ جلمود ناصر حسن الشكره بمنزله وذالك يوم السبت الموافق 6 /7/ 1436 هـ بمنزلهم بقريه الشكره بالرجبه ببرك وكان في استقباله الشيخ / ناصر حسن جلمود وابنائه وجماعته وجمع غفير من قبيله الدواسر وضيوفهم الذين قدمو للسلام على سموه الكريم فقرات الحفل الأعلامي هادي بن مشبب المخاريم إنطلقت فعاليات الحفل المنبري عند وصول صاحب السمو الملكي الامير تركي بن طلال بن عبدالعزيز التي قدمها الأعلامي هادي بن مشبب المخاريم وقد بدأ الحفل بآي من الذكر الحكيم تلاها ناصر حسين الشكره القارئ /ناصر حسين الشكره الشيخ جلمود ناصر الشكره ثم كلمه صاحب الحفل الشيخ ناصر حسن جلمود الشكره / القاها نيابه عنه ابنه الشيخ جلمود ناصر الشكره قال فيها ان زيارتكم ياصاحب السمو شرف عظيم اكرمنا الله بها فهي تاج على رؤسنا ووسام على صدورنا فمرحبا بكم وبصحبكم الكرام الاستاذ حمد حسين الشكره ثم كلمت الاهالي القاها نيابه عنهم الاستاذ حمد حسين الشكره المشرف على مكتب وزير العدل الشيخ / علي الرويغ ثم كلمه توعويه القاها الشيخ / علي الرويغ مدير المعهد العلمي بمحافظه حوطه بني تميم لأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهلها الشاعر محمد جلمود الشكره الشاعر محمد جلمود الشكره الشاعر عبدالله فهد الصخابره ثم ألقى الشاعر عبدالله فهد الصخابره قصيدةً بهذا الحفل :حيث يقول في قصيدته: يااله الكون يالواحد الرب المجيد=يارفيع الشان يالحي يالفرد الصمد انت قيوم السموات تفعل ماتريد=باسط سبع وسبع سماك بلا عمد كل شي غير وجهك على الدنيا يبيد=ربنا اللهم حسانك يالواحد لاحد)) تو مازان التمثال في بدع القصيد=وعانقت غر المراويح دندان الرعد الكلام الجزل والمسك وعيون النشيد=مالها عن موقف العز في ليل السعد مرحبا مليار مضمونها هل من مزيد=بالامير اللي تشرف مواقيفه بلد نادر ذكره وشوفه يساوي يوم عيد=باني صرح المراجل وكل له شهد انت ياتركي توثقت في المجد التليد=هيلع الوقفات وتحل عسرات العقد العطايا ديم غيثٍ وهوماتك بعيد=من مواكير الصواريم صادقت الهدد انت دايم بالموقف لنا درع ورصيد=وحن لكم في موجبات الزمن سد وسند عندنا بيعه وقفه ونارد مانحيد=طبعنا من ماضي الوقت نافي بالعهد ياحفيد مشيد المجد بالسيف الحديد=حازم في نصرة الدين ماياوي لاحد وحد اطراف الجزيره بعزم مايهيد=وزلزل عروش الخرافات واركان الحسد لين صارة درةٍ وصفها شكل فريد=من تطورها هل الشرك ماتو في كمد شوف كيف الحقد يرثع ورا الحد المديد=وارضنا في ضل سلمان ترفو في رغد حاكم بالعدل يوصف بهارون الرشيد=وبصرامه والجساره يمثل بالاسد بالحزم والعزم يضرب بسيف ابن الوليد=تشهد ابلاد الحديده وصنعا والعند ارتكا لابنا العروبه كما الركن الشديد=لين كلٍ في كنف هيبته عاش ورقد علمو بشار لايثخن اجراح الشهيد=عاصفتنا في بلاده لها يوم مرد علموه انا مانبغي التهدد والوعيد=ومانبي من غير رب البشر عون ومدد خيالا العوجا سلايل مطوعة الضديد=والله انك نصرة المشتكي ياخو فهد) وحضرتي قدام الامير في عمري تزيد=وبان ماخفيته وربي على قولي شهد عند قرم وقفتي في مكانه يوم عيد=فاتح قلبه وبيته وكل له قصد يابو ناصر واسمع العلم والراي الاكيد=والله ان في الثوب ياطيبه السيره ولد من هل الرده هل الخيل والراي السديد=لاتعزو مثل سيل تنحا له زبد لاشكر اهل المواقف مطوعةٍ العنيد=راجع التاريخ ياواحد عنهم نشد الشاعر نايف مسرع ثم ألقى الشاعر نايف مسرع قصيدةً بهذا الحفل : البارحه وانا على الميعاد والراس معصوب=وعقـــــــــارب الساعة تثـــــــاقل والعيون تزلها على حراوي الفاتنة والهاجس اللي مايتوب=عن عشق غيداَ كم سهر ليـــــل القصيد إرضاً لها حتى تجي وتلد بعيون العرب من كل صوب=وتلــيق باللي لاحـضــر شقر القرون تفلها ماشاقها إلا سيرة اللي لبس للأمجـــاد ثوب =وحفـــظ له التاريخ سيـــــــرة في بياض سجلها أقولها يامير لا صح الله لســــان الكــذوب =حقـــــايق في صفـــــحــــــة التاريخ جيت أفلها من يوم جدّك في سما العليا ترزم له نصوب=وحقــــــوق ودّانه علــــــــــــى نجـد العذية هلها لملم شتات أطهر ثرى والعز هبت له هبوب =علــى ظهـــور المسرجــــات وبيض هند يسلها إلين حدّد معجزة الاوطان والحــد مهيــوب =بإخــوان نوره والـجمـــــوع اللي تجي في حلها اللّحمه اللي لا مثيل إلها شمـال ولا جنــوب =بين الحكم والشعـــــــــب والأعــداء تموت بغلها لازعزعت حنا هل العوجا تضيق بنا الدروب=الشعــب كله خيلا العوجـــــــــاء والأسمــاء خلها ويـوم أشرقت شمس الحضارة والجهالة للغروب =برز لها كـــل أبـــلـــــج عســــر الحمـــول يشلها ما يرتكي للكــايدة ياكــــود رجال محســـوب =مثلـــك يابو عبــــــــدالعزيز إلى بــرك يشتــــلها سبحتنا في سيرتك وابحرت ما نيب مغصوب =لكن لبــــيــــــب العقــــــــل لا ميز بها يفطن لها عقدين.. صدرك للفكر والعلم ماهوب محجـوب =ويــمنــــاك تسقـــي دوحــته حـتى تــوارف ظلها لله درّك في شمــــوخك سلم ولا فـــي حروب =في السلـــم تبني المعرفة والحرب فيـــك إدواً لها وأكبـــر شهــــادة موقفك يوم إنها شبت شبوب=على ثــرى لــــبــنــــان والـغــازي نوى يحتلــــها قدت القــوافـــل في نهــارٍ ما يصاليه الهيوب =ســل الـيمـــيــن اللــي على الـعلـيــا تـربّـت سلـــها وفي ساحة القدس الشريف ووسط عسرات الخطوب=سمـيـت يا تــركي على دق الخـطــــوب وجـــلـــها سجـــدت لله في ثرى الأقـــصى ولا تخشى الكروب =الله خلقـــــك وهامـتـــك روس الــــعــلا تاصـلـــّها شعارك.. "الموت أمنيــة والذل هو راس العيــــوب" =ياروســـــنــا اللي موتـهـــا خــيــــرٍ لها من ذلــها رفعت روس شعــــوب يا تركي وصفّق لك شعــوب =يامن حـــوى طـــــيــب المناســـب والمفاخـــر كلها طــلال بن عبدالعزيز أبوك والكـــف مخضــــوب=بالطــــــايــلة وإن كثـــــــرت الأمـــداح به يا قلـها ماخاب ظنّـــه فيك يومنـــك عن حضــوره تنـــوب =شيــــــــخٍ غــــذا الحــر النـــداوي لين سبقه تلـّها الله يطـّول عمر ابوك اللي من الخلـــق إمحبــــوب =والــله يبـــيــــــــح أمٍ - غـــذتك بصدرها- ويحلــها رفعــت راس شعوب يا تركي ووقف لك شعــــوب =سـّــل اليـــمين الفيصـــــــــلية لا عدمـــتــك سلـــها الشاعر ثقل حسن الشكره ثم ألقى الشاعر ثقل حسن الشكره قصيدةً بهذا الحفل :حيث يقول في قصيدته: لابدا للشعر لازم وللشاعر حضور=تقلط جزال المعاني وبدع فنونها يصطفق موج القوافي على سبع البحور=وتنتحي هجس المشاعر تجر لحونها مرحباً ياتركي العز ياواف الشبور=عد منهو زار مكه وطاف ركونها مرحبا ترحيبةً من لسان ومن شعور=عد ماهلت صدوق المزون مزونها مرحباً مضمونها البن والعود البخور=ومرحباً ترحيبة قدركم مثمونها مرحباً باسم الدواسر اعم بها الحضور=ومرحبا في مرحبا لجلكم يثنونها في ضيافة راعي الجود والقلب الجسور=نادرً يرهي على الطايله ويصونها ليلة شعشع ضياها وزاد النور نور=في شرف حضرة سموك وانا ممنونها في يمينك مدت الجود واحسان الاجور=وفي شمالك سطوةً ما تخاط طعونها كم رقبةً نزلوها على السيف البتور=وسقت جاهك من وراها ووجهك دونها وكم ضعافاً ضامها الوقت وامضتها الدهور =من ورى القضبان لين انت سقت ديونها انت وجه الخير كله وبالخير مخبور =وانت ريف ام اليتامى ولطفك عونها في مجيك عم برك التهاني والسرور=والفرح فـ صدور اهلها ونون عيونها ياحفيد اللي من الشرق نواها حدور=أبلجً وحد تحت يده شاسع بونها قاد له نمراً تروع مداغيش السبور=واذعنت له روس قومً تسوق ضعونها ألتقى عجلان مع طلة الصبح البكور=واشرقت شمس العداله وشعشع كونها واستتب الامن في نجد وابليس معثور=وآمنت شبه الجزيره يدا مامونها حاكمً زال الجهل والتغطرس والفجور=وانطفت جمرة هل الشرك في غليونها واستقامت في يد العود صعبات الامور=وأبتدت شريعة الدين في قانونها دام عز المملكه دام والبيت معمور=تحت حكم اخوان نوره رست بركونها ونحمد الله بعهد سلمان جا للعرب دور=حاكمً قاد العروبه وعدل شونها فيصليً يلحق الجور مايلحقه جور=هو سعد عين العروبه وهو دندونها أصدر الامر القيادي مع وقت السحور=عاصفة شبه الجزيره بدى مضمونها في ربع ساعه من الوقت لحقهم دبور=واقتضى ديانها من سلف مديونها أذهل العالم بـ قو التسلطن والعبور=وصب صالية القذايف وهم يصلونها السما تمطر غضبها ..واراضيهم تدور=والجبال يزلزل الارض دك حصونها لين جند الفرس راحوامن الجبهه نفور=واينعت ايران والروس جن جنونها يذعن البواق منها ومن لحقه غرور=لين خوان المبادي ما عاد يخونها عادةً لااخوان نوره على مر العصور=جارهم وديارهم دايمً يحمونها سيرة الامجاد تشهد لهم والعلم نور=العرب يقرونها والعجم يوحونها قلتها وانا من اللابه اللي ماتبور=مع ولاة الامر ماقد تغير لونها الشاعر سيف نغيمش الشكره ثم ألقى الشاعر سيف نغيمش الشكره قصيدةً بهذا الحفل :حيث يقول في قصيدته: ابدا بذكر الي فرض خمس الاوقات =علام ماتخفي ضماير عبيده الواحد المعبود رب السماوات =الوالي اللي كل الا قدار بيده من بعد ذكره حان للشعر وقفات =وكتبت من هاجس ضميري قصيده يامرحبا واعداد خط السجلات =واعداد ماخطت حروف الجريده واعداد ماتنشي المزون الغزيرات =باللي حوا كلمة نعم في رصيده اميرنا تركي زبون الونيات=راعى المواقف والصفات الحميده يانسل من هم يحتمون الصعيبات=ال السعود اهل الفعول المجيده تاريخ حافل بالنصر والبطولات=للمسلمين ونصرة للعقيده وان قلت مهما قلت يكفيك بالذات=معزي الامام وانته حفيده ويامرحبا ترحيبة قول واثبات=واكرر الترحيب واثني واعيده بضيوفنا اللي ماتحسب المسافات=اللي قريب الدار واللي بعيده في مجلس اللي ذب روس الطويلات=وحبال طيبه في المراجل جويده جلمود بن ناصر صبي الجمالات=يالله عسى عمره سنين مديده من لاد شكر اهل السيوف الصقيلات=موطية روس الرجال العنيدة اهل الكرم واهل العطايا الجزيلات=من عادها دور السنين الزهيده وختامها التسليم وازكى الصلاوات=على رسول الله وصفوة عبيده الشاعر بدر حسين الشكره ثم ألقى الشاعر بدر حسين الشكره قصيدةً بهذا الحفل :حيث يقول في قصيدته: ياطويل العمر ياسمح الجناب=يالامير اللي رفيع مستواه مرحبا ترحبية فيها انجذاب =للامير اللي زها الاسم وزهاه روسنا شاشت وجو الدار طاب=وبرك شعشع نور واطربنا سناه من وفا جلمود شيبان وشباب=لاد شكر اللي تطيع الها العصاه اشهدن طلال خلف يوم جاب=العديم اللي ينومس من نخاهيا حفيد ابطال نجد اللي تهاب=الزحازيح السلاطين الدهاه شجرة ال سعود قادات الركاب=اسمهم فالمجد واصل منتهاه يكتب التاريخ عن تركي كتاب=ويتعب التاريخ وتعجز الرواه الشهير اللي مخاليبه حراب=ماكره نادر وهداته قساه لافرق فالجو من حد السحاب=ندر الاحرار تنزل للوطاه اكبر مصيبه قدم عينه سراب=واصعب الحاجات ماتنقص عطاه نحمدالله والعلم فوق الهضاب= والنصر حقق على روس الطغاه الذياب اللي عوت يم الذياب =كل ذيب قام يزعجنا عواه انتخا هادي يدور له جواب=يالعرب دار العرب كسرت عصاه وانتهض سلمان حلال الصعاب=يوم جاه العلم طوح بالعباه وجه بسود مثل لون الغراب=والحزم له عاصفه ترهب عداه قال دكو من نوانا بالخراب=ودوسوا اللي خان معروف اصدقاه اشهدن سلمان لامن هد صاب= شب ناره والعرب صفو وراه قايد تحنا لهيبته الرقاب=سيد الاسياد في كل اتجاه وعودت دار اليمن والشر غاب=ومركز الشيطان هدينا بناه ون بغيت العلم ياوجه الصواب=ياجبال طويق قولي للسراه المجوسي ضاع تخطيطه وخاب=شاف مشروعه تغشته الوفاه جيشنا هو سيفنا وانا نصاب=لادعانا دارنا لبي نداه ذي مشاعر من على الواجب حظاب= لو يطول الوقت ماغير ولاه الهدايا ثم اختتم الحفل بهديتين تذكاريتين لسموه الكريم وفي الختام يتقدم طاقم موقع قبيلة الدواسر الرسمي بالشكر الجزيل لصاحب السمو الملكي الامير تركي بن طلال بن عبدالعزيز على هذي الزياره الكريمة والعزيزه على قلوب ابناء قبيلة الدواسر , ونتقدم بخالص الشكر والتقدير لـ الشيخ ناصر حسن جلمود الشكره . (صوت قبيلة الدواسر) موقع قبيلة الدواسر الرسمي www.alduwaser.org/vb

 

 

 

 

[معلومات العضو أبونواف الدوسري]

بارك الله في صاحب السمو الملكي الأمير تركي بن طلال بن عبدالعزيز على هذه الزيارة...

ولاهان الشيخ ناصر بن حسن الشكره على هذه الإحتفاليه...

والله يوفقكم يا إداره على هذه التغطيه الممتازه...

وفقكم الرحمن جميعا...

 

 

 

 

[معلومات العضو نآصر البدراني]

بيض الله وجيه الشيخ ناصر بن حسن جلمود الشكره وابناءه

على فعلهم الطيب ولاهو غريبٍ عليهم جعلهم يسلمون

لاهنتوا يادارتنا