الدواسر ومزاين ام رقيبه

**معلومات** **العضو** · 27-11-2008, 05:24 PM

مزاين ام رقيبه الشغل الشاغل في المجالس والديوانيات

هذا المزاين ما ان يقرب وقته الا الكل يتكلم عنه وحتا بعد ما ينتهي الكل يتكلم عنه

والحمدلله قبيله الدواسر دايم لها مراكز اما في نخبه ولا في فردي ايا كان الا ويكون فيه دوسري له مركز متقدم وبهذي المناسبه نتكلم عن المزاين ونذكر ربعنا اللي مشاركين يعني اي واحد يقرب له مشارك في المزاين ( السنه هذي ) يذكر اسم المشارك ونوع الذود وهل سبق وان شارك وهل فاز في اي مركز واتمنا من الجميع المشاركه وانا ابدا باللي شارك في المهرجان العام هذا

1 - عمي ( ناصر بن هديبان بن فالح الثاقبي الشكري ) الله يطول بعمره الذود الصفر وشارك تقريبا ست او سبع وفاز فيهن كلهن واخر مره شارك كان في المركز السادس
( وان شاء الله السنه هذي يجيب مركز متقدم )

2 - الشايب سعد بن سالم ال عجيبه الثاقبي الشكري الله يطول بعمره الذود وضح هذي اول مره يشارك والله يوفقه وان شاء الله يجيب مركز متقدم

3- الشايب محمد بن رجا الغرابا الثاقبي الشكري الله يطول بعمره ويعافيه الذود صفر واول مره يشاركون في المهرجان واسال الله ان يوفقهم في المزاين ويجيبون مركز

هذا اللي من جماعتنا قريب واسال الله لهم التوفيق واخذ مراكز

واعترف لكم ان السنه هذي منافسه قويه حيل اقوى من اللي قبل لكن الله يوفق الربع كلهم

وللعلم حاولت انزل مقاطع للذيدانهم عن طريق ارفاق ملفات وبعدها ضغطتها وجلست ساعه واخرتها يقول الملف كبير

واللي من ربعه مشارك او يعرف احد اتمنا يذكر لنا

تحياتي للجميع

**معلومات** **العضو** · 27-11-2008, 05:43 PM

عذر توني انتبه لمركز تحميل الاعضاء اللي تحت والحمدلله سعة التحميل فيه مفتوحه

ارفق لكم مقطع ذود عمي ناصر بن هديبان

http://almobile.maktoob.com/org/uploads/56652fff48.zip

وارفق لكم مقطع ذود الشايب سعد بن عجيبه

http://almobile.maktoob.com/org/uploads/d32718816f.zip

والعذر من ال رجا ما عندي مقطع لذيدانهم ووعدني محمد بن رجا ( الحفيد ) بمقطع ذيدانهم ولا وصلني شي واول مايوصل ابشرو يا ال رجا

**معلومات** **العضو** · 27-11-2008, 06:23 PM

ابيض وجه يابو عبدالله ويعطيك العافية على موافاتنا بالمشاركين من بني عمنا الشكرة الكرام ،وكذلك على هذا المقاطع للذيدان ، وننتظر بقية اخواني الكرام لتزويدك بما لديهم من معلومات عن بقية الدواسر المشاركين في ام رقيبة لهذه السنة وفيهم البركة ونسأل الله لهم التوفيق ،،،

**معلومات** **العضو** · 27-11-2008, 07:31 PM

اشكرك على الموضوع أخوي ابو عبدالله
كما أحب اذكر الشيخ /فهد بن فريج الشكره - رئيس مركز هجره الشكره - حيث انه شارك في المزاين من بداية تاسيسه وحصد في جميع الاعوام على مراكز متقدمة ,,

وتقبل وافر التقدير ,,,

**معلومات** **العضو** · 27-11-2008, 09:09 PM

المشااركين في مزااين ام رقيبه السنة ذي على حسب علمي

1. الشيخ سعد بن مبارك بن قرنين الفئه 50 وضح

2. مطلق بن مسند الغييثات الفئه 50 وضح

3. جابر الهوامله مجاهيم

4. حسن بن هذال الشكره مجاهيم

5. بن بتال الحمالين مجاهيم

6.شبنان الغييثات 50 صفر

**معلومات** **العضو** · 27-11-2008, 11:25 PM

راشد المسعري يا مرحبابك والله يعافيك وانا معك في انتظار باقي الاخوه

**معلومات** **العضو** · 27-11-2008, 11:27 PM

فيصل الشكري ارحب يابو عبد الهادي وبو فريج مايحتاج صاحب الذودين المجاهيم والمغاتير والله يوفقه والشخص هذا له عندي احترام وحب الله يعلمه
سلمت على الاضافه

**معلومات** **العضو** · 27-11-2008, 11:28 PM

محمد الولامين اشكرك على اضافه بني عمنا والله يوفقهم وان شاء الله ياخذون مراكز ويستاهلون

تسلم تسلم

**معلومات** **العضو** · 27-11-2008, 11:29 PM

في انتظار مشاركات بني عمنا الباقين واضافاتهم

**معلومات** **العضو** · 27-11-2008, 11:35 PM

هذه بعض اسماء المشاركين في فئه 30 وضح

1-عميق فهد الغياثات الدوسري

2-مساعد بن ذهيلان الغياثات الدوسري

3-مقعد ال وحيمر الغياثات الدوسري

**معلومات** **العضو** · 28-11-2008, 11:42 PM

اقول الله اوفقهم والدواسر هم اهل البل صدق مهو بكذب

وخلو الوضع يرجع الطبيعتة

لغلبت الروم وانا ابن غياث

والدليل كل الى افوزون فى المزاين اكثر البل الى معهم علية وسوم الدواسر