التغطية المصوّرة لحفل آل عويد الغييثات لأبناءالشيخ عبد الله الشريع الشمري

[معلومات العضو الإداره]

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين إخواننا أعضاء وزوّار ومرتادي الموقع الرسمي لقبيلة الدواسر أعدّ التقرير عضو مجلس إدارة الموقع الأستاذ فهد بن هادي الغريري حضر الحفل وارسل الصور المراقب الأستاذ محمد بن حمد الشكرة يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل وتجديد الولاء والطاعة والمحبة في ظل القيادة الحكيمة ،ومن باب الإخاء بين القبائل .في ليلة فريدة وفي تجمع عـز وطاعة وفي لقاء أنس ومحبة ومن على جنبات محافظة الأحساء ، في جو أخوي زاد من جماله ذلك التجمع الرائع بين أبناء قبيلة الدواســـر. وأبناء قبيلة شمر. وكما عودناكم مسبقاً بمواكبة الأحداث المتعلقة بقبيلة الدواسر في كل مكان ، فإننا ليسرنا ويشرفنا أن نعرض التغطية المصوّرة لحفل ال عويد الغييثات بمناسبة تكريم ابناء الشيخ عبد الله الشريع الشمري رحمه الله و فوزهم في مزاين شمر 1434هـ .حيث أقيم الحفل بـ قاعة الخليجية بمحافظة الاحساء الشيخ احمد الشريع الشمري الشيخ مسمار بن عويد يستقبل الضيوف مشعل بن فارس بن طوالة العميد عبد الوهاب الشهري الشيخ فيحان بن مران بن قويد الشيخ حجاب بن سعد الحطيم الشيخ بن طوالة الشمري الشيخ بندر الاسمر الشمري ال يليهد الشيخ فهد بن عويد الغييثات ابناء الشيخ احمد الشريع الشيخ فيحان بن مران بن قويد و الشيخ فهد الشريع الشمري عبد الله بن مطلق الشكرة من اليمين علي البناء المري و محسن الحراجين عبد الله الجنوبي المصارير الشاعر سالم بن دهيم الغييثات فـقـرات الحـفـل إنطلقت فعاليات الحفل المنبري عندوصول جميع الضيوف التي قدمها الحفل/تميم بن محمد الغييثات تميم بن محمد الغييثات وقد بدأ الحفل بآي من الذكر الحكيم تلاها القارى ثامر البليهد ثامر البليهد الشيخ فهد بن عويد الغييثات بعدها ألقى الشيخ فهد بن عويد الغييثات كلمة رحب فيها بأبنأء الشيخ عبد الله الشريع والشيخ مشعل بن فارس بن طوالة والشيخ عبد الله الاسمر ووصحبهم الكرام وبأبناء قبيلة الدواسر الذين اتوا من كل مكان والقى قصيدة ترحيبية بهذه المناسبة العميد عبد الوهاب الشهري وبعدها كلمة توجيهيه القاها العميد عبد الوهاب الشهري تحدث فيها عن أعمال ابناء الشريع الخيرة والجليلة وخصوصا ماحدث في مزاين شمر حيث تبرعوا بالماء والبنزين للحضور وهذا يدل على كرمهم الغير مستغرب وتطرق عن الحسد واثاره السلبية مستدلا بذلك بأحاديث من السنة النبوية ولأن مثل هذه المناسبات لابد لـ الشعر أن يكون له حضوراً ، ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر : فهيد بن عويد الغييثات. الشاعر : فهيد بن عويد الغييثات. المواقف مالها الا مداغيش الرجال= اللي يطابق قولها لاحكت لافعالها والشعر لاجا مجالن مثل هذا المجال= تنفتح بيبان كل الشعر واقفالها مرحبا باسم المعزب ياوافين الخصال=باسم نسمار ارحبو والشحم يبرالها يالطنايا ارحبو عد من سولف وقال=وعد نجمات السما وعد نور هلالها اشهد ان اليوم عند المعزب راس مال=والنشاما مكسب الطيب روس اموالها..واشهد ان اللي بعد مثلكم في كل حال=يالشريع بينن قدرها واجلالها انتو اهل الطيب والمجد وافين الفعال=النواميس ابركت عندكم باحمالها الشمري مافيه شي ن على طيبه محال=والصعايب لابغاها تجيه لحالها والشمري اليا اعتزا عزوته مثل الظلال=تحتمي من كان يجلس في حد ظلالها وان عودت يم المزاين وميدان النزال=المركز الاول لكم وابلكم بلحالها كل لونن فيه قسمه من وصوف الكمال=في دقها تفرق وتفرق بعد في اجلالها ابلكم ياحمد نوادر من صنوف الحلال=الله أكبر من عيون البشر وازوالها الرقاب الجرد والخشم وافية السبال=كل ناموسن لها وكل مجدن فالها من جنوب المملكة لين توصل للشمال=صيتها ياحمد يخلي العرب تعنالها ويافهد واللي بعد مثلكم مرخي الريال=مكرم ابله يستحق الفخر وامثالها هي عطايا الله وسفن البدو فوق الرمال=والله اللي ذاكرن في الكتاب احوالها للشريع كل ناموس لاقلنا تعال=المراجل جات تسعى وهم منزالها ارحبو عند الغييثات مركين الدلال=لابتن قد خلدت بالفعول ابطالها ال عويد عزوتن عزها صعبن يطال=هم عصابة راسي وفخري يوم الجالها باسمهم يامرحبا عد حبات الرمال=وعد غيمات المطر لاهما همالها الشاعر ناصر بن عويد الغييثات ثم ألقى الشاعر ناصر بن عويد الغييثات قصيدتان بهذا الحفل ، حيث يقول : هلا بشمر بالطنايا السناعيس=كبار الصحون اهل الطعون الدهايا هلا بشمر كاسبين النواميس=اكفوفهم من كل مجدٍ ملايا هلا بشمر محرقين المحاميس=ساس الكرم شمر ومزن العطايا هلا بشمر يابعاد المراميس=على ظهور معربات السبايا هلا هلا مانسنسن النسانيس=كالعود الازرق ريحها لطنايا من عقبها بسوقها للقرانيس=احمد وفهد ياسهوم المنايا عيال عودٍ يوم شحوا هل الكيس=ودارت رحى حرب الخليج بشظايا سجل لة التاريخ وقفة سناعيس=لو مات ، ماماتت فعوله بقايا ابو لرامل ، فزعةٍ للمحابيس=عساه للجنة كريم السجايا مامات من خلف قرومٍ وفريس=ندو جبين الملحمة والحدايا الروس تقدح والبصاير فوانيس=عليهم اسم الي علم بالخفايا ويوم دحموا بالمعترك كالاشاويس=بوضحٍ وصفرٍ من خيار الشرايا في ذمتي ماذكر خذا قيسكم قيس=اقولها وتشهد علي البرايا القصدة الثانية بديت باسم الله عظيم الشان = الواحد المتفرد المنان ألي نصلي له ونقصد بيته = ونصوم ونزكي رضا واذعان ونخاف من بطشة ونرجي جودة = حسناه تحيي ميت البلدان يارب أعز الدين والى عزه =الدولة الى حكمها القرأن ويارب أعز الفيصلي عبدالله =ويارب أعز الفيصلي سلمان حكامنا اهل الراية المنصورة= نقالة السيف الحدب شامان خلوا جوانب دارهم معمورة = بالسلم والسلام والأمان الذيب من هيبة عيال معزي = يبطح ذراعة مع قطيع الضان من بعدها في حفلة ابن عويد = يامرحبا بالشيب والشبان الحفلة الى نورها لساري = يبين لو هو من ورى الصمان يامرحبا مثنيةٍ مربوعة =وأخص شمر شمر الشجعان شمر وشمر عزوةٍ معروفة = من الجزيرة ل قصر برزان شمر وشمر لابة ابو خوذة = عبدالكريم مكرم الضيفان شمر وشمر محتمين القالة =لامنها كبرت على الفرسان شمر عزاز الجار وعزاز الخوي = ولا جهلنا قصة الشلقان شمر سناعيس الحميا والطنا = زوبع هل الافعال فالاكوان أفخر بمدح الطيبين امثالهم = والكفو مدحة ينهض الحجان قلتة وانا ياسامعي من لابة = دواسرٍ يرجح بنا الميزان قصيرنا ناسم عصاه ويهمل = سلمٍ لنا من سالف الازمان وزبيننا يامن بنا , بعد الله = لو الشريف الهاشمي ديان قد جاء بجيشة يبغي ابن مطرف = ودونة وقفنا وقفة الشجعان وقفة وتاريخٍ عظيم يشرف = يشهد لنا المديون والديان والناس في طيب الفعايل خشرة = ماهوب ملك فلان ولا فلان تمت وصلينا بعد صلى الله = على رسول الله نسل عدنان ومن ثم القاء الشاعرناصر بن عويد الغييثات قصيدة الشاعر سعد مبارك الودعاني بــ هذا الحفل: 1/ يامرحبا ترحيبتن ترفع الراس=وبسم الله الرحمن قبل الهواجيس 2/ اعداد ما الانسان يحتاج الانفاس=ومافا المدارس يدرسون الدواريس 3/ وماهلت الغيمه وماهب نسناس=وماكتب با الاقلام علا القراطيس 4/ ترحيبتن من قلب وشعور واحساس=فيها من الاجلال كم ومقاييس 6/ فيها من الهلاي جلاي الاعماس=وفيها من التقدير ضافي الملابيس 7/ وفيها من الافراح ماشابه احساس=الافراح با الافراج عند المحابيس 9/ يامرحبا في مرحبن مالها قياس=لو جيتنا با اقيسها مالها قيس 11/ عن صدقها يعلم بها خالق الناس=اللي في قرانه حروزن من ابليس 12/ يا الله يا مخزي عمل كل خناس=يا با عث محمد ويامرسل ادريس 13/ اتجمل اللي من شعور التنوماس=ساق المعاني للطنايا السناعيس 14/ ارجال شمر ترثة لباسة الطاس=اهل العزاوي دابسين المدابيس 15/ هم الطنايا لاعتلوا قب الافراس=صالو وجالو واكسبو واحتمو العيس 17/ مجالهم طويل واضح كا الاشماس=والشك زايل والفخر له نباريس 18/ الطيب له ارجال واساس وقياس=والصيت مايلقاه راعي البرابيس 19/ وامدور الامجاد عديم الاجناس=يفعل ولاينضر ولايحسب الكيس 20/ شروا احمد وفهد الشريع من الناس=شراية الغالي واهل النواميس 21/ ورادت الطولات كسابة الكاس=امتممين العز بكل المقاييس 22/ الصيت معهم طيبن مايرا باس=يسير في مسيرهم سيرة القيس 25/ الناس ماتجهل وتدري عن الناس=وال الشريع مبعدين المراميس 26/ ومسمار متميز من الراس لا الساس=امن الطنخ يقيس فا الطيب ويريس 27/ فيه الفراسه با البديهه والارماس=مثل ارتباطات الهوا با النسانيس 28/ فراسة غيثي ايلا راس ماراس=طلع مطاليع النجوم المروايس 29/ فراسته خلقة ومبداه فيراس=غيثي ليثي سلالة اشاويس 30/ عوايد ابن عويد راس واساس=انشهدنه ساس ماهيب تلبيس 31/ مسمار ابن عويد مُنا كل مياس=شوق الغنوج ام العيون النواعيس 32/ مسمار ثابت فالمراجل قوي باس=ثبات ، مشكل في دروب النواميس 33/ النعم مجلس مايجي فيه مجلاس=للي في عينه نضرتن للدنافيس 34/ الجود خصله والمراجل تمراس=والنعم مسلاكه عسير التضاريس 35/ الطيب فعلن مايجي با التهجاس=والصيت مايمشي علا خط تدليس 36/ راعي الكرم ماهوب راعي تغطراس=والناقص يهمه سلوك الغطاريس 37/ المال ، يخدم الناس والعالم اجناس=فيهم كفو للمال وفا الناس من ليس 38/ كم من ثري محروم للمال كداس=ايعامل الدنيا معامل مفاليس 39/ وامبذرين المال في كل نوماس=ال الشريع الطنايا السناعيس 40/ في عزهم يشرون الانعام با الماس=ويدورون الغاليات النوافيس 41/ العز فيهم والكرم كا التنفاس=في كل طولا يشعلون الفوانيس 42/ ومنفقينه في رجا خالق الناس=انفاق من فا الخير ينفق با احاسيس 43/ وختامها كلمه من الراس للراس=للعز طلابه وللرب تقديس 44/ الله يخزي كل كذاب هلاس=ويجازي الصادق جنان الفراديس الشاعر حسن بن محمد بن بطحيه. ثم ألقى الشاعر حسن بن محمد بن بطحيه. قصيدةً بهذا الحفل ، حيث يقول في قصيدته : 1-من هنانحن هنا نهدي على الجمع التحايا=نسبقه بالعودمع فنجال بن وزعفراني 2-ياسﻻم الله على شيوخ من شيوخ الطنايا=شيوخ فعل وموقف معروف للقاصي وداني. 3-والتحيه تشمل الحظارمن كل البرايا=نبتديهابالكﻻم وفي معانيها اطمناني 4-بعدها ترحيبة يرجف صداها بالحنايا=مرحبابرجال شمرواسمهم يمﻻ ﻻذاني 5-بالنيابه عن بني عمي مقاديم الحمايا=ربعنا ﻻدالغييثي باسمهم واهل الثماني 6-مرحبا بجبال حايل من سنا للهماﻻيا= عدماغنى حمام الراعبي فوق المباني 7-وعدمافي روسكم من قدح وعروق وخﻻيا=اتغلي طيب وطناخه ياعريبين المجاني 8-ومرحبا يابناء الشريع ومروية كبدالظمايا=يااحمد وفهد المدايح هيجنة والقاف زاني 9-مرحبايامقدم الشيخان ياذيب السريا=راعي البل يا احمدالشريع والسامع ﻻهاني 10-بمدحك واخصك بمدحي يامحمود السجايا=قبل اشوفك ذكرك الطيب مع الوافين جاني 11-وانت حاله نادره بالعزفي صدرالكنايا=وانت غيم بالمراجل عانق سهيل اليماني 12-وانت حاله بالسخا والبذل وجزال العطايا=وانت معنى الصدق ﻻمن شح في تال الزماني 13-وانت لك في منهج اكرام العرب علم وسوايا=ماتكررحيث جينيات دمك له ضماني 14-وانت لك في سيرة اكرام اللحى مجدتنايا=يستحيل يعيده التاريخ في فصل امتحاني 15-وانت راس يااحمد تهابه عظيمات الرزايا=يدعس اخشوم المصايب ويتقهوى الصيرماني 16-شمريا حاتميا مايهاب من المنايا=يرتكي ويقول يابعدي اسعدك يامن نخاني 17-فزت وانت الفوز عاداتك وغنته الصبايا=وتفتخربك كل طرقا فالقبيله والعواني 18-ﻻنك خيال المهاراللي ثنت دون السبايا=ﻻانتخت بك بنت شيخ القوم من موت بياني 19-مرحبامليون اكررهامن اعماق النوايا=يااحمد الزيزوم واصحابك على صحون السماني 20-عندمسمار الغييثي مردف اكبارالصنايا=سفرته ماكفها عن كل خطار وعاني. 21-سلم ابوه وسلم جدانه وربعه بالقرايا=ماتغيرهم سنين الوقت لوالوقت شاني 22-مطلق مقدام زحزوح على العليا تهايا=ماتفوته قولة النعم الحصان ابن الحصاني 23-عندابوذبيان وقفات الفخرماهي خفايا=وعندبابه تنقضي حاجات خلق الله عياني 24-صامل الوقفات ماتلعبه ارموع وروايا=ناجده يظحك وسيف ساطي حده سناني. 25-زايديا هدته تجعل معادينه جعايا=يقتبس من مخ راس للنعارة به مكاني 26-محزم يعجب وشدبه الظهرسمح الحلايا=سعد عين اللي يحطه من يمينه بالتماني 27-اتفاخربه وحذف اشماغ راسي له فدايا=جيت طرب يوم باسمي طيب الهقوه دعاني 28-جعل يفدونه رجاجيل من النخوه عرايا=لحية بالحكي مطيبها وبالموقف اهداني 29-كنهم بشنابهم ﻻشفت واحدهم بلايا=وان كشفت اصدورهم قلت الزمن ذاقلباني 30-قلتها ونا ابن بطحيه وﻻاحتاج لوصايا=راس مالي في حياتي النعم مع صح اللساني 31-شاعريارد على الطفطوف ماورد الركايا=وقفته تعرف وﻻساوم فلان وﻻفلااني 32-البحرواﻻرض ارضي والسما هذا سمايا=دامني من روس ابن ودعان ماجلس بالزوايا 33-والصلاة اقفل بهاواستغفرالله بالنهايا=ياصلاة الله على وجه النبي اول وثاني الشاعر صالح بن محمد الصليبي الحقبان ثم ألقى الشاعر صالح بن محمد الصليبي الحقبان قصيدةً بهذا الحفل ، حيث يقول في قصيدته : حضرنا نشارك حفلة اهل الوفا والكار=وجينا على داعي الغيثات في الميعاد حضرما وفا من شان راعي الوفا مسمار=ولا نعتذر عن جي مثلك يابو فهاد نقدر رجاجيل الوفا وافية الأشبار=هل العز والناموس ومسطرة الامجاد الاد الغيثي في الوغا متعبة الامهار=ثنوا للثمان وردوا المعتدي بعناد من الاد زايد مركز المجد عز الجار=تواريخهم مشهورة من ثمود وعاد دواسر تعز اللي عليه الزمن دوار=تفك الزبين وتجعل المعتدي ينقاد نفاخر بطيب افعالنا والنفوس كبار=ويوم نشوف اصحابنا من ضحى الاعياد يا مرحبا ترحيبة شعشعة بانوار=تعم الحضور بنورها والثنا ينعاد على اللابه اللي فعلهم ما عليه غبار=رجال الطنايا للوفى والفعول اسياد تواريخهم تعرف وتفخر بها الأخبار=أهل راية بيضاء على نايفة الارجاد واخص الشريع الاسلمي طيب الاذكار=من شيوخ قوم افعولهم دارسه واجداد يزيد الشرف بزيارة ابن الطنايا البار=ونفرح بكل مجرب للثنى وراد اقوله وأنا مانيب ناسي ولا بوار=في حفل المزاين طيبهم للكرم ميلاد وفوا للضيوف بدلة زودت ببهار=وفنجالها فيه العويدي وزود قناد وزودٍ على ترحيبهم مدخنٍ يندار=مع صحون قعدانٍ وحيلٍ تجيك اضماد ولاهي غريبه طيب شمر وفا واشعار=نعد الصحيح وغيرنا للكرم عداد اقوله وانا لا جيت من جملة الشعار=امثل قبيله واعتلي بالفخر وازداد الاد العياضي لابتي مثلها ما صار=من اشراف دوسر قمة العز والامجاد بني تغلب اللي فعلهم يلفت الانظار=وتشهد لهم كل القبايل على الاشهاد هل البن واهل الحيل لا جاهم الخطار=وهل الخيل وقت الميل ومثبة الاوتاد وكل القبايل بالفعايل لها مضمار=ويشهد لها التاريخ وتسطر الرواد وذكر الله اخير عد ما هلت الامطار=وصلاة على المرسول في خاتمة الاوراد ‏ ثم ألقى الشاعر مبارك بن عبدالله الجنوبي المصارير قصيدةً بهذا الحفل ، حيث يقول في قصيدته : يالله اني طالبك ياسميع ويابصير=استعينك فيحياتي بكل احوالها تحفظ الاسلام يبقى عزيز ياقدير =وان تحفظ بلادنا وان تعز اجيالها لادعانا غالي عندنا هان المسير = لاجله بعيد المسافه تهون اميالها دعوة ابن عويد تعني الشي الكثير = نستجيب لدعوته من غلا رجالها ياسلامي والتحيات من راس وضمير = يارجال بالوفا عالي منزالها مرحبا بسم ال عويد مطوعت العسير =مرحبا بسم الغييثات فاستقبالها + مرحبا يارجال شمر هل الاسم الشهير =ياسناعيس تومس بطيب ارجالها كل منهو زارنا مرحبا قدره كبير =بالشحم والبن والعود الازرق فالها مرحبا باللي لفا من كبير ومن صغير = عندربع بالمواجيب ترخص مالها + قلتها وانا من اللي تحول بالمغير =عزوتي لاد الحبيبي عزيز جالها ادفع الترحيب بالعود الازرق والعبير =للضيوف اللي لفونا وهو يهيالها مرحبا عند الدواسر مدله القصير =الزحول اللي شمخ ذكرها بافعالها والخوي والجار يامن ويلقى كل خير = يمنعه وسم العصى من خطى جهاله لابتي خطلان الايدي حماة المستجير =والمجنا لازبنها حمته اسلالها والخوي مايشكي الضيم بالوقت الخطير =تحمله واللي معه في ظهور اجمالها دافعين ديت الجار بالمال الوفير =يوم مات بسبة اجدارها نزالها ذي فعايلنا وهاذا قليل من كثير = والقبايل كلها وافي مكيالها وياسلامي والتحيات للجمع الغفير=والتحيه والثنا في ختام امثالها ياصلاتي مع سلامي على الوجه المنير =خاتم كل الرسل فعلها واقوالها الشاعر مبارك بن محمد بن عويد الغييثات ثم ألقى الشاعر مبارك بن محمد بن عويد الغييثات قصيدةً بهذا الحفل ، حيث يقول في قصيدته : يامسوي الكيف باالله اشعم النار= القلب طربً لها والراس خاوي وليا ظبطت دلتك من بن وبهار=قدم قبل صبها تمرً حساوي= فنجالها للشريع يساق ويدار=سم وتقهوى بعد كيف القهاوي مشاعر الشاعر من الفكر تندار=على مدايح مخلصة الدعاوي مثل الشريع الكريم الصامل البار=اللي على الطايله حرصً حماوي على مزاين بني عبده وسنجار=هقواتهم تخلف كبار الهقاوي ناموس والي هوى غاليه الاسعار= يستاهله لا هوى حر ن نداوي. ست الجوايز لطمها جعلها مجار= اول وثاني وفردي به رهاوي. الليل ليلة وفاء هي رمز وشعار= ورد الثنا واجب بنص الفتاوي. بسم الدواسر جميع وبـ أسم مسمار=أزكي التحايا ومن قلبً شفاوي يامرحبا ياهل الامجاد والكار=ياهل التواريخ عسرين المناوي شمر لهم ثقلهم وافين الاشبار= وشمر هل الطيب عزً للمخاوي وشمر لها وقفةً لاصار ماصار=من فعلها تجرح قلوب وتداوي قلته وانا لابتي تآسم عصا الجار=دواسرً تطرب لصوت العزاوي الشاعر راشد بن عجب الهواملة ثم ألقى الشاعرالشاعر راشد بن عجب الهواملة قصيدة بهذا الحفل : الشاعر سعدي هريص الشمري ثم ألقى الشاعرالشاعر سعدي هريص الشمري قصيدة بهذا الحفل : الشاعر مبارك بن بداح الغييثات ثم ألقى الشاعر مبارك بن بداح الغييثات قصيدة بهذا الحفل : وبعد إنتهاء فقرات الشعر والإحتفال ، فتحت أبواب موائد العشاء ليتفضل الجميع ليتناولوا طعام العشاء على مائدة ال عويد الغييثات. صــور عــــامــه من الحفل وختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لــ آل عويد الغييثات على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه (صوت قبيلة الدواسر) منتدى قبيلة الدواسر الرسمي www.alduwaser.org/vb

 

 

 

 

[معلومات العضو راشد المسعري]

بيض الله وجيه آل عويّد الغييثات على الحفل اللي يجمّل احتفاء بأبناء الشيخ عبدالله الشريع الشمري
والطيب ومزارق الطيب متبادل بين أبناء القبايل وعادة من العادات الطيبة عند العرب
والطنايا يستاهلون والغييثات يفعلون الكرامه وهم أهل الكرم والعلوم الطيبه
عساكم على القوة يآل عويّد وجمّل الله حالكم مثل ماجملتونا قدام شمّر
لاهنت يابو راشد على التغطية المميزة ولك ودي وتقديري ،،،،

 

 

 

 

[معلومات العضو بوراجس المشاوية]

بيض الله وجيه آل عويّد الغييثات
على الحفل اللي يجمّل
احتفاءً بأبناء الشيخ عبدالله الشريع الشمري
ويستاهلون الطنايا والغييثات يفعلون الكرامه وهم أهل الكرم والعلوم الطيبه



عساكم على القوة يآل عويّد وجمّل الله حالكم مثل ماجملتونا قدام شمّر


لاهنت يابو راشد على التغطية المميزة

 

 

 

 

[معلومات العضو ابومبخوت الدوسري]

بيض الله وجيه آل عويّد الغييثات على الحفل اللي يجمّل احتفاء بأبناء الشيخ عبدالله الشريع الشمري
والطيب ومزارق الطيب متبادل بين أبناء القبايل وعادة من العادات الطيبة عند العرب
والطنايا يستاهلون والغييثات يفعلون الكرامه وهم أهل الكرم والعلوم الطيبه
عساكم على القوة يآل عويّد وجمّل الله حالكم مثل ماجملتونا قدام شمّر
لاهنت يابو راشد على التغطية المميزة ولك ودي وتقديري ،،،،

 

 

 

 

[معلومات العضو نآصر البدراني]

آلاد غياث كُفو والطنايا يستاهلون


بيض الله وجييه آل عويّـد الغييثات على الحفل المميز والمشرف


لاهنتوا يا إدارتنا ولاهان ابو حمد على الحضور والتغطيبه ..

 

 

 

 

[معلومات العضو حمد ابن فهد]

كفو يابومدهش رجل يفعل الطيب ولا هو مستغرب عليه وحفل مجمل وبيض الله وجهه ووجيه الربع كلهم

ولاهنتو أدارة ممثلة ببوراشد وابوحمد للتغطية المميزة بيض الله وجيهكم

 

 

 

 

[معلومات العضو عبدالرحمن بن فلاح آل بريك]

ما أجمل هذا التلاحم بين أبناء القبائل ,. بادرة رائعه من آل عويد الغييثات بيض الله وجيههم . والشكر للاخ محمد بن حمد على حضور التغطية وللإدارة على الإخراج الرائع للحفل .

 

 

 

 

[معلومات العضو فلاح بن عايد]

بيض الله وجيه آل عويّد الغييثات على الحفل اللي يجمّل احتفاء بأبناء الشيخ عبدالله الشريع الشمري
والطيب ومزارق الطيب متبادل بين أبناء القبايل وعادة من العادات الطيبة عند العرب
والطنايا يستاهلون والغييثات يفعلون الكرامه وهم أهل الكرم والعلوم الطيبه
عساكم على القوة يآل عويّد وجمّل الله حالكم مثل ماجملتونا قدام شمّر
لاهنت يابو راشد على التغطية المميزة ولك ودي وتقديري ،،،،