|
|||||||
27-05-2007, 04:08 AM
|
#1 | ||||||
|
عافت عطايا شيوخ من روس قحطان = ولدت للشاعر ( زايدي ) النسايل
بسم الله الرحمن الرحيم
السلام عليكم ورحمة الله وبركاته ـــــــــــــــــــ
لبّى مواطي رجلتس اللي بالإيمان = سارت على طهر وبياض العمايل يمّه على هونتس فـ لانيب مرضان = كفي دموعٍ فوق خدتس همايل لا تتعبين القلب يمّه والأعيان = من شاف ذاك الزين شاف الهوايل في زينها شيءٍ كما بنت سلطان = تجمع تروف الغيد تحت الجدايل والعقد فوق الجيد للعنق سجّان = العنق بي العنق وافي خصايل هي كلها في بعضها صار هيمان = ( ديرة ترف ) تمشي وأنا مير اخايل الجادل اللي لا ارتمى فوق الأمتان = يا تلّ قلبي من دلاله تلايل تلة أسيرٍ حطه الله بقشران = عزيز قومٍ لكن العزّّ زايل ماله سوا يصبر على جور خبلان = ويكتب وصاته في وضوح النصايل يمّه هويت اللي لها عود ريان = ويرسل هدبها في صميمي نبايل وغزة نهدها كنها بيض حوران = في عالي المرقاب صعب المنايل واليا حكت في ثغرها طعم رمان = مثل النحل جوها شيوخ القبايل شيخٍ يسوق من الذهب غالي أثمان = وشيخٍ توقّف حيلته دون الجمايل لين افزعوا له ربعه اللي لهم شان = شجعان راحوا يفعلون الفعايل ربعٍ على الطوله قرومٍ وفرسان = يردون حوض الموت فوق الهزايل لا جردوا بـ أيمانهم شهب الأيمان = حدب السيوف مفرقات الخلايل جت مع صهيل الخيل عزوة قهيدان = اللي على الطولات بـ العون طايل ماهوب ذاك اللي عن الخير نومان = وزودٍ على الصفره ينام القوايل مير الربوع اللي نخاهم كحيلان = شيخٍ ورى الهيات صايل وجايل ردوا بذود القوم والخيل والضان = وشلفا الشجاع اللي تنول النوايل وحطوا على الياقوت لولو ومرجان = وريش النعام وناعمات الخمايل ومن الجواهر ساقوا أشكال والوان = وشيءٍ عجيبٍ مالقوا له مثايل ومن ورث كسرى معه قيصر وهامان = وقوافلٍ من خير ربي تمايل !؟ ( كله لعين اللي له القلب شفقان = أم العيون السود بنت الحمايل ) يمّه بدعت القاف مانيب طربان = ولابي جنون ومسّ والا هبايل يمّه بدعته ليه ؟ ودي وطمعان = أكسب غلاها يوم جتني دلايل دلايلٍ من طرف مكحول الأعيان = يومٍ صد الرمش والكحل سايل ومن البكا ثوّر بها الشوق بركان = وهلت لي العبرات بنت الأصايل لبيت وجيت وقلت وش صار وش كان ؟ = قالت علامك ماترد الرسايل !؟ قلت : أبشري وبـ القاف سيلت وديان = بأقصى جنوب القاع وأقصى الشمايل ( يمّه وردت المجد ما أحتجت لإنسان = وأرويت عرقي منه لين الثمايل ) و ( المهره ) اللي حيرت روس شجعان = عسفتها وأعدمت كل الوسايل ! عافت عطايا شيوخ من روس قحطان = ولدت للشاعر ( زايدي ) النسايل يمه على هونتس فـ لانيب مرضان = أنا على خبرتس ( عريب السلايل ) .... الشاعر / محمد بن عبـدالله المهنـّـا الشكـره
|
||||||
|
|
|
|
27-05-2007, 04:59 AM
|
#2 | ||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
صح لسانك ولسانه شاعر متمكن وقـوووي وقـصيـدته جـزلـه ..
|
||||
|
|
|
|
27-05-2007, 06:26 AM
|
#3 | ||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
قصيده جزله من شاعر جزل بلا شك
|
||||
|
|
|
|
27-05-2007, 07:21 AM
|
#4 | ||||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
أخي بلنتي
|
||||||
|
|
|
|
27-05-2007, 01:28 PM
|
#5 | |||||||||||||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
|
|||||||||||||||
|
|
|
|
27-05-2007, 05:18 PM
|
#6 | ||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
ابن العم الغالي بلنتي
|
||||
|
|
|
|
27-05-2007, 06:06 PM
|
#7 | ||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
ارحب يابلنتي تراحيب المطر وصح الله لسانك على هذا النقل
|
||||
|
|
|
|
27-05-2007, 09:32 PM
|
#8 | ||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
بيض الله وجهك وصح الله لسان الشاعر القدير محمد بن مهنا الشكره وبيض الله وجهه
|
||||
|
|
|
|
29-05-2007, 02:17 AM
|
#9 | |||||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
اقتباس:
وابشر بعزززك و ابو عبدالله سمعت انه مسجل فالمنتدى ياليته ما يحرمنا من تواااصله عموما ً لاهنت يا ذيبان على مرورك وردك
|
|||||||
|
|
|
|
29-05-2007, 02:22 AM
|
#10 | |||||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
اقتباس:
الف شكر
|
|||||||
|
|
|
|
29-05-2007, 03:05 AM
|
#11 | ||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
قصيده جزله من شاعر جزل بلا شك الشاعر محمد المهنا الشكري
|
||||
|
|
|
|
31-05-2007, 02:37 AM
|
#12 | |||||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
اقتباس:
وجهك ابيض يا غالي ولاهنت على مرورك
|
|||||||
|
|
|
|
31-05-2007, 02:38 AM
|
#13 | ||||||||||||||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
اقتباس:
بيض الله وجهك يا صبي الملازيم عـ المرور الطيب والرد الوووافي
|
||||||||||||||||
|
|
|
|
31-05-2007, 02:43 AM
|
#14 | |||||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
اقتباس:
وجهك ابيض يا غالي ولاهنت
|
|||||||
|
|
|
|
31-05-2007, 02:44 AM
|
#15 | |||||||
|
رد: عافت عطايا شيوخ من روس قحطان = ولدت للشاعر ( زايدي ) النسايل
اقتباس:
والله يقدرني على ارضائكم ولاهنت على مرورك
|
|||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 04:04 AM
