قصيده الشاعر سليمان المطرودي في فوز الشيخ موسى الموسى في مزاين الكويت

[معلومات العضو ماجد المطرودي]

بسم الله الرحمن الرحيم

السلام عليكم ورحمة الله وبركاته

اقام الشيخ خالد بن عبدالعزيز الموسى بمزرعته بالبير في يوم الاثنين 8 / 4 / 1434هـ حفلاً بمناسبة فوز شقيقه الشيخ موسى بن عبدالعزيز الموسى بمزاين الابل بالكويت وتحقيقه المركز الأول

وقد تشرفت بإلقاء هذه القصيدة في هذه المناسبة





يا سلامي سلام(ن) عد وبل المخــــــايل
يوم هلت حقوق(ن) من صدوق المخيلة

مني للشيخ موسى عد حروف الرسايــل
وعد ما لاح برق وعـــد ما ســـال سيلـه

ابن عبدالعزيـــز الموســـى راع الجزايـــل
كل شاعـــر لو انه يمـــدح ما اوفـــاه قيله

دون افعولـــه حقيقـــة يقصـــرن المثايـــل
مـــا تـــوفيـــه حقـــه والفعـــايـــل جزيلـــه

شوق من نسعت بالزين شقـــر الجدايـــل
شبـــه ريم(ن) وتسبا بالعيـــون الكحيلـــة

ابن موســـى عريـــب الجـــد للعـــز طايـل
باديـــا بالمكـــارم فـــوق راس الطـــويلـــة

مـــن سلايـــل حرار(ن) يثبتـــون بالفعـايل
قولهـــم يوم قالـــوا وهـــم فـــخـــر القبيلة

عن سنـــام المراجـــل ما رضـــى بالبدايـل
ما رضى عـــن سنـــام المرجلة أي بديلــة

جده عامـــر ولد بدران وافـــي الخصـــايـل
هو ضمين الرجال اللي مضوا وقت جيلـــه

سلمه وسم العصـــا للجــار زبن الدخايـــل
جـــاره آمـــن ومرتـــاح الضمايـــر دخيلـة

روس قـــوم(ن) كرام وينطحـــون الدبايـــل
ما بغـــوا غيـــر قول النعـــم أي حصيلـــــة

في فعول(ن) نهـــار الكون تبري الغلايـــل
لاعتلـــوا من على قـب المهـــار الاصيلـــة

للدواســـر شهـــادة مـــن جميــع القبايـــل
حدهــــم محتمينـــه بالسيـــوف الصقيلـــة

لابـــة(ن) باللقاء تروي حــدود الصقايـــل
تروي حـــد الصقايل في نهــار الوهيلـــة

وقولــي بالشيخ موســى الفعـــل له دلايل
كـــل قـــول(ن) بديتـــه الفعــايـــل دليلـــه

الكـــرم والشجاعـــة والعطايـــا الجزايـــل
والسجــايـــا الحميــدة كاســـب للفضيلـــة

اذكــر الله على اللي طامــح(ن) للاوايـــل
يـــوم منقيتـــه وردت ولا لـــه مثيـــلـــــه

العــالميـــة تزاحـــم بالمـــزايـــن جمـــايل
تاخــذ الفــوز والترتيب من كـــل جميلـــه

جتك تطــوي الفيافي والسهل والمسايـــل
للكويت وردت مـــا بين يـــوم(ن) وليلـــه

زرفلـــن مثل ربد(ن) يوم يعطـــن جفايل
راعـــه الحس والازوال وراحـــت جفيله

من على الارض بالممشا ولا هن ثقايــل
مثـــل ما قيل فرق(ن) وارد(ن) للثميلــه

ما لغيـــره مجـــال ولا لغيـــره وسايـــل
في حضوره ما خلت للمنـــاقي وسيلـــة

تاخـــذ المـــركز الاول بعـــزم وصمايـــل
من يشـــوفه يكبـــر ثم يـــزيـــد اتهليلـــه

وجيت ابارك لموسى وداخل القلب شايل
اصـــدق الامنيات اللـي فـــوادي يشيلـــه

واشكــر اللي فعولــه ما يبي له كمايـــل
وافيـــاً بالفعـــول ومـــرتكـــي للثقيلـــــة

خالـــد اللي ما بيـن النـــاس للنعم نايـــل
في فعـول المراجــل كاســب(ن) للنفيلــة


الشاعر سليمان عبدالله ال مطرودي البدارني الدوسري


اتمنى ان تحوز على رضاكم

ولكم اطيب التحية

 

 

 

 

[معلومات العضو فهد الغريري]

اررررحب ياماجد


صح الله السان الشاعرسليمان عبدالله ال مطرودي البدارني


ومن كريم لمستحق ويستاهلوان موسي الموسى


وتقبل تقديري واحترامي

 

 

 

 

[معلومات العضو راشد المسعري]

صح لسانك ياماجد ولسان الشاعر سليمان المطرودي

ويستاهل الشيخ موسى الموسى ، والف مبروك فوزه بالمركز الاول بالكويت

ورحم الله والده الشيخ عبدالعزيز الموسى " ابو المساكين " وبارك الله في ابنائه من بعده

ولاهنت ياماجد على النقل المميز

تقبل ودي وتقديري ،،،

 

 

 

 

[معلومات العضو ماجد المطرودي]

لك البقى
استاذي الفاضل فهد الغريري كل الشكر على جميل العباره
حفظك الله

 

 

 

 

[معلومات العضو ماجد المطرودي]

اخوي راشد المسعري
نورة متصفحي ولاهنت يالقرم
حفظك الباري ورعاك

 

 

 

 

[معلومات العضو ابن غزه]

صح الله السان الشاعرسليمان عبدالله