عليّ سرابيل الغنا سربال / ورثتها من زايد الملطوم ’ ماجد المهنا

[معلومات العضو ماجد المهنا]

السلام عليكم ورحمة الله وبركاتة


صباح الخير


نغيب وطيبكم ما يغيب

أشتقنالكم

متواضعه أن شاءالله تجوز ألكم

صلوا على النبي



<< قلعة الآمال >>

هجوس الشّعر كل ليل فـ أسترسال = تمنع عيوني من لذيذ النوم
يطحن رحاها فكري الشغّال = لين المعاني تبلغ الحلقوم
مالي معَ بدع القصيد إشكال = من دينمو الافكار للبلعوم
دايم على ذا الوضع والموّال = للجزل في قضيّتي مرسوم
صوتي يبي له حنجره واحبال = من سلك فولاذ وذهب وكروم
اربْ ناصية الشعر تحتال = فرايدن من دري المنظوم
اصعب على النقّاد والحبّال = من ساعته في يومه المحتوم
كم واحدن حدّر عليّ ومال = وأقفى عليه من الزمان ثلوم
كفي شطير وصكتي سلال = واسمي قلق واطلالتي جاثوم
طبعي كذا ماجامل الجهّال = من دون عمري مالحقني لوم
فـ انا عدو الذلّ والانذال = وانا رفيق الكايد الشغموم
ذكري معَ الوافين طيّب فال = والله مجنبني عن المذموم
لو ان جيبي مايضمّ ريال = ماجيت مستعطي ولا محروم
عليّ سرابيل الغنا سربال = ورثتها من ( زايد الملطوم )
وإلى قصرني شيء بأية حال = ماكامل الا الواحد القيوم
للصبر في عيني شُعب واشكال = واجلّها صبري على المقسوم
ماكل شيءٍ فالضمير يقال = بعض الامور تشيّب المفطوم
خج الضلوع الطاري القتّال = خلا تحت عيني أثر ووسوم
ما وقّفتْ رجلي على الأطلال = حتى عصاني قلبي المكلوم
من كثر مادمعي يشبْ وسال = ماعاد عندي ثوب فيه اكموم
خلقت اجاهد راحل ونزّال = من وين ماوجهه لقيت هموم
أحسّ بالتهميش والأهمال = ماكن لي ديرة وربعي قوم
قد لي سبوعين وثلاث ليال = كل يوم وانا اقول هذا اليوم
بآسج وابني قلعة الآمال = واعيّن اطيور الضياع تحوم
لا حول صدق ومطولك يا بال = وَ حوم كبدي من سنيني حوم
واعدت لي عشرة وانا جمّال = مافيهم اللي زبن المضيوم
مافيه داع اشمّت العذال = واذيع سري واظهر المكتوم
لابد ياتي للفرج مدخال = واذوق من رحيقه المختوم
خويي على الإيميل والجوّال = يقفي ماني في خوته ملزوم
وش خانته لا صك جالٍ جال ؟ = دام التواصل بيننا معدوم
إلى دعيته جاري الأرسال = وأنا رهين الواقع المشؤوم
عجزنا نحايل حظنا البطّال = نبكي على ماضيينا المردوم
إلى اغتنت مدينة العمّال = راحت على راع العزوم عزوم
غدا الرئيس بكفة الحمّال = من يلتفت في سورها المهدوم ؟
يا رب أجرنا حزة الاهوال = جار الزمن وتغيّر المفهوم
تتعاقب الأحداث والاجيال = كنّا بذاكرة الليال حلوم
الناس تفنا , والقبور تهال = والوقت يمضي , والسنين تشوم !

وسلامتكم


ماجد المهنا

 

 

 

 

[معلومات العضو السفاح {المسعري}]

فـانـا عـدو الـذلّ والانــذال .........وانـا رفيـق الكايـد الشغـمـوم
ذكري معَ الوافيـن طيّـب فـال....والله مجنبنـي عــن المـذمـوم
لـو ان جيبـي مايضـمّ ريـال.........ماجيـت مستعطـي ولا محـروم
علـيّ سرابيـل الغنـا سربال..........ورثتها مـن ( زايـد الملطـوم )




كفو والله ....


سرني اني اول من صافح هذه الشامخه .........


ماجد صح لسانك ملايين ....

 

 

 

 

[معلومات العضو إبن دوسر]

كفووو والله ياماجد المهنّا.. عز الله قصيدة جزله

وهيّن خابرينك يالجزل.. مانت حول الانذال يالذيب !!

صح لسانك ولا هنت.. كنّا متعطشين ومشتاقين لك ولقصائدك !!

الله يعطيك العافيه يالغالي..

 

 

 

 

[معلومات العضو جـــــارح نـــجـــد]

علـيّ سرابيـل الغنـا سربال..........ورثتها مـن ( زايـد الملطـوم )
صح الله لســــــــــــانــــــــــــــــــــــــــــك

 

 

 

 

[معلومات العضو أبو متعب]

يعطيك العافيه على الجزله



صح لسانك

 

 

 

 

[معلومات العضو بدر بن صقر العجالين]

أخوي الغالي و صُلب جدي حـسـن

( الشاعر / ماجد المهنا )

كتبت فأبـدعت صح الله لسانك ياذيبان..

وبيض الله وجهك..

ولا تـحرمنا من ابداعاتك ومشاركاتك..

وتقبل تحياتي،،

 

 

 

 

[معلومات العضو نايف بن مسرع]

صح لسانك يابو عبدالله على هالقصيدة

وبالتأكيد لديك الأفضل دائماً

شكراً لنبضك

 

 

 

 

[معلومات العضو فرحان فهد ال فرحان]

هلا بك ياماجد وصح الله لسانك وبيض الله وجهك

وقصيده تدل على ماتمتلكه من ابداع ولون يختص به ماجد دون غيره

اشكرك على ايرادها هنا لكي نتلذذ مسامعنابالحانها والسنتنا بترديدها والنستشهد بابياتها الرائعه للغايه

 

 

 

 

[معلومات العضو ابو زيد الغييثي]

كم واحـدن حـدّر علـيّ ومـال=وأقفى عليه مـن الزمـان ثلـوم
كفـي شطيـر وصكتـي سـلال=واسمي قلـق واطلالتـي جاثـوم
طبعـي كـذا ماجامـل الجهّـال=من دون عمـري مالحقنـي لـوم
فـانـا عـدو الـذلّ والانــذال=وانـا رفيـق الكايـد الشغـمـوم
ذكري معَ الوافيـن طيّـب فـال=والله مجنبنـي عــن المـذمـوم
لـو ان جيبـي مايضـمّ ريـال=ماجيـت مستعطـي ولا محـروم
علـيّ سرابيـل الغنـا سربـال=ورثتها مـن ( زايـد الملطـوم )

الله الله

حـي الرجـال وحـي ما جاب

ابيات تشوش الراس تشويش

الشاعر الكبير / ماجد المهنـــا

لا جديد طبعا ً سوا الابداع


.


.


.



يــــا مبدع

أخوكـ / ابو زيد

 

 

 

 

[معلومات العضو سالم بن صمهود]

ماجد المهنا
مرحبا بهالطلة وصح الله لسانك يامبدع

 

 

 

 

[معلومات العضو ماجد بن رويه]

واعدت لي عشـرة وانـا جمّـال =مافيهـم اللـي زبـن المضيـوم


ماجد



صح السانك




شاعر مبدع



سجل اعجاب اخوك



تحياتي

 

 

 

 

[معلومات العضو ابو فهد الغييثي]

صح السانك والله يعطيك العافيه على القصيده الجزله والرائعه

 

 

 

 

[معلومات العضو فراج بن فهد آل تركي]

لله درك ياماجد ولله در هذا الشعر

قصيدة متعوب عليها

مليئة بالصور الفنية المبتكرة التي لايكاد يخلو منها بيت واحد في القصيدة,

بل أن البيت الواحد أحياناً يحتوي على أكثر من صورة .

أرويت الذائقة ياأبوعبدالله أرواك الله من الكوثر .

 

 

 

 

[معلومات العضو فيصل بن جزاء]

صح لسانك ياابوعبدالله

والجزاله غير مستغربه من شاعر بحجمك

خالص تقديري واحترامي

 

 

 

 

[معلومات العضو wasel]

مظلوم أعلامياً هذا الشاعر
تمكن وفكره متفرده واسترسال وعز الله انه ونعم يستاهل ظهور لم يستاهله غيره لكن الشكوى لله ...
كفي شطير وصكتـي سـلال
واسمي قلق واطلالتي جاثوم
طبعي كذا ماجامـل الجهّـال
من دون عمري مالحقني لوم
فانا عـدو الـذلّ والانـذال
وانا رفيق الكايـد الشغمـوم
ذكري معَ الوافين طيّب فـال
والله مجنبني عن المذمـوم





رائعه بكل ما تحمل من معاني

صح لسانك ملاييين

وسلمت يداك بما خطت لنا من ذوق جميل

دمت بـــود