مجاراه الشاعر مقعد الدغيلبي

**معلومات** **العضو** · 10-03-2010, 10:22 PM

قصيده الشاعر/ مقعد التغليبي

يامواويل الغرام وياصدى صـوت الحنانـي=ويانسيم الليل داو الجرح والنفس العليلـه
طالت المده وانا أسامرك ياسهيل اليمانـي=ليله آشوفك وليله يحّجبك بـرق المخيلـه
واصتدمت بواقعي والشوق للعوده دعانـي=وعودة المشتاق تنهكها ألمسافات الطويلـه
والمحبه والغلا والبعد وظـروف الزمانـي=أرهقتني مير أنا مالي على المكتوب حيلـه
آتصدى والزمان الشيـن مازعـزع كيانـي=وأتحدى وآتصدى وابرك الحملـي واشيلـه
والفلك دوار والشـدات للرجـل أمتحانـي=وألاماني ماتحقق بيـن يـوم وبيـن ليلـه
ماعلا الدنياء قرار ولاعلا الدنيـاء ظمانـي=قالها أللي جرّب الحلـوه وذاق الحنظليلـه
علموا(تركي) تراني رحت فالرحلـه ترانـي=رحلة ألاشواق سارت والله أعّلـم بالدليلـه
يابن مزيد ماشكيت الا ألك عن قاصي وداني=حيث جرّبت الهواء قبلي وشارب من صميله
ماذبحني يالعصيمي غير جـلآي الثمانـي=المناياء في عيونه والنعومـه فـي جديلـه
عيطموسٍ وسط قلبي جالها قـدّر ومكانـي=بنت شيخٍ له مكانه واطيب اشيوخ القبيلـه
آلاصاله ورث جـده والعبيـه والحصانـي=ينتمي للمجد(عفواً) مجدها اللـي ينتميلـه
والحقيقه طيفها سيطـر عليـه واحتوانـي=واستشلت عنفوانت قوتي وامسـت ذليلـه
عن وصاله ماحداني خوف كل اللي حدانـي=سلّم ابوي وسلّم جدي والمعاليق ألأصيلـه
والعلاقه بيننـا مندوبهـا كوفـي عنانـي=بس كوفي من فصيله والحبيب من فصيلـه
والنهايه يازمانـي وش بقالـي يازمانـي=مابقى غير أنتظر مردود كسـاب الجميلـه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,
وهذا ردي

العتيبي يوم غنا هيض اجروح (ن ) دفاني=واعذابه من وليفن حط في كبده مليله
صار من بعد المسافه والغلا قلبه يعاني=واوجوده من وليف (ن) مارضى قلبه بديله
ولا انا ياتل قلبي تلت احبال السواني=من وليف(ن) صاب قلبي مارضى يخلي سبيله
حبها ساكن بقلبي من ورا ذيك المحاني=واوجودي يوم قفا واستدال اليل ذيله
القمر لوشاف زوله قال قم وقعد مكاني=ياعسا من يكرهونه تحت ماتطا رجيله
عنقها عنق المهاه ورمشها سهمه رماني=وخطوته لامن خطاها كن في خطوته ميله
لامشا بين الخلايق اشروله بالبناني=كل شخصن من جماله وده انها له حليله
واندب الي لانخيته من عنا همي كفاتي=يامحمد زاد همي وانت شيال الثقيله
والله اني دون وصله ماتهنا لوثواني=واعرف انه لاتركني صرتنا والله قتيله
قالي ابشر بخلك ولاغفت عين الجباني=ناخذه بلملح الشهب والمقمع والفتيله
لو جنود الترك دونه والله انا مانواني=ومن نخاني يحتزم بي والله الوالي كفيله

**معلومات** **العضو** · 10-03-2010, 11:24 PM

شبل زايد

صح لسانك

قصيده جزله ومجاراه اكثر من رائعه

دمت متالقا

**معلومات** **العضو** · 11-03-2010, 01:27 AM

واندب اللي لانخيته من عنـا همـي كفانـي
يا محمـد زاد هـمي وانت شـيّال الثـقـيـلـه

والله انـي دون وصـلــه ماتـهـنـا لو ثــوانـي
واعرف انـه لاتـركنـي صرتـنـا والله قـتــيـلـه

قال لي ابشر بخلـك لاغفـت عيـن الجبانـي
ناخذه بالملـح الأشهـب والمقمّـع والفـتيلـه

لو جـنـود الـتـرك دونـه والله إنــا ما نـوانـي
ومن نخاني يحتزم بي والله الوالـي كفيلـه
××××××××××××××

صح الله لساااانك ملايييين ياشبل زايد
مجاراة جميلة ومحبكة وجزلة واجدت باتقان
ولاتنقص قصيدة الدغيلبي في حقها
سوى انه هيض شاعرنا شبل ...
**ورغم اعجابي والله باسلوبك المغاير عن مقعد
وطريقة تغزلك بمحبوبتك بجزالة وتمكن شعريين..
إلا أنه مايمنع إني أهمس في أذنك ياشبل :
الشطر هذا لاينفع بغزل ولايرضي محبوب
ولايذهل شاعر ولايقنع لبيب ولايغري معجب,,
ياعسى كل العذارى تحت ما تآطى رجيله
والعذارى منهم الكثير من محبوبات واخوات وعزيزات
وقارئات للنص وعضوات..**
وادري ياشبل انك ماتقصد اي من هذا الللي ورد
لكن من حبك الجم لمحبوبك وانه الاول والاخير في قلبك
مثل قولة(جعل يفدى وليفى مابقى من عذارى)..
ولكن اعجابي بما كتبت حثني على ان اهمس لك بهالعتب
الصادق من اخ محب ورب البيت..
لان الشطر جاء على طريقة دعاء..
هههه ..<واحد مارضى على وليفه وشاش راسه>
______
عموما" دمت مبدعا" يالقرم واعجبني جزالة مجاراتك للدغيلبي ,, صح الله لسانك واسعد ايامك وهنّاك بغاليك
تقبل مروري وعتبي ياولد ابوي براحبة صدرك الكريم..
لاهنت,,,,

**معلومات** **العضو** · 11-03-2010, 01:52 AM

اخي العزيز مبارك الجوير اسعدني مرورك وهمسك وجميع الاخوات في المنتدا على راسي لهن الحشمه والتقدير
وجل من لايخطي
بس والله مهوب القصد
ممكن الحب اعماني شوي والقصيده اعجبتني وجيتك منطلق
اكرر الاسف لجميع الاخوات
واسعدني نقدك يامبارك واذا فيه مجال تغير البيت
الى
ياعسى من يكرهونه تحت ماتاطا رجيله
اكون ممنون لاني جديد في الكتابه على الكمبيوتر
ولا نزعل العذارى يامبارك

**معلومات** **العضو** · 11-03-2010, 02:05 AM

ارحب يالضرغام صح لسانك واعتلى شانك على هذه المجاراة الرائعه لقصيدة اخوي الغالي مقعد بيض الله وجهك وصح الله لسانك والله يخلي لك وليفك وجعله مايبكيك
تقبل اعجابي وفائق تقديري واحترامي

**معلومات** **العضو** · 11-03-2010, 06:24 AM

اقتباس:

المشاركة الأصلية كتبت بواسطة شبل زايد

اخي العزيز مبارك الجوير اسعدني مرورك وهمسك وجميع الاخوات في المنتدا على راسي لهن الحشمه والتقدير
وجل من لايخطي
بس والله مهوب القصد
ممكن الحب اعماني شوي والقصيده اعجبتني وجيتك منطلق
اكرر الاسف لجميع الاخوات
واسعدني نقدك يامبارك واذا فيه مجال تغير البيت
الى
ياعسى من يكرهونه تحت ماتاطا رجيله
اكون ممنون لاني جديد في الكتابه على الكمبيوتر
ولا نزعل العذارى يامبارك

شبل زايد يا الكفؤ..
ورب البيت اني ادري وكل شاعر ومتذوق يدري
إنك ماتقصد وماكنت تعني اي عذرى ولاغيرها
لانك في القصيدة واندماج شاعرها مع حبكها
لايرى الا محبوبته فقط ومن حبه الجم لها يريد
ان يقول كل شيء جميل لهاويرفع من شانها
وهو في حينها لايرى من هو غيرها ولايقصد لهم شي..
ويمكن اني وضحتها فالرسالة الاولى وملتمسين العذر والله
________
أخوي شبل مابغى اطيل اكثر<هههه أكثر من كذا ههه

>
انت امير باخلاقك و نبل معدنك ورحابة صدرك الكريم
وبيتك الجديد من اجمل الافكار وبسلاسة الشاعر المتمكن
ماشاءالله عليك.. وفقك الله يا النشمي
ودام عزك وانا اخوك